HEADLINE:
Congress MLAs 27 han zanikhan CM an inhmupui;
CM in an thil ngen Congress High Command kuoma intlun a lo tiem
IMPHAL: Zani zingkar dar 8 vel khan Manipur a Congress MLAs 47 um hai laia a tam lem han Chief Minister bungalow, Imphal-ah Manipur Chief Minister Okram Ibobi Singh an van hmupui a, Developmental Programme fe mek le minister ni lai mekhai chunga an lungawinawna, an nuorna, an harsatna hai an intlun bakah CM Okram Ibobi Singh le Deputy Chief Minister Gaikhangam hai ṭhangsa lovin Manipur-a Congress Ministry sawidanglam a, tuta Cabinet ministers ni lai mek 10 hai chu ban a, Congress MLAs dang 10 hai chu Cabinet Minister-a lalut dingin CM an ngen.
Pu Okram Ibobi Singh chun MLAs 27 hai thil ngen chu Congress High Command kuoma intlun dingin thu a lo tiem. Ministry sawidanglam ding le ding naw thu chu Manipur Assembly Budget Session hmaa thutlukna puonglang hman dinga beisei nia hril a nih. MLAs 27 hai thil ngen hi CM le Dy. CM thlakthleng dinga ngenna a um naw leiin Congress High Command khawma Ministry sawidanglam dinga remtina (green signal) a lo pek el thei dinga beisei um niin ei thu dawngna chun a hril. Zanita MFDC Auditorium, Imphal-a Tribal Peace and Harmony Awards, 2013- 14 semnaa O.Ibobi Singh in thu a hrilnaa chun, Congress MLAs 27 hai thil ngen hin ka sawrkar sukchau naw ni a, a sukhrat zuol sau ding a nih tiin a hril.
New Delhi a Congress Party meeting pawimaw a ṭhang dingin Chief Minister, Pu O.Ibobi Singh le Deputy Chief Minister le MPCC President ni bawk Pu Gaikhangam hai pahni chu vawisun hin Imphal suoksanin New Delhi pan an tih. Pu Ibobi Singh hin New Delhi-a a cham sungin AICC ṭhuoituhai hung inhmupui a ta, Congress MLAs 27 hai thil ngen hi a hung intlun ring a nih.
Hieng laizing hin Congress MLAs 27 hai chun CM le Dy. CM han Imphal an suoksan zo hnungah Manipur Ministry sawidanglam dinga an ngenna lekha Memorandum ziekin Congress High Command kuoma pek an tum niin ei thu dawngna chun a hril. Congress MLAs 27 hai lai hin CM nuhmei O. Landhoni Devi le Y. Erabot hai an ṭhang ve nawh.
LOCAL NEWS:
HSLC Compartmental Exam
CCPUR: Board of Secondary Education Manipur (BSEM) hnuoia High School Leaving Certificate (HSLC) Compartmental Examination, 2014 chu July 5, 2014 ah nei ning a tih. BSEM chun Exam Centres 18 a ruot a, hienghai lai hin Clubbed Centres 7 le Imphal centre-ah Exam centres 11 ruot a nih. Clubbed Centres 7 hai chu, Ukhrul, Somdal, Phungyar, Kamjong, Kasom Khullen, Tamenglong, Tamei, Noney, Khopum, Pallel, Chandel, Komlathabi, Moreh, Jiribam, Saikul, Motbung, Sapermaina, Keithelmanbi, Kangpokpi le Churachandpur hai an nih. Churachandpur District a chun Children’s Training Higher Secondary School chu exam Centre-a ruot a ni a, vawisuna inthawk Headmasters han Exam Centre-a inthawk Admit Card la ṭan thei an tih. CCPur Exam Centre-a hin Roll No. 6980-9813 inkar an ṭhang ding a nih.
