Zanikhan Pakistan sipai han BSF border Outpost an hung kap: BSF 1 a thi a, mi 7 an hliem
JAMMU: Zani sun dar 11:30 vel khan Pakistan sipai han Jammu and Kashmir a, Jammu District sunga India le Pakistan inrina (International Border), Piltal an ti hmuna BSF Border Outpost an hung kap a, BSF a puonsawptu, Sanjay Dhar an kap hlum a, mi 7 an kap hliem. Hliem hai laia 3 hai chu BSF personnel, Madan Lal, ASI; Constable Som Raj le Madan Lal, Inspector hai an nih. Hliem dang mi 3 hai chu Bihar State mi, inhlawfa le pakhat dang chu tuolsung mi, Arnia hmuna um a ni a, Government Medical College, Hospital, Jammu a admit le enkawl an nih tiin BSF thusuok chun a hril. July 15, 2014 ni khan Chambiliyal, Samba District, J&K ah India le Pakistan sipai han flag meeting an nei a, ramri zula hlohna le thingkunghai samtluk vawng ding ti le Ceasefire bawse ta lo ding ti thu hai an hriltlang a, sienkhawm Pakistan chun Ceasefire a hung bawsiet nawk nghal a, July thla sunga ceasefire a bawsiet a vawithumna a nih. April le May, 2014 inkara sung khan Pakistan in Ceasefire vawi 19 a bawsiet ta a nih. Kum 2013 sung khan India sipai 12 an kap hlum a, mi 41 an hliem a, Ceasefire vawi 149 zet an bawsiet tiin BSF thusuok chun a hril.
DC in GNB Girls’ Hostel a hawng
CCPUR: Ms Niangngaihlun Buhril in an din Rengkai Muolhlum-a GNB Girls’ Hostel chu zani 11:00AM khan Mr P.K. Jha, IAS, DC, CCPur chun khuolliena ṭhangin a hawng. Hi huna hin Pu Langkhanpau Guite, Chairman, ADCC khawmin a uop ve. Hi huna DC in thu a hrilnaa chun, thil iengkim thaw dingin tuorsel, titak le zangaitheina nei a pawimaw a, mihriem hai khawm hi Pathienin ei chunga zangaina an langtir leia hring le dama um ei nih tiin a hril. GNB Girls Hostel-a um naupang hai chu an nu le pa han hmangai tak le ṭha taka an enkawl ang bawkin Hostel enkawltu hai chu naupang hai hmangai taka enkawl dingin an fui a, hostel hlawtling tak hung ni ngei dinga a ditsak thu a hril. Pu Langkhanpau chun, Hi hostel fethlenga nuhmei hai ngirhmun dawmsang a hung ni ngei le ei society-a nuhmei hmangtlak serdawktu a hung ni ngei a ditsak thu a hril.
Pasal pakhat Rûlin a chuk hlum
CCPUR: July 14, 2014 zantieng khan Mr Hero Takhellambam (51) chu Saikawt-ah lampuia Rûl invak a sir fuk leia a kut a chuk pek leiin damzo lovin July 15, 2014 khan RIMS, Imphal-ah a thi. Ei thu dawngnain a hril danin Takhellambam hi Lo fe In a hung inlawi tieng Saikawt-a Pu Joseph D. Hmar in bul lai vel lampuiah a kein Rûl hi a sir fuk leiin a kutin a zuk man a, a kut hi Rulin a lo chuk pek niin a hril. Takhellambam hin Rûl hi thatin a sa khawm a fak nghe nghe nia hril a ni a, amiruokchu, zan dar 12:00 (PM) velin a hung buoi ṭan a, chu taka inthawk RIMS, Imphal panpui, damzo lova July 15, 2014 zingkar-a thi a nih. A chuktu rul hi ft. 5 vela sei nia hril a nih. Takhellambam hi Kristien (EFCI Kohran-a inkhawm) a ni leiin a ruong hi July 15, 2014 khan vui liem a nih
Tar Pension sum
CCPUR: NSAP hnuoia Indira Gandhi National Old Age Pension Scheme (IGOAP), kum 60-79 inkarhai thla 9 pension sum Rs. 1800 (thla khatah Rs. 200); kum +80 hai thla 9 pension sum Rs. 4,800 (500x9= 4500+ 300 arrear = Rs. 4,800; Indira Gandhi National Widow Pension Scheme (IGNWP) Rs. 3,000 (300x10) le Indira Gandhi National Disable Pension Scheme (IGNDP) Rs. 3,000 (300x10) seng an Bank Account haiah lak thei dinga sie lut a ni tah tiin District Social Welfare Officer, CCPur chun inhriettirna a siem.
Khum 50 hungtlung
CCPUR: District Hospitala hmang ding Khum 50 le Dunlop 50 zani hmasa zan khan a hungtlung a. Hieng khum hai hi zanikhan hospital thawktu le mistiri han an remkhawm tawl.
Arsa le Nga man bituk
CCPUR: Autonomous District Council (ADC), CCPur chun July 9, 2014 khan Arsa le Nga man bitukna Order an suo. Hi dungzui hin Arsa Local/ layer chu Kg. 1 ah Rs. 250 (live) le Rs. 300 (dressed), Broiler Kg. 1 ah Rs. 140 (live) le Dressed Kg. 1 ah Rs. 200 a nih. Nga chu - Rou Kg 1 ah Rs. 180, Grass Carp Rs. 190/- le Common carp Rs. 200/- a nih.
