-Joseph Joute/HT
CCPur, 20 Nov.,2014: Hmar Literature Society (HLS), Manipur, Assam, Mizoram, Meghalaya,Jt Coordination Committee huoihawt ni 2 sung aw Joint Conference, Rengkai Community Hall-a nei chu hlawtlingtaka zofel a ni tah. A ni khat ni hin Meghalaya HLS lawmlutna le Business Session (Rorelna) nei a nih a. A ni hni ni hin Seminar neiin Hmar ṭawng hmasawn pei dan ding le tulaia Hmar ṭawng ziek dan thua ngaidan thar hai hriltlang a nih.
Chanchin ei lo hriet dan chun, tuta Hmar ṭawng ziek dan(HLS Standard) ei hmang mek (Manipur le Assam University haiah pawm a lo ni tah) hi hmang zawm pei a ṭha am, annawleh ziekdan Standard thar hmang a ṭha lem am, tiin Delegate le mipui fekhawmhai lai Seminar paper present zo hnungin discussion neiin vote lak a nih a. Tuta HLS Standard, hnamin ei fepui zing lai hi a pangngaia la hmang zawm pei nisen ṭha an ti thu Member fekhawm po povin ban pharin thu suk thluk a nih.
Seminar paper hi Pu Lalthangkunga Hmar, Upa Dr Vanlal Tluong Bapui le Prof L. Ruoivel Pangamte haiin an present a. Hmar ṭawng Alphabet thu dam, Hmar ṭawng hausak zie dam, hma a sawn peina dinga pawimâw hai le, Alphabet sukdanglam nêkin ṭawng thar sersuok pei a ṭul lem zie thu hai hriltlang a nih. Seminar-in a thlîr laia pawimawtak, Hmar ṭawng a peculiar le special bîkna, “Ṭ” le “O” thu, “Tr” le “Thr” thu hai hriltlang a ni bawk a. Hnam sunga pawl tum tum hai khawma an lo pawmpui a ni leiin HLS khawmin inza takin la hmang zawm pei nisien, tiin thutlukna siem a nih.
TET le NET exam haiah Hmar ṭawnga exam thei a ni ve ta leiin Hmar mi tamtak sawrkar sin hmu thei ei hung tam pha sawt a, hnam dang, Nepali le Kuki hai chenin Hmar MIL an ṭangkaipui a. Hmar MIL leiin mi 93 chu sawrkâr appointment hmu thei dinga um an nih tiin Assam HLS ṭhuoituhai chun an hril.
Hmasawnna dinga pawimâw tak, tuta inthawk chu Hmar Literary Award siem ni ta sienla, Jt Coordination Committee in hung bawzui rawse tiin thu passed a ni bawk.
CCPur, 20 Nov.,2014: Hmar Literature Society (HLS), Manipur, Assam, Mizoram, Meghalaya,Jt Coordination Committee huoihawt ni 2 sung aw Joint Conference, Rengkai Community Hall-a nei chu hlawtlingtaka zofel a ni tah. A ni khat ni hin Meghalaya HLS lawmlutna le Business Session (Rorelna) nei a nih a. A ni hni ni hin Seminar neiin Hmar ṭawng hmasawn pei dan ding le tulaia Hmar ṭawng ziek dan thua ngaidan thar hai hriltlang a nih.
Chanchin ei lo hriet dan chun, tuta Hmar ṭawng ziek dan(HLS Standard) ei hmang mek (Manipur le Assam University haiah pawm a lo ni tah) hi hmang zawm pei a ṭha am, annawleh ziekdan Standard thar hmang a ṭha lem am, tiin Delegate le mipui fekhawmhai lai Seminar paper present zo hnungin discussion neiin vote lak a nih a. Tuta HLS Standard, hnamin ei fepui zing lai hi a pangngaia la hmang zawm pei nisen ṭha an ti thu Member fekhawm po povin ban pharin thu suk thluk a nih.
Seminar paper hi Pu Lalthangkunga Hmar, Upa Dr Vanlal Tluong Bapui le Prof L. Ruoivel Pangamte haiin an present a. Hmar ṭawng Alphabet thu dam, Hmar ṭawng hausak zie dam, hma a sawn peina dinga pawimâw hai le, Alphabet sukdanglam nêkin ṭawng thar sersuok pei a ṭul lem zie thu hai hriltlang a nih. Seminar-in a thlîr laia pawimawtak, Hmar ṭawng a peculiar le special bîkna, “Ṭ” le “O” thu, “Tr” le “Thr” thu hai hriltlang a ni bawk a. Hnam sunga pawl tum tum hai khawma an lo pawmpui a ni leiin HLS khawmin inza takin la hmang zawm pei nisien, tiin thutlukna siem a nih.
TET le NET exam haiah Hmar ṭawnga exam thei a ni ve ta leiin Hmar mi tamtak sawrkar sin hmu thei ei hung tam pha sawt a, hnam dang, Nepali le Kuki hai chenin Hmar MIL an ṭangkaipui a. Hmar MIL leiin mi 93 chu sawrkâr appointment hmu thei dinga um an nih tiin Assam HLS ṭhuoituhai chun an hril.
Hmasawnna dinga pawimâw tak, tuta inthawk chu Hmar Literary Award siem ni ta sienla, Jt Coordination Committee in hung bawzui rawse tiin thu passed a ni bawk.