BJP CCPur in Tungdim lawmlutna
CCPUR: BJP Churachandpur chun zani 10:00AM khan Hmarveng-a BJP Office- ah New Delhi-a inzin Tongminthang Tungdim, MDC Sagang lawmlutna hun an hmang a, hi huna hin Mr Hangkhanpau, State Executive Member, BJP khawmin thuhrilna a nei. Mr Tongminthang Tungdim hi June 16, 2014 nia New Delhi-a inzin a ni a, Delhi a cham sungin India PM Narendra Modi, Home Minister Rajnath Singh hai baka ṭhuoitu dang dang hai an hmupui thu le PM kuoma memorandum a pek thu hai an zinna report a pek huna a hril. Tongminthang in PM kuoma memorandum-a peka chun ADCs devolution of Powers, MDC Local Area Development Fund le MDCs hai pension chungthu; ADCs thawktuhai harsatna le infrastructure baksam chungthu, District Boundary, Manipur a Lal (Chiefs) hai right humhal ding, Silchar-Henglep National highway a pawm ding, law and order chungthu, ADCs hai Sixth Schedule provision hnuoia sie dinga a ngenna hai a ziek lang. Chun, UPF le KNO han sawrkar le SoO an ziek tuta August thlaa tawp ta ding chu suksei dingin a ngen thu Tongminthang Tungdim chun a hril.
SHGS Leaders Training
CCPUR: Zani 10:00AM khan EAC Council Hall, Rengkai Road-ah NABARD, Banks le NGOs hai ṭhangruola huoihawtnain Training programme for leaders of SHGs nei a nih. Training hi Shri Lalhmuoklien, Chairman, Relief & Development Dept. EAC in a hawng. Training a hin Women Self Help Group (WSHG) 10 haia inthawk members 31 an ṭhang a, resource person in NABARD a inthawk K.S. Guite le Mr Simon L. Hrangchal bakah SBI le UBI haia inthawk hung hai an ṭhang.
Khuga Dam tuiah a tla hlum
CCPUR: June 29, 2014(Pathienni) zantieng dar 3vel khan Mr Thanglalmuon Gangte (27) s/o (L) Doukholun of Gouchinkhup Veng, New Lamka chu Khuga Dam-a Circuit House a inthawk hla rak lo, Khuga Dam tuiah an sil lai changsuolin tuia a tla hlum. A ruong hi hi zan dar 8 velin an khuo Phualjang, Kwakta sak phurtlung le zanikhan an khuo thlanmuolah vuiliem a nih. Lamka Rickshaw Puller Association (LRPA) a kum 3 sung Chairman dinga thlang thar, Pathiennia LRPA in Khuga Dam ah Picnic an nei a, zantieng bu an fakkhawp hnunga ama khataa tui an sil huna tuoksiet hi a tuok a nih.
MGNREGS 2014-14 1st phase 5 days release
CCPUR: DRDA, CCPur chun MGNREGS 2014-15 hnuoia First Phase ni 5 sin thawna ding a sanction ta a, SDOs/ BDOs hai kuoma cheque a tlung vawng tah tiin ei thu dawngna chun a hril. MGNREGS 2014-15 ni 5 sin thawna dinga Blocks tina sum sanction dan chu- Vangai Blockah khuo 35, Samulamlan Block-ah khuo 106, Henglep Block-ah khuo 169, Singngat Block-ah khuo 95, Tipaimukh Block-ah khuo 17, Lamka block-ah khuo 58, Sangaikot block-ah khuo 98, Tuibuong block-ah khuo 158, Thanlon block-ah khuo 64 le Saikot block-ah khuo 40 hai an nih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Zenhang & party in hla sak an ta, Mangneihkim in Bamboo Shoot product ti thupui hmangin thu hril a tih. Hmar programme a chun Lalremsang le Lalbieklien han hla sak an ta, Planting of Sapling for Health ti thupui hmangin Lalṭhalur Infimate in thu hril a tih. Thadou programe a chun Tongmang & party han hla sak an ta, Bee keeping for income generation ti thupui hmangin Letkholal Haokip in thu hril a tih.
IMPHAL NEWS:
CM in Peace Award a sem
IMPHAL: Zanikhan Manipur Film Development Corporation Auditorium, Imphal-ah Hills and Tribal Affairs le Tribal Research Institute hai ṭhangruola huoihawtnain Tribal Peace and Harmony Awards, 2013-14 semna nei a nih. Hi huna hin Dy. CM Gaikhangam le Rajya Sabha MP hlui Rishang Keishing hai khawm an ṭhang. Award dawngtuhai chu, Ms. K. Matia of Rabunamei Village, Senapati, H. Sitlhou of Orphanage Village, Senapati District le Rev. S. Kaikho Hokey of Podunamei Village, Senapati District hai an nih.