Rengkai ICI Biekinah Crusade
CCPUR: July 18-20, 2014 inkar sungin Rengkai ICI Biekinah Crusade um a tih. Mitin sandamna chanchinṭha ngaithla dingin Rengkai Local Evangelism Committee, ICI chun fielna an siem. Speaker chu Upa Dr Zawlthanglien Changsan, Shillong ning a tih.
Khum 50 hungtlung
CCPUR: District Hospitala hmang ding Khum 50 le Dunlop 50 zani hmasa zan khan a hungtlung a. Hieng khum hai hi zanikhan hospital thawktu le mistiri han an remkhawm tawl.
DDT Second round kap mek a nih
CCPUR: CCPur District sunga khuo tum tum haia chun tulai hin DDT Second round kap mek a ni a. Hi le inzawm hin Dr Thanchinkhup Guite, CMO/DMO, CCPur chun mipui hai chu mani insung chit lo inkaptir seng dingin a ngen bakah khuo lal, V/A member le ASHA worker hai chu DDT kapna lo thlawp seng dingin an hrittir bakah Health Supervisor hai chu an biel chita DDT kapna lo enkai dingin an hriettir.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Luaingaihnem in hla sak a ta, sin ruok puong ning a tih. Hmar programme a chun hla thlang le sin ruok puong ning a tih. Thadou programme a chun Melody Changsan in hla sak a ta, sin ruok puong ning a tih.
Nuhmei naupang DESAM in an sansuok
IMPHAL: Zani zing dar 9 vel khan R.K. Milan, Advocate le R. K.Linthoi, Sub-Inspector of Police han Sagolband Sayang hmuna an chengna in a an umpui, nuhmei naupang nasa taka an suknawmna le vuok hlak, kum 12 mi chau chu an sansuok niin M. Angamba, President, DESAM chun a hril.
Hun tiemchin um lo blockade
IMPHAL: L. Roma Devi w/o L. Sanjoy Singh of Kiyamngei Maning Leikai chun July 15, 2014 khan JNIMS-ah nau a nei a, zantieng huna a nau neina le inzawmin L. Roma Devi hi a hung thi el ta a. A khuo mi le an sunghai chu an lungawinaw hle a. Hi thua hin JAC an indin a, JAC chun zanita inthawk khan Imphal-Moreh Road-ah hun tiemchin um lo blockade an thaw ṭan. JAC chun a enkawltu Doctors han an duty an ngaitha leia L. Roma Devi hi thi a nih tiin an intum.
Drugs cases 430 registered
IMPHAL: Y. Erabot Singh, Congress MLA indawnna dawnin Manipur Dy. CM Gaikhangam chun, kum 2007 a inthawk June, 2014 chen khan Drugs le inzawmin cases 430 registered le mi 657 man an ni ta a, cases ṭhenkhata chu CBI kutah pek a ni tah tiin zanikhan Manipur Assembly ah a hril. Manipur a drugs thila sumdawngnaa hin milien le milal hai an inrawl ngei a ringhla thu Y. Erabot chun Inpuiah a hrillang.
Thoubal Project March 2016 a zo ding
IMPHAL: IFCD Minister, Ngamthang Haokip chun, Trinamool Congress MLA Th. Shyamkumar indawnna dawnin, ‘Thoubal Multipurpose Project chu March, 2016 ah zo le hawng ning a tih. Tuhin Main Dam sin 100 ah 89.29 zo a ni ta a, Spillway sin 100 ah 82.09 zo a ni tah tiin zanikhan Manipur Assembly ah a hril.
Dawr khar le Licence cancelled
IMPHAL: Imphal khawpuia fak ding thila thildang chawkpawltuhai, a bikin hme chi sahriek a thil dang chawkpawltuhai dawr khar pek le an licence khawm cancelled pek an ni ta a, Food Safety & standard Act, 2006 (34 of 2006) le Sub-Regulation 14) of Regulation 218 hi la hmang pei ning a tih tiin Health Minister Phungzathang Tonsing in zanikhan Assembly an hriettir.
Appointment order an ngen
IMPHAL: Police Department, Manipur hnuoia thawk ding Sub-Inspector, Asst. Sub-Inspector le Jamadar ding lakhai chun Appointment Order ngenin Police Headquarters, Imphal tuolah nuorna an nei bakah Assembly Session va khek khum an tum a, sienkhawm Police han Thangmeiband THAU Ground-ah an lo dang. Nuornaa ṭhang hi mi 200 vel an nih.
NE biel-a VAT la tlawm tak Manipur
IMPHAL: Ei state mamawhai le ei sum laklut suktamna dingin sie (tax) chi hran hran lak ning a tih. Amiruokchu, India hmrsak biela Value Added tax (VAT) la tlawm tak chu Manipur a nih tiin zanikhan CM O.Ibobi Singh in Manipur Assembly an hriettir.
B.E. inchuk nuomhai ta dingin
IMPHAL: Academic Session 2014-15 a Manipur Institute of Technology a B.E. 4 years Courses inchuk nuomhai ta dingin Rs. 500 (Rs. 400 for ST/SC) pein Application Form le Prospectus MIT, Takyelpat hmuna 24- 7-2014 chen khin lak le peklut thei ning a tih.
