Doctorate Degree hmu thar

Aizawl, September 5, 2014: Tv (Dr). Zomuana Zote, S/o Tlanglawma, Kanan Veng, Aizawl chu Department of Library & Information Science, Mizoram University (MZU) chun 25th August, 2014 khan Doctorate Degree a lo inhlân tah. A thesis ziek hi “Resource Generation & Mobilisation in College Libraries in Mizoram” ti a nih. 

Dr. Zomuana Zote hin subject 2 ah Master Degree neiin, kum 1993 khan NEHU hnuoiah MA (Sociology) ṭha taka a zo hnungin MZU hnuoiah M.Lib an chûk nawk a, M. Lib hi First Class-a pass in Gold Medalist a ni nghe nghe a nih. M.Lib a zo hnung hin research (Ph.D) thaw nawkin August ni 25 khan MZU chun Doctorate Degree a lo inhlân fel tah a nih. 

Dr. Zomuana Zote hi Khawlian (Mizoram) khuo suok niin tuhin Kanan Veng, Aizawl ah in le lo nghettak neiin sungkuoa khawsa mek an ni a, Aizawl North Govt. College-a Librarian sin chel lai zing a ni bawk. Ei hriet thei dan ding chun Dr. Zomuana Zote hi HSA Gen. Hqrs. a Finance Secretary sin lo chel ta hlak Pu. JC Tlangthansiama a sangpa a nih.