Forest Dept. thawktu han nuorna
IMPHAL: Forest Department, Govt.of Manipur hnuoia thawktu han State sawrkar kuoma thil ngen chi tum tum an nei hai nawrnaa June 25, 2014 a inthawk an sinthaw chawlsana nuorna an n ei chu an la sunzawm pei. Thawktu tam lemin thla 18 hlaw an lak thei ta naw niin Manihar Goswami, President, All Manipur Forest Department Employees and Workers Union chun an hril.
Imphal-Moreh Road-ah darkar 48 bandh
IMPHAL: Kh. Maring alias Heithungsei Khaling of Nungourok le Kanemram Village inkar, Chandel District a NH-102 (Imphal- Moreh Rod) a June 26, 2014 zan dar 11:30 vela a thisaa hmu a nina thua JAC indina um chun zanita inthawk khan Imphal-Moreh Roadah darkar 48 sung bandh an thaw ṭan.
Imphal-ah bomb tehlem
IMPHAL: Zani zing dar 5 vel khan HaobamMarak Irom Leikai a Aviram Mongjam, Deputy Director, Manipur AIDS Control Society (MACS) in gate bulah bomb ang deu hmu a ni a, Mnipur Police-a bomb squad team chu hi hmuna hin an va fe a, bomb tehlem a nih ti an va finfie. Finfie a ni hmain hi lai biela cheng hai chu an ṭithawng hman hle a nih.
TB natna invawi mi 1795
IMPHAL: Revised National Tuberculosis (TB) Control Programme (RNTBCP), Manipur record dungzuiin Manipur- ah TB Treatment Centres le Hospitals haiah TB natna invawi 1795 enkawl mek le kum 3 liemta khan Manipurah TB natna leiin mi 224 an thi niin a hril.
Governor in lawmman a sem
IMPHAL: Zanikhan Manipur Mountaineering and Trekking Association(MMTA) huoihawtnain Lamdan, CCPur District, Manipur a Manipur Mountainering Institute Complex- ah Mountaineering & Adventure Camp-ah Governor V.K. Duggal chu khuollienin a ṭhang a, lawmman dawng dinga thlanghai kuoma lawmman a sem. Hi huna hin thingkak phun a ni bawk.
NATIONAL NEWS:
Pathien thuhriltu vuok a nih
SHILLONG: June 28, 2014 zan khan Pathien thuhriltu, Kevin John Lazarus chu Meghalaya State a Mawlia- Mawtadbaki stand bul, Shillong ah tu ti hrietlo han an vuok. Lazarus hi Biekin inkhawm ṭin a in tieng pana a fe laia vuok a nih. Kevin John Lazarus hi Chennai a um, Kristien thuhriltu, Lake View Theological College, Chenai a M.Div. inchuklai, Summer Ministry-a Meghalaya State a hung inzin a nih. Police chun mi vawtuhai hi an la hriet naw a, FIR chu zieklut a ni tah tiin Vivek Syiem, SP (City), Shillong chun a hril.
Remna Ni a vawi 28-na
AIZAWL: Zanikhan Mizoramah Remna Ni a vawi 28-na hmang a nih. MNF chun kum 1966 khan India rama inthawka inlakhran a, Independent ngen ṭanin helna siemin ramhnuoia lutin India sawrkar an do a. Nisienlakhawm MNF le India sawrkar chu June, 1986 khan Peace Accord an lo ziek ta a, Peace Accord zieka um a kum 28 tlingna ni hi Mizoram chun Remna Ni-a a hmang a nih.
PSLV C23 hlawtling taka kapsuok
SRIHARIKOTA: ISRO chun zani zingkar dar 9:25 khan Satish Dhawan Space Centre, Sriharikota a inthawk PSLV C23 rocket chu hlawtling takin a kapsuok. Hi Rocket hin foreign satellites 5, Germany, France, Canada le Singapore hai ta khawm a phursa. Hienghai lai hin German Satellites 2 le Singapore , Canada le France Sattelite pakhat seng a ṭhang. PM Narendra Modi khawm hi huna hin a hmuna umin rocket kapsuok lai hi a en. PM chun, rocket hlawtling taka kapsuok a nina thuah scientist-hai a lawmpui thu a hril.