Viva Voce July 18 a nei ding
IMPHAL: July 13, 2014 a FHW Training School, R&D Complex, Medical Directorate, Lamphel-a FHW Entrance Examination, 2014 a ṭhang hai ta dingin July 18, 2014, 10AM khin Medical Directorate, Lamphel-ah Viva Voce (oral) Examination nei a ni ding a na, candidate- hai chu mani admit card le Original Certificates hai chawia ṭhang dinga inhriettir an nih.
Written test July 20 a nei ding
IMPHAL: Chief Electoral Officer (CEO) Manipur hnuoia thawk ding Assistant Election Supervisor (AES) le Lower Division Clerk (LDC) sin hai lakna dinga Written Test chu July 20, 2014 khin nei ning a tih. Tamphasana Girl’s Higher Secondary School, Imphalah AES Roll No. 001-498 le Johnstone Hr. Sec. School, Imphalah Roll No. 499- 920 hai inṭhung an tih. LDC lakna dinga candidate Roll No. 01-42 hai Training Hall, CEO Lamphelpat, Imphalah inṭhung an tih.
Hun suksei a nih
IMPHAL: Council of Higher Secondary Education Manipur chun, Academic Session 2014-15 a Class XI admission thawna dinga Eligibility Certificate lakna dinga Application Form peklut hun chu 31-7-2014 chena dingin a suksei. Fine Rs. 350 pek a ṭul.
D.El. Ed. training thei
IMPHAL: Primary/Elementary Teachers, la training lo, July, 2014 a D.El. Ed. Course training a ṭhang nuomhai ta dingin Prospectus-cum-Application Forms July 25, 2014 chena Directorate of Education (S) a lak le fill up zovin hi Directorate a bawk hin 26-7- 2014 chena peklut thei a nih.
NDA sawrkarin Governor thar 5
NEW DELHI: Narendra Modi Prime Minister nina le BJP ṭhuoina hnuoia NDA sawrkar chun Governor thar 5 a ruot a; chuonghai chu BJP ṭhuoitu hlun le Union Minister hlui Ram Naik (Uttar Pradesh), Delhi BJP ṭhuoitu kum 78 a upa O.P. Kohli (Gujarat), UP Assembly Speaker hlui kum 79 a upa Keshari Nath Tripathi (West Bengal), kum 87 a upa Balram Das Tandon (Chhattisgarh) le Padmanabha Acharya (Nagaland) hai an nih. Tripura Governor thar ding ruot a ni hmapo Acharya hin Tripura Governor sin khawm a lo chelsa ding a nih.
In chimin nupui 1 a vur khum
AIZAWL: July 14, 2014 zantieng dar 5:30 vela nasa taka ruo a sur leiin Aizawl FAlkland venga Pu Lalramenga In, Assam Type a bawl chu mimkeiin a vur khum a, hi in hluotu Cement mistiri, Anwar Hussain (38) a nuhmei Rusna Begum (30) chu mimkeiin a vur khum a, YMA Branch hran hran le state Disaster Response Force han nasa takin an zawng a, sienkhawm Begum ruong hi an la hmu zonaw zing. Anwar Hussain naupa Tamil Hussain (10) chu a luah a hliem a, Aizawl Civil Hospital-ah enkawl mek a nih.
BRICS Summit in BRICS Bank
BRASILIA: Brazil khawpuia BRICS Summit a chun BRICS Development Bank indin an rel a, hi Bank indinna ding hin USD 100 billion an thawtlang ding a nih. Hi Bank hi India sawrkarin a enkawl hmasa tak ding a nih. BRICS rambunghai chun terrorism inthuruol takin an dotlang ding a nih tiin PM Narendra Modi chun a hril.
AGP President Mahanta an ban
GUWAHATI: Assam Chief Minister hlui le Assam Gana Parishad (AGP) President, Prafulla Kumar Mahanta chu July 14, 2014 ni khan AGP President a ninaa inthawk an ban. A zawna term hni zet el AGP hnebana an um el ta chu ama lei nia ngaia ama chu mawphurtua an ngai leia inban a nih. Kum 1985-1996 inkar sung khan Prafulla Kumar Mahanta chu Assam Chief Minister niin Asasm State-ah sawrkarna an lo chel a nih.
Drugs Rs. 27.5 lakh manhu leh mi 5 man
GUWAHATI: July 15, 2014 ni khan Narcotics Control Bureau (NCB) han Guwahati khawpui sunga hmun pahni haiah mi 5drugs Rs. 27.5 lakh manhu leh an man. July 15, 2014 nia NCB han Jorabat a Alto Car sukchawla an dapnaah Manipur mi 3, Anowar Khan, Musarif Khan le Raijur Rahman hai chu heroin kg. 1.5 leh an man a, heroin hi Rs. 25 lakh manhu vel nia hril a nih. Chun, hi ni ma hin NCB han motorcycle a chuong pasal 2, Ahsan Ali le Saifuddin Ahmed hai chu an motor sukchawlin an dap a, Opium kg. 3.2, Rs. 2.5 lakh manhu leh an man. Opium khawm hi Manipur a inthawka hung lut nia hril a nih.
Football fans pakhat an khai hlum
JAIPUR: July 13, 2014 zana World Cup final Argentina le Germany han an inkhel \um khan Milan Chowdhury (27) chun Argentina a ṭan a, Rs. 4,00,000 vel zet sengin mi iemanizat pawisa an chawipui a, sienkhawm Germany an hung hrat lem ta si leiin a sie-kham pawisa po po a chan vawng leia beidawngin hi ni zing dar 6 velin an Ina a ni pindan sungah an khai hlum. Milan hi Howrah, West Bengal mi, Pink City tia inbuk, Jaipur a Jewellery Shop pakhata designer sin thaw a nih.
Assam-ah Encephalitis leiin mi 15 an thi
GUWAHATI: Tuta kum fe mek sung hin Assam State a chun Japanese Encephalitis natna hri leiin mi 15 zet an thi ta a, hi natna hri hi a lan leng zing. Thina tuokhai laia mi 4 hai chu naupang le mi 11 hai chu puitling an nih tiin Health Department thusuok chun a hril. Tuhin hi natna hri inleng dan hi Joint Secretary (health), Govt. of India inrawinain Central team in an suizui mek.
EDITORIAL:
Harsatna, vangduoina le hlawtlingna
Mitin elin harsatna chi tum tum ei tuok seng hlak. Harsatna ei tuok dan ruok chu an ang nawh. Milien le mimal, mi hausa le rethei hai khawmin harsatna hi ei tuok seng a, khawvela ei um sung hin chu ei pumpel thei ruol lo, pumpel tum inla khawm ei thaw thei ruol lo a nih. Harsatna hi pumpel theina lampui umsienla chu mi hausa, milien le milal hai chun an thuneina, sum le pai hmangin pumpel thei an tih. Nisienlakhawm thuneina, sum le pai hai hmanga thaw thei le inchawk el thei a ni si naw leiin a rethei le a hausa hai chungah inangrawngin harsatna hin ro a mi rel khum hlak a nih. Harsatna hmasawn ngam lova tlansie hlak hai chu mi puitling an ni ngai nawh. Harsatna le vangduoina ei tuok chun hlimna, lawmna le hlawtlingna hai ei la tuok ve ngei ding a nih ti hrie a, tuorsel le tumru taka ṭhang fan fan hlak hai chun ra thlamuong um tak an dawng hlak.
Harsatna hmasuon ngam lova mani le mani inthat hi an tam hle ta ti a hrietu seng ei nih. Hiengang mihai hi mi puitling ni lo, mi dawizep tia ko an ni hlak. Mi ṭhen khat chun harsatna hi vangduoina in an ngai hlak a, hi ngaidan hi ngaidan indik ni theiin an lang nawh. Siemtu Pathien chun harsatna, vangduoina, hlawtlingna, hlawsamna, rimsikna, bawrsawmna, pasietna, hausakna le a dang danghai hi ei tuor a phal a nih ti hi hriet le pawm thei dinga lungril ei put a \ul. Chunaw chun ama (Pathien) hrietfuk hi a harsa hlak. Iengkim thaw thei chun thilṭha khawm a mi la pek ding a nih ti hi ring ngam tlat ding a nih.
Mak ang reng tak pakhat chu, harsatna le vangduoina ei ti hai hi a thuo thuoin a hungtlung hlak chu tie! Hiengang huna hin ei nghatna tieng tieng an thim a, malsawmnain a min kieng sanin a mi ṭin san am an ta aw ti thei dingin thil a hung um hlak. Sum hmuna le laklutna nekin sengna ding tiengpang a hung tam lem bawk hlak. Hi hun paltlang ngam mihai chu patling le nutling an ni hlak. Harsatna le vangduoina han an hringnun a suksiet hne naw mihai hi chu ngaisan um le entawntlak an nih.
Nun inhawi le zalen tawka khawsa ding chun miin ama mamaw le duthusama a lungawi tawkna hai an hlan annawleh a peithlak ṭhen nuol a ngai hlak a, chu laia chun, a hmasawn peina dinghai ruok chu ngaitha si lovin. Mi chu ama ta ding chauva hring a ninaw a; a chengpuihai ta dinga hring a ni ve tlat. A dam san, a nina indik taka hmang ding lem chun, mi po po ta dinga hring le dam a nina lai khawm a um.
Ei hringna ṭobul tak leh, chu malsawmna ei dawngna chu ei sut let chun, Van Pathien tieng ngha a ni eng, ruo, hringna hnar mi petu, ruolṭha, sungkhat laina le thu zawnpui mi petu kuoma lawmthu hril el hi ei thaw ding a nih. Ei mihriem chanpuihai hi hang sut chieng inla, an hlutna hmusuok pei i tih. Siemtu Pathien ngaia chun Pheikawk sie siemtu chu lal ang a nih. Hotu le siehlaw hi inmamaw tawn tlat dinga Pathien siem an nih. Mi chapo, tukhawm mamaw lova inngai chu, ama le ama inhlem a nih. Hlawtlingna hi harsatna, rinumna le vangduoina tuormuolsuotuhai chan a nih. Khawvela mi hlawtlinghai khawm hi hang sui chet chet inla mirethei le mi rimsi, harsatna, vangduoina le hmusitna hai sel taka tuor, mi taima, mi huoisen, mani mawphurna fe tlangpui ngam mi, mi ringum le mi indik an nih. Mi dawizep chun, sawl tak le tuorsel taka hmahlen hang tum de hlak sienkhawm, a lai laklawah a tlanse rawp hlak. Hlemletna le kuttling lova mi hlawtlinghai hi mi han mi hlawtlingah an ngai tak tak ngai nawh.