Nuhmei suolluitua intum man
AIZAWL: June 27, 2014 nia sun re laia Ratu khuo, Mizorama ruolbanlo nuhmei pakhat suolluitua intum Lalmalsawma chu Police han an man. Ruolbanlo nuhmei hi doctors han hospital-ah an enfel a, suollui a ni ngei ti an hrietsuok.
Mizoram CM in KNO le inbiekna sunzawm dingin
AIZAWL: Mizoram Chief Minister Lalthanhawla chun June 28, 2014 khan New Delhi-ah Union Home Minister Rajnath Singh an hmupui a, Manipur a Kuki National Organisation (KNO) le sawrkar inbiekna (Peace Talks) chu sunzawm nawk vat ta dingin a ngen. KNO chu India laka inlakhran tum a ninaw a, an rights a ngen a nih. KNO le Union Home Ministry chun Suspension of Operation (SoO) an ziek ta a, Kuki hai harsatna le thil ngen chingfel le sukpuitling chu thilṭha le thil lawmum ning a tih tiin Lalthanhawla chun a hril. Chun, Selkaltu pawl le Mizoram Bru Displaced Peoples Forum (MBDPF) han kal hai sienkhawm Tripura a inthawk tuchen hin Bru sungkuo 1237 a mi 6,511 Mizoramah lakkir nawk an ni ta tiin Lalthanhawla chun Rajnath Singh a hril.
Assam-ah Nga tam tak an thi
MORIGAON: Assam State sunga Kolong, Kopili le Kiling vadung haia chun Nga tam tak an thi a, tui chungah an inlang nasa hle niin Morigaon District Administration chun a hril. Ngahai hi tur leia thi ni lovin vadung tui thienghlimnaw (water pollution) leia thi ni dinga ring an nih. Vadung tui le ruosur leia tuihawk dang dang luong lut leia (arsening poisoning) a thi ni an ring thu Environmentalists han an hril.
Pa fak leiin mi 3 an damnaw pha
AIZAWL: Mizorama Serchhip District sunga Khawlailung khuoa sungkuo pakhatin June 28, 2014 nia ramhnuoia Pa (Mushroom) Paruomau nia hriein hmein an suong a, an fak leiin Nundangi (53) w/o Pazana le an nauhai pahni, Zorinmawia (30) le Lalnunhlimi (25) hai chu zan huna an hung inluok a, sungṭhanawin a zui nghal leiin Serchhip District Hospital panpui le hi hmuna hin enkawl mek an nih.
West Bengal Governor an ban
NEW DELHI: Zanikhan West Bengal Governor M.K. Narayanan (80) chun an banna lekha President kuoma a peklut. NDA in sawrkarna an chela inthawka Governors 4 an inbanna a nih. UP Governor, B.L. Joshi, Chhattisgarh Governor Sekhar Dutt le Nagaland Governor Ashwani Kumar hai chu a hmain an lo inban ta a nih.
Chennai-a building chimin mi 18 a del hlum
CHENNAI: June 29, 2014 zana Tamil Nadu-a Chennai khawpuia building chimin mi a del hlum chu 18 an tling tah. Mi 23 an hliem a, Sri Ramachandra Medical College and University panpui an nih. NDRF le Police han sansuokna le sawmdawlna sin an thaw. Tamil Nadu CM J. Jayalalitha chun June 29 khan building chimna hmun hi a va sir a, building bawltu in dan a zui naw leia building hi chim niin a hril.
Rel sungah bombs 8 zet hmu
KISHANGANJ: Zanikhan Maldah-New Jalpaiguri passenger Rel, Kishanganj Railway Station, Bihar-a a chawl laiin Rel sungah Government Railway Police han bomb hrat chi 8 zet dapdawkin an man. Bombs 8 hai hi General Compartment a ṭhungna hnuoia dapdawk, Plastic bag a infun a nih tiin Alok Prasad Singh, OC, Kishanganj Govt. Railway Police station chun a hril.
Singapore Foreign Minister a hung inzin
NEW DELHI: Singapore Foreign Minister, K. Shanmugam chu zanikhan New Delhi a hungtlung. Asia khawmuolpuia ram ṭhuoituhai laia India PM hmu dinga hung inzin hmasa tak a nih. Singapore hin Foreign Direct Investment (FDI) hmangin India ramah dollar 5.98 billion zet hmangin a hung sumdawng a nih.