JAMMU: Zani sun dar 11:30 vel khan Pakistan sipai han Jammu and Kashmir a, Jammu District sunga India le Pakistan inrina (International Border), Piltal an ti hmuna BSF Border Outpost an hung kap a, BSF a puonsawptu, Sanjay Dhar an kap hlum a, mi 7 an kap hliem. Hliem hai laia 3 hai chu BSF personnel, Madan Lal, ASI; Constable Som Raj le Madan Lal, Inspector hai an nih. Hliem dang mi 3 hai chu Bihar State mi, inhlawfa le pakhat dang chu tuolsung mi, Arnia hmuna um a ni a, Government Medical College, Hospital, Jammu a admit le enkawl an nih tiin BSF thusuok chun a hril. July 15, 2014 ni khan Chambiliyal, Samba District, J&K ah India le Pakistan sipai han flag meeting an nei a, ramri zula hlohna le thingkunghai samtluk vawng ding ti le Ceasefire bawse ta lo ding ti thu hai an hriltlang a, sienkhawm Pakistan chun Ceasefire a hung bawsiet nawk nghal a, July thla sunga ceasefire a bawsiet a vawithumna a nih. April le May, 2014 inkara sung khan Pakistan in Ceasefire vawi 19 a bawsiet ta a nih. Kum 2013 sung khan India sipai 12 an kap hlum a, mi 41 an hliem a, Ceasefire vawi 149 zet an bawsiet tiin BSF thusuok chun a hril.
DC in GNB Girls’ Hostel a hawng
CCPUR: Ms Niangngaihlun Buhril in an din Rengkai Muolhlum-a GNB Girls’ Hostel chu zani 11:00AM khan Mr P.K. Jha, IAS, DC, CCPur chun khuolliena ṭhangin a hawng. Hi huna hin Pu Langkhanpau Guite, Chairman, ADCC khawmin a uop ve. Hi huna DC in thu a hrilnaa chun, thil iengkim thaw dingin tuorsel, titak le zangaitheina nei a pawimaw a, mihriem hai khawm hi Pathienin ei chunga zangaina an langtir leia hring le dama um ei nih tiin a hril. GNB Girls Hostel-a um naupang hai chu an nu le pa han hmangai tak le ṭha taka an enkawl ang bawkin Hostel enkawltu hai chu naupang hai hmangai taka enkawl dingin an fui a, hostel hlawtling tak hung ni ngei dinga a ditsak thu a hril. Pu Langkhanpau chun, Hi hostel fethlenga nuhmei hai ngirhmun dawmsang a hung ni ngei le ei society-a nuhmei hmangtlak serdawktu a hung ni ngei a ditsak thu a hril.
Pasal pakhat Rûlin a chuk hlum
CCPUR: July 14, 2014 zantieng khan Mr Hero Takhellambam (51) chu Saikawt-ah lampuia Rûl invak a sir fuk leia a kut a chuk pek leiin damzo lovin July 15, 2014 khan RIMS, Imphal-ah a thi. Ei thu dawngnain a hril danin Takhellambam hi Lo fe In a hung inlawi tieng Saikawt-a Pu Joseph D. Hmar in bul lai vel lampuiah a kein Rûl hi a sir fuk leiin a kutin a zuk man a, a kut hi Rulin a lo chuk pek niin a hril. Takhellambam hin Rûl hi thatin a sa khawm a fak nghe nghe nia hril a ni a, amiruokchu, zan dar 12:00 (PM) velin a hung buoi ṭan a, chu taka inthawk RIMS, Imphal panpui, damzo lova July 15, 2014 zingkar-a thi a nih. A chuktu rul hi ft. 5 vela sei nia hril a nih. Takhellambam hi Kristien (EFCI Kohran-a inkhawm) a ni leiin a ruong hi July 15, 2014 khan vui liem a nih
Tar Pension sum
CCPUR: NSAP hnuoia Indira Gandhi National Old Age Pension Scheme (IGOAP), kum 60-79 inkarhai thla 9 pension sum Rs. 1800 (thla khatah Rs. 200); kum +80 hai thla 9 pension sum Rs. 4,800 (500x9= 4500+ 300 arrear = Rs. 4,800; Indira Gandhi National Widow Pension Scheme (IGNWP) Rs. 3,000 (300x10) le Indira Gandhi National Disable Pension Scheme (IGNDP) Rs. 3,000 (300x10) seng an Bank Account haiah lak thei dinga sie lut a ni tah tiin District Social Welfare Officer, CCPur chun inhriettirna a siem.
Khum 50 hungtlung
CCPUR: District Hospitala hmang ding Khum 50 le Dunlop 50 zani hmasa zan khan a hungtlung a. Hieng khum hai hi zanikhan hospital thawktu le mistiri han an remkhawm tawl.
Arsa le Nga man bituk
CCPUR: Autonomous District Council (ADC), CCPur chun July 9, 2014 khan Arsa le Nga man bitukna Order an suo. Hi dungzui hin Arsa Local/ layer chu Kg. 1 ah Rs. 250 (live) le Rs. 300 (dressed), Broiler Kg. 1 ah Rs. 140 (live) le Dressed Kg. 1 ah Rs. 200 a nih. Nga chu - Rou Kg 1 ah Rs. 180, Grass Carp Rs. 190/- le Common carp Rs. 200/- a nih.
Rengkai ICI Biekinah Crusade
CCPUR: July 18-20, 2014 inkar sungin Rengkai ICI Biekinah Crusade um a tih. Mitin sandamna chanchinṭha ngaithla dingin Rengkai Local Evangelism Committee, ICI chun fielna an siem. Speaker chu Upa Dr Zawlthanglien Changsan, Shillong ning a tih.
Khum 50 hungtlung
CCPUR: District Hospitala hmang ding Khum 50 le Dunlop 50 zani hmasa zan khan a hungtlung a. Hieng khum hai hi zanikhan hospital thawktu le mistiri han an remkhawm tawl.
DDT Second round kap mek a nih
CCPUR: CCPur District sunga khuo tum tum haia chun tulai hin DDT Second round kap mek a ni a. Hi le inzawm hin Dr Thanchinkhup Guite, CMO/DMO, CCPur chun mipui hai chu mani insung chit lo inkaptir seng dingin a ngen bakah khuo lal, V/A member le ASHA worker hai chu DDT kapna lo thlawp seng dingin an hrittir bakah Health Supervisor hai chu an biel chita DDT kapna lo enkai dingin an hriettir.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Luaingaihnem in hla sak a ta, sin ruok puong ning a tih. Hmar programme a chun hla thlang le sin ruok puong ning a tih. Thadou programme a chun Melody Changsan in hla sak a ta, sin ruok puong ning a tih.
Nuhmei naupang DESAM in an sansuok
IMPHAL: Zani zing dar 9 vel khan R.K. Milan, Advocate le R. K.Linthoi, Sub-Inspector of Police han Sagolband Sayang hmuna an chengna in a an umpui, nuhmei naupang nasa taka an suknawmna le vuok hlak, kum 12 mi chau chu an sansuok niin M. Angamba, President, DESAM chun a hril.
Hun tiemchin um lo blockade
IMPHAL: L. Roma Devi w/o L. Sanjoy Singh of Kiyamngei Maning Leikai chun July 15, 2014 khan JNIMS-ah nau a nei a, zantieng huna a nau neina le inzawmin L. Roma Devi hi a hung thi el ta a. A khuo mi le an sunghai chu an lungawinaw hle a. Hi thua hin JAC an indin a, JAC chun zanita inthawk khan Imphal-Moreh Road-ah hun tiemchin um lo blockade an thaw ṭan. JAC chun a enkawltu Doctors han an duty an ngaitha leia L. Roma Devi hi thi a nih tiin an intum.
Drugs cases 430 registered
IMPHAL: Y. Erabot Singh, Congress MLA indawnna dawnin Manipur Dy. CM Gaikhangam chun, kum 2007 a inthawk June, 2014 chen khan Drugs le inzawmin cases 430 registered le mi 657 man an ni ta a, cases ṭhenkhata chu CBI kutah pek a ni tah tiin zanikhan Manipur Assembly ah a hril. Manipur a drugs thila sumdawngnaa hin milien le milal hai an inrawl ngei a ringhla thu Y. Erabot chun Inpuiah a hrillang.
Thoubal Project March 2016 a zo ding
IMPHAL: IFCD Minister, Ngamthang Haokip chun, Trinamool Congress MLA Th. Shyamkumar indawnna dawnin, ‘Thoubal Multipurpose Project chu March, 2016 ah zo le hawng ning a tih. Tuhin Main Dam sin 100 ah 89.29 zo a ni ta a, Spillway sin 100 ah 82.09 zo a ni tah tiin zanikhan Manipur Assembly ah a hril.
Dawr khar le Licence cancelled
IMPHAL: Imphal khawpuia fak ding thila thildang chawkpawltuhai, a bikin hme chi sahriek a thil dang chawkpawltuhai dawr khar pek le an licence khawm cancelled pek an ni ta a, Food Safety & standard Act, 2006 (34 of 2006) le Sub-Regulation 14) of Regulation 218 hi la hmang pei ning a tih tiin Health Minister Phungzathang Tonsing in zanikhan Assembly an hriettir.
Appointment order an ngen
IMPHAL: Police Department, Manipur hnuoia thawk ding Sub-Inspector, Asst. Sub-Inspector le Jamadar ding lakhai chun Appointment Order ngenin Police Headquarters, Imphal tuolah nuorna an nei bakah Assembly Session va khek khum an tum a, sienkhawm Police han Thangmeiband THAU Ground-ah an lo dang. Nuornaa ṭhang hi mi 200 vel an nih.
NE biel-a VAT la tlawm tak Manipur
IMPHAL: Ei state mamawhai le ei sum laklut suktamna dingin sie (tax) chi hran hran lak ning a tih. Amiruokchu, India hmrsak biela Value Added tax (VAT) la tlawm tak chu Manipur a nih tiin zanikhan CM O.Ibobi Singh in Manipur Assembly an hriettir.
B.E. inchuk nuomhai ta dingin
IMPHAL: Academic Session 2014-15 a Manipur Institute of Technology a B.E. 4 years Courses inchuk nuomhai ta dingin Rs. 500 (Rs. 400 for ST/SC) pein Application Form le Prospectus MIT, Takyelpat hmuna 24- 7-2014 chen khin lak le peklut thei ning a tih.