Malaria leia thi mi 55 an tling tah
AGARTALA: Tripura state a Districts 5, Dhalai, Gomti, Khowai, North Tripura le South Tripura District haia Malaria natna hri inleng leia mihriem thina tuok chu 55 an tling ta a, hienghai laia 46 hai chu naupang an nih. Mi 55 hai hi June thla sunga thi an nih. Khawsika damnaw mi 70,400 hai thisen test-naa chun mi 12,000 han Malaria natna hri an pai a, Malaria a thi mi 55 hai laia 40 hai chu an chengna in haia thi an nih tiin official thusuok chun a hril. Unofficial thusuok chun mithi hi 85 an tling ta niin a hril.
Naxalites cadre 8 Police kuoma an inpe
RAIPUR: Zanikha n Chhattisgarh- a Kondgaon districtah Naxalites (Maoist) cadres 8 hai chu Police kuoma an inpe. Anni le hin June, 2014 thla sunga Kondagaon district sunga Naxalites cadre inpe 28 anb tling tah.
Vawisun India mi 40 an hungkir ding
NEW DELHI: Iraq ram buoina hmun ni lova intang India mi 40 hai chun vawisun hin Iraq suoksanin India ramtieng hungkir an tih. Chun, buoina suokna hmun, Tikrit a intang Indian Nurses hai chu him le dam takin an um tiin External Affairs Ministry spokesperson, Syed Akbaruddin chun a hril.
SP quarters huongsungah Zu um 1920 man
KOLASIB: June 27, 2014 zantienga Khuongpuilama Kolasib SP Quarters huongsunga Quarters ruok um hai Police han an sukfai huna Zu McDowells Rum um 1920, tuolsung rate ah Rs. 6,72,000 chuong man ding zet hmuin an man. A neitu le a thupruktu Lalthangluna, Upper Republic, Aizawl chu anman a, Zu hi Dolchorra, Assam a inthawka a lak, Aizaawla zawr a tum niin a hril.
China Helicopter Ladakh ah a vuong lut
NEW DELHI: June 29, 2014 khan China Helicopter chu Jammu & Kashmir a Ladakh biel sunga Pangong Tso le Chushul Region huop sunga India boruokah a va vuonglut. Darkar 24 sunga China in India le China inlaichinna sukse dinga a chet a vawihnina a nih. India chun India ram inche khat khawm China ram kuoma pe naw nih tiin BJP ṭhuoitu Mukhtar Abbas Naqvi chun a hril.
Chief Vigilance Inspector le mi 14 man
BANGALORE: June 29, 2014 khan Bangalore khawpuiah Railways chun Assistant Loco Pilot, Telecommunication Grade-III le Technicians Grade-III sin hai lakna dingin Exam a buotsai a, hi exam a questin paper le Answer keys hai a leaked a, hi thil tlung le inzawm hin CBI han Chief Vigilance Inspector, South Western Railways le midang 14 an man. Mana um hai lai hin Advocate pakhat a ṭhangsa.
INTERNATIONAL NEWS:
India le China han Agreements 3 an ziek
BEIJING: India le China hai chun Agreements 3, Commerce, Water Resources le Human Resources Development haia thawtlang dingin an ziek. India aiawin Sujatha Singh, Secretary (External Affairs, India le Ashok Kantha, Indian Ambassador to China han Agreements 3 haia hin suoi an thaw. Hi huna hin India Vice President Md Hamid Ansari le China Vice President, Li Yuanchao hai khawm an ṭhang. Agreement dungzui hin China ramin India ramah Industrial Park hung indin a ta, Brahmaputra vadung tuilien leia hmalak dan ding kawngah China in India mihai training hung pein Hydrological information inpetuo an tih. MoU pathumna chu Lal Bahadur Shastri National Academy of Administration le China Executive Leadership Academy, Pudong han an ziek a, China in Public Official-hai training an hung pek ding a nih.
N. Korea in Missile a ensin
PYONGYANG: June 29, 2014 kha North Kora chun a Missile pahnina, Scud Missile chu hlawtling takin a ensin. Hi missile hi short-range niin km. 500 a hla kap phak niin South Korean Millitary thusuok chun a hril.
Nigeria rama Biekin kap; mi 30 an thi
BAUCHI: June 29, 2014 khan Nigeria rama helpawl, Boko Horam han Chibok town a Kristien Biekin an va kap a, mi 30 an thi bakah In ṭhahnemtawk tak an raw. Hi hma hin students 200 chuong an lo ṭhuoihmang ta bawk. Protestant Church of Christ, Nigeria, Pentecostal Deeper Life Bible Church, Nigeria le Ekklesiyar Yanuwa hai chu an suksiet hne hle niin dama suokdawk Mallam Yahi chun a hril.
Indian Army Chief China-ah an zin ding
BEIJING: Indian Army Chief General Bikram Singh chu China rama ni 4 sung cham dingin inzin a tih. July 2-5, 2014 inkar sung General Bikram Singh hi Beijing Khpuiah cham a ta, China military hotulienhai le China foreign ministry officials hai leh inbiekna nei an tih. Chun, Chinese Military Academy ah Genral Bikram Singh hin thu hril a tih. India Ramy Chief-hai laia kum 9 liemta sunga China ram inzin a pahnina a nih. Ama hma hin kum 2005 khan Army Chief hlui General N.C. Vij chu China rama a lo hang inzin ta a nih.
IN HRILFIENA
June ni 20, 2014 a Imphal Free Press a an hung insuo,”Nonbailable Warrant’ hmu anga an mi hung intum kha thu bel chieng dawllo a nih ti mitin hriet dingin ka hung tarlang a nih. Corruption a intumna leia vigilance case amanih, kona amanih, warrant amanih reng reng hi tuchen hin khawlai a’nthawk khawmin ka la hmu naw a. Kha chanchinbu-a an min tumna—“dental chair inchawkna” thu lem kha chu ka pension hnung daia Dental College an indin, a chair hai khawm Dental College an in din hnunga an inchawk an leiin ṭhangna hlek te khom ka nei nawha. Chanchinbumi haiin an lo hrietsuol amanih, An suotu haiin an lo insuo suol amanih, annawleh mi sukhmingse tum reng reng haiin mi suk muolpho tuma phuokfawm an hung insuo amanih ning a tih ti hi chanchinbu tiemtu hai popo ka hung inhriettir cheu.
Sd/-Dr.L.Fimate
Dated 28/6/2014
Imphal
INHRIETTIRNA
Tuta inthawk Muolvaiphei khawsung le a sevel a Nunghak- Tlangval thilah le Inruithei thilah mawilo taka um phal an ta nawh ti mitin kuoma inhriettir a nih. Hi thu pawi sa loa la um nawk hai chu an chunga thil iengpo khawm tlung sienla tukhawmin HNAM thil le mimal ah la thei naw ni hai.
By Order
Chairman
Village Welfare Committee
Muolvaiphei.
VAWISUN THUPUI
I biekin inthieng tieng nghain chibai buk ka ti cheh a, I ngilneina le i thutak leiin i hming inpâk ka tih. I thu chu i hming hrim hrim nek chun i chawisang ta sih a. - Sâm 138:2
EDITORIAL:
Mela le Gambling
Mihriem khawsak nuom dan, dit dan, ṭha ti zawng le ṭha naw hi hai a hung danglam pei bakah a hung changkangin hma ei sawn pei a. Amiruokchu, ei nuom dan, ṭha ei ti dan le dit dan hai hi ei kristienna, ei hnam, ei ram le ei mimal khawsak dan hai leh an mil am ti hi chik taka ei ngaituo nuom a um. Chuong a ninaw chun ei mimal nun, ei khawtlang, ei kohran, ei ram le hnam ta dinga sietna min tluntu an ni thei ding a nih ti ei hriet nuom a um. Chun, ei hunawl hmang dan hai khawm hi a ṭha am, a ṭha naw am tihai khawm uluk nawk zuola ei ngaituo thilṭha hung ning a tih. June 20, 2014 a inthawk ta khan Tuibuong Peace Ground hmuna KSO, CCPur le Brothers Enterprises Assam hai huoihawtnain Summer Mela ṭan a ni a, Mela a va ve hi mi an tam thei hle. A bikin Pathienni in mi an tam zuol. Summer Mela a hin thil chi tum tum zawrna dawr, marry goround, Magic Show, Disco Dance, Micky Mouse, Baby Sitting round, Dragon Plane, Hotel, Fast Food le pawisa senga inkhelna chi tum tum (gambling) hai a um a, hi Mela va simtuhai laia mi hiptu tak chu gambling a nih ti inla ei hril suol taluo ring a um nawh.