Viva Voce July 18 a nei ding
IMPHAL: July 13, 2014 a FHW Training School, R&D Complex, Medical Directorate, Lamphel-a FHW Entrance Examination, 2014 a ṭhang hai ta dingin July 18, 2014, 10AM khin Medical Directorate, Lamphel-ah Viva Voce (oral) Examination nei a ni ding a na, candidate- hai chu mani admit card le Original Certificates hai chawia ṭhang dinga inhriettir an nih.
Written test July 20 a nei ding
IMPHAL: Chief Electoral Officer (CEO) Manipur hnuoia thawk ding Assistant Election Supervisor (AES) le Lower Division Clerk (LDC) sin hai lakna dinga Written Test chu July 20, 2014 khin nei ning a tih. Tamphasana Girl’s Higher Secondary School, Imphalah AES Roll No. 001-498 le Johnstone Hr. Sec. School, Imphalah Roll No. 499- 920 hai inṭhung an tih. LDC lakna dinga candidate Roll No. 01-42 hai Training Hall, CEO Lamphelpat, Imphalah inṭhung an tih.
Hun suksei a nih
IMPHAL: Council of Higher Secondary Education Manipur chun, Academic Session 2014-15 a Class XI admission thawna dinga Eligibility Certificate lakna dinga Application Form peklut hun chu 31-7-2014 chena dingin a suksei. Fine Rs. 350 pek a ṭul.
D.El. Ed. training thei
IMPHAL: Primary/Elementary Teachers, la training lo, July, 2014 a D.El. Ed. Course training a ṭhang nuomhai ta dingin Prospectus-cum-Application Forms July 25, 2014 chena Directorate of Education (S) a lak le fill up zovin hi Directorate a bawk hin 26-7- 2014 chena peklut thei a nih.
NDA sawrkarin Governor thar 5
NEW DELHI: Narendra Modi Prime Minister nina le BJP ṭhuoina hnuoia NDA sawrkar chun Governor thar 5 a ruot a; chuonghai chu BJP ṭhuoitu hlun le Union Minister hlui Ram Naik (Uttar Pradesh), Delhi BJP ṭhuoitu kum 78 a upa O.P. Kohli (Gujarat), UP Assembly Speaker hlui kum 79 a upa Keshari Nath Tripathi (West Bengal), kum 87 a upa Balram Das Tandon (Chhattisgarh) le Padmanabha Acharya (Nagaland) hai an nih. Tripura Governor thar ding ruot a ni hmapo Acharya hin Tripura Governor sin khawm a lo chelsa ding a nih.
In chimin nupui 1 a vur khum
AIZAWL: July 14, 2014 zantieng dar 5:30 vela nasa taka ruo a sur leiin Aizawl FAlkland venga Pu Lalramenga In, Assam Type a bawl chu mimkeiin a vur khum a, hi in hluotu Cement mistiri, Anwar Hussain (38) a nuhmei Rusna Begum (30) chu mimkeiin a vur khum a, YMA Branch hran hran le state Disaster Response Force han nasa takin an zawng a, sienkhawm Begum ruong hi an la hmu zonaw zing. Anwar Hussain naupa Tamil Hussain (10) chu a luah a hliem a, Aizawl Civil Hospital-ah enkawl mek a nih.
BRICS Summit in BRICS Bank
BRASILIA: Brazil khawpuia BRICS Summit a chun BRICS Development Bank indin an rel a, hi Bank indinna ding hin USD 100 billion an thawtlang ding a nih. Hi Bank hi India sawrkarin a enkawl hmasa tak ding a nih. BRICS rambunghai chun terrorism inthuruol takin an dotlang ding a nih tiin PM Narendra Modi chun a hril.
AGP President Mahanta an ban
GUWAHATI: Assam Chief Minister hlui le Assam Gana Parishad (AGP) President, Prafulla Kumar Mahanta chu July 14, 2014 ni khan AGP President a ninaa inthawk an ban. A zawna term hni zet el AGP hnebana an um el ta chu ama lei nia ngaia ama chu mawphurtua an ngai leia inban a nih. Kum 1985-1996 inkar sung khan Prafulla Kumar Mahanta chu Assam Chief Minister niin Asasm State-ah sawrkarna an lo chel a nih.
Drugs Rs. 27.5 lakh manhu leh mi 5 man
GUWAHATI: July 15, 2014 ni khan Narcotics Control Bureau (NCB) han Guwahati khawpui sunga hmun pahni haiah mi 5drugs Rs. 27.5 lakh manhu leh an man. July 15, 2014 nia NCB han Jorabat a Alto Car sukchawla an dapnaah Manipur mi 3, Anowar Khan, Musarif Khan le Raijur Rahman hai chu heroin kg. 1.5 leh an man a, heroin hi Rs. 25 lakh manhu vel nia hril a nih. Chun, hi ni ma hin NCB han motorcycle a chuong pasal 2, Ahsan Ali le Saifuddin Ahmed hai chu an motor sukchawlin an dap a, Opium kg. 3.2, Rs. 2.5 lakh manhu leh an man. Opium khawm hi Manipur a inthawka hung lut nia hril a nih.