Summer Mela hi a ṭha nawh ei tina a ninaw a, sienkhawm pawisa senga inkhelna chi tum tum a tam taluo deu niin an lang. Mi hiptu tak gambling chi tum tumhaia Churachandpur town le a se vela cheng han nitin a sum ei hmang, inkhelna thienghlim lo, pawisa chawia inkhelna haia tangka sum ei dehawn hi cheng sangtel ni lovin cheng singtel a tling phak ring a um. Gambling thawna dinga sum puk dam an um bakah gambling a pawisa sangtel inhmang leia nupa insel inhal ri khawm hriet ding a um nawk el. Gambling hi ei ta dinga thilṭha nekin thilṭha lo, ei sietna ding le ei chatvaina ding a ni leiin gambling hi chu Mela a hin inṭhangtir naw inla ei ta dingin a ṭha lem ngei ring a um. Ei Kristien nina le khawm an hme nawin an mil naw em em el a nih.
Mela huoihawt nawk a lo ni khawma District Administration in Mela thawna hmuna hin ieng ieng thil am a um a, ieng ieng am thaw a ni a ti hi enfel hmasa hlak hai sienla thilṭha, ei renga ta dinga ei ṭhattlangna ning a tih. Tuta mela fe mek hi chu gambling puk a ni ringawt el an naw mani? Gambling hi sawrkar thil khap, dan khawmin a phal lo a ni a. Amiruokchu, mela thawna hmuna gambling zalen taka thaw a ni el hi chu ngaituona fim tak nei le hmatieng thil ding thlir hla hai chun thilṭhaah an ngai ring a um nawh. Gambling hi khap a ni si chun Mela thawna hmuna khawm khap ding a nih. Gambling um lo khawma Mela hi thaw thei a nih.
Mihriem hin hunawl hmangna ding ei mamaw ve hle a. Hi lei hin ei state sawrkar khawm hin District tinah Museum, Sahuon, Picnic spot, Rest Home, naupang inhnelna ding, inkhelna hmun le a dang danghai hi ṭha tawk tak le mihai hip thei ding khawpin hung siem sienla nuom a um khawp el. Chawlhadamna hmun inhawi le hunawl hmangna ding hmun hi ei mamaw bek bek el a nih. Hun awl hmangna ding hmun ṭha le inhawi ei neinaw leiin naupang le ṭhalai ṭhenkhat chun thilṭhanaw le Drugs dam an thaw pha hiel an naw mani ding aw ti theiin a um.
Gambling hi mihriem hringnun suksetu, retheina le suola mi ṭhuoi lut theitu a ni a, sawrkarin a khap hi thil thaw awm hrim a ni leiin mitinin ei do tlat a ṭul a nih. Gambling a cha, an pawisa nei po po hmangral hai chun an In le lo bakah an nuhmei le an nauhai chen an zawr ngam hlak. Hi thil hin hril tam ngai lovin gambling ṭhat nawzie a hrilfiein a sukchieng em em el a nih. Gambling a hausa an lo um khawmin hun sawt an dai naw a, thil tlo lo takel, inhmangna le channa vawng a nih. Hieng a ni lei hin mitin elin gambling hi ṭhangruola do tak taka ei dotlang a ṭul a nih.
Congress MLAs 27 han zanikhan CM an inhmupui;
CM in an thil ngen Congress High Command kuoma intlun a lo tiem
IMPHAL: Zani zingkar dar 8 vel khan Manipur a Congress MLAs 47 um hai laia a tam lem han Chief Minister bungalow, Imphal-ah Manipur Chief Minister Okram Ibobi Singh an van hmupui a, Developmental Programme fe mek le minister ni lai mekhai chunga an lungawinawna, an nuorna, an harsatna hai an intlun bakah CM Okram Ibobi Singh le Deputy Chief Minister Gaikhangam hai ṭhangsa lovin Manipur-a Congress Ministry sawidanglam a, tuta Cabinet ministers ni lai mek 10 hai chu ban a, Congress MLAs dang 10 hai chu Cabinet Minister-a lalut dingin CM an ngen.