Football fans pakhat an khai hlum
JAIPUR: July 13, 2014 zana World Cup final Argentina le Germany han an inkhel \um khan Milan Chowdhury (27) chun Argentina a ṭan a, Rs. 4,00,000 vel zet sengin mi iemanizat pawisa an chawipui a, sienkhawm Germany an hung hrat lem ta si leiin a sie-kham pawisa po po a chan vawng leia beidawngin hi ni zing dar 6 velin an Ina a ni pindan sungah an khai hlum. Milan hi Howrah, West Bengal mi, Pink City tia inbuk, Jaipur a Jewellery Shop pakhata designer sin thaw a nih.
Assam-ah Encephalitis leiin mi 15 an thi
GUWAHATI: Tuta kum fe mek sung hin Assam State a chun Japanese Encephalitis natna hri leiin mi 15 zet an thi ta a, hi natna hri hi a lan leng zing. Thina tuokhai laia mi 4 hai chu naupang le mi 11 hai chu puitling an nih tiin Health Department thusuok chun a hril. Tuhin hi natna hri inleng dan hi Joint Secretary (health), Govt. of India inrawinain Central team in an suizui mek.
EDITORIAL:
Harsatna, vangduoina le hlawtlingna
Mitin elin harsatna chi tum tum ei tuok seng hlak. Harsatna ei tuok dan ruok chu an ang nawh. Milien le mimal, mi hausa le rethei hai khawmin harsatna hi ei tuok seng a, khawvela ei um sung hin chu ei pumpel thei ruol lo, pumpel tum inla khawm ei thaw thei ruol lo a nih. Harsatna hi pumpel theina lampui umsienla chu mi hausa, milien le milal hai chun an thuneina, sum le pai hmangin pumpel thei an tih. Nisienlakhawm thuneina, sum le pai hai hmanga thaw thei le inchawk el thei a ni si naw leiin a rethei le a hausa hai chungah inangrawngin harsatna hin ro a mi rel khum hlak a nih. Harsatna hmasawn ngam lova tlansie hlak hai chu mi puitling an ni ngai nawh. Harsatna le vangduoina ei tuok chun hlimna, lawmna le hlawtlingna hai ei la tuok ve ngei ding a nih ti hrie a, tuorsel le tumru taka ṭhang fan fan hlak hai chun ra thlamuong um tak an dawng hlak.
Harsatna hmasuon ngam lova mani le mani inthat hi an tam hle ta ti a hrietu seng ei nih. Hiengang mihai hi mi puitling ni lo, mi dawizep tia ko an ni hlak. Mi ṭhen khat chun harsatna hi vangduoina in an ngai hlak a, hi ngaidan hi ngaidan indik ni theiin an lang nawh. Siemtu Pathien chun harsatna, vangduoina, hlawtlingna, hlawsamna, rimsikna, bawrsawmna, pasietna, hausakna le a dang danghai hi ei tuor a phal a nih ti hi hriet le pawm thei dinga lungril ei put a \ul. Chunaw chun ama (Pathien) hrietfuk hi a harsa hlak. Iengkim thaw thei chun thilṭha khawm a mi la pek ding a nih ti hi ring ngam tlat ding a nih.
Mak ang reng tak pakhat chu, harsatna le vangduoina ei ti hai hi a thuo thuoin a hungtlung hlak chu tie! Hiengang huna hin ei nghatna tieng tieng an thim a, malsawmnain a min kieng sanin a mi ṭin san am an ta aw ti thei dingin thil a hung um hlak. Sum hmuna le laklutna nekin sengna ding tiengpang a hung tam lem bawk hlak. Hi hun paltlang ngam mihai chu patling le nutling an ni hlak. Harsatna le vangduoina han an hringnun a suksiet hne naw mihai hi chu ngaisan um le entawntlak an nih.
Nun inhawi le zalen tawka khawsa ding chun miin ama mamaw le duthusama a lungawi tawkna hai an hlan annawleh a peithlak ṭhen nuol a ngai hlak a, chu laia chun, a hmasawn peina dinghai ruok chu ngaitha si lovin. Mi chu ama ta ding chauva hring a ninaw a; a chengpuihai ta dinga hring a ni ve tlat. A dam san, a nina indik taka hmang ding lem chun, mi po po ta dinga hring le dam a nina lai khawm a um.
Ei hringna ṭobul tak leh, chu malsawmna ei dawngna chu ei sut let chun, Van Pathien tieng ngha a ni eng, ruo, hringna hnar mi petu, ruolṭha, sungkhat laina le thu zawnpui mi petu kuoma lawmthu hril el hi ei thaw ding a nih. Ei mihriem chanpuihai hi hang sut chieng inla, an hlutna hmusuok pei i tih. Siemtu Pathien ngaia chun Pheikawk sie siemtu chu lal ang a nih. Hotu le siehlaw hi inmamaw tawn tlat dinga Pathien siem an nih. Mi chapo, tukhawm mamaw lova inngai chu, ama le ama inhlem a nih. Hlawtlingna hi harsatna, rinumna le vangduoina tuormuolsuotuhai chan a nih. Khawvela mi hlawtlinghai khawm hi hang sui chet chet inla mirethei le mi rimsi, harsatna, vangduoina le hmusitna hai sel taka tuor, mi taima, mi huoisen, mani mawphurna fe tlangpui ngam mi, mi ringum le mi indik an nih. Mi dawizep chun, sawl tak le tuorsel taka hmahlen hang tum de hlak sienkhawm, a lai laklawah a tlanse rawp hlak. Hlemletna le kuttling lova mi hlawtlinghai hi mi han mi hlawtlingah an ngai tak tak ngai nawh.