Pu Okram Ibobi Singh chun MLAs 27 hai thil ngen chu Congress High Command kuoma intlun dingin thu a lo tiem. Ministry sawidanglam ding le ding naw thu chu Manipur Assembly Budget Session hmaa thutlukna puonglang hman dinga beisei nia hril a nih. MLAs 27 hai thil ngen hi CM le Dy. CM thlakthleng dinga ngenna a um naw leiin Congress High Command khawma Ministry sawidanglam dinga remtina (green signal) a lo pek el thei dinga beisei um niin ei thu dawngna chun a hril. Zanita MFDC Auditorium, Imphal-a Tribal Peace and Harmony Awards, 2013- 14 semnaa O.Ibobi Singh in thu a hrilnaa chun, Congress MLAs 27 hai thil ngen hin ka sawrkar sukchau naw ni a, a sukhrat zuol sau ding a nih tiin a hril.
New Delhi a Congress Party meeting pawimaw a ṭhang dingin Chief Minister, Pu O.Ibobi Singh le Deputy Chief Minister le MPCC President ni bawk Pu Gaikhangam hai pahni chu vawisun hin Imphal suoksanin New Delhi pan an tih. Pu Ibobi Singh hin New Delhi-a a cham sungin AICC ṭhuoituhai hung inhmupui a ta, Congress MLAs 27 hai thil ngen hi a hung intlun ring a nih.
Hieng laizing hin Congress MLAs 27 hai chun CM le Dy. CM han Imphal an suoksan zo hnungah Manipur Ministry sawidanglam dinga an ngenna lekha Memorandum ziekin Congress High Command kuoma pek an tum niin ei thu dawngna chun a hril. Congress MLAs 27 hai lai hin CM nuhmei O. Landhoni Devi le Y. Erabot hai an ṭhang ve nawh.
LOCAL NEWS:
HSLC Compartmental Exam
CCPUR: Board of Secondary Education Manipur (BSEM) hnuoia High School Leaving Certificate (HSLC) Compartmental Examination, 2014 chu July 5, 2014 ah nei ning a tih. BSEM chun Exam Centres 18 a ruot a, hienghai lai hin Clubbed Centres 7 le Imphal centre-ah Exam centres 11 ruot a nih. Clubbed Centres 7 hai chu, Ukhrul, Somdal, Phungyar, Kamjong, Kasom Khullen, Tamenglong, Tamei, Noney, Khopum, Pallel, Chandel, Komlathabi, Moreh, Jiribam, Saikul, Motbung, Sapermaina, Keithelmanbi, Kangpokpi le Churachandpur hai an nih. Churachandpur District a chun Children’s Training Higher Secondary School chu exam Centre-a ruot a ni a, vawisuna inthawk Headmasters han Exam Centre-a inthawk Admit Card la ṭan thei an tih. CCPur Exam Centre-a hin Roll No. 6980-9813 inkar an ṭhang ding a nih.
BJP CCPur in Tungdim lawmlutna
CCPUR: BJP Churachandpur chun zani 10:00AM khan Hmarveng-a BJP Office- ah New Delhi-a inzin Tongminthang Tungdim, MDC Sagang lawmlutna hun an hmang a, hi huna hin Mr Hangkhanpau, State Executive Member, BJP khawmin thuhrilna a nei. Mr Tongminthang Tungdim hi June 16, 2014 nia New Delhi-a inzin a ni a, Delhi a cham sungin India PM Narendra Modi, Home Minister Rajnath Singh hai baka ṭhuoitu dang dang hai an hmupui thu le PM kuoma memorandum a pek thu hai an zinna report a pek huna a hril. Tongminthang in PM kuoma memorandum-a peka chun ADCs devolution of Powers, MDC Local Area Development Fund le MDCs hai pension chungthu; ADCs thawktuhai harsatna le infrastructure baksam chungthu, District Boundary, Manipur a Lal (Chiefs) hai right humhal ding, Silchar-Henglep National highway a pawm ding, law and order chungthu, ADCs hai Sixth Schedule provision hnuoia sie dinga a ngenna hai a ziek lang. Chun, UPF le KNO han sawrkar le SoO an ziek tuta August thlaa tawp ta ding chu suksei dingin a ngen thu Tongminthang Tungdim chun a hril.
SHGS Leaders Training
CCPUR: Zani 10:00AM khan EAC Council Hall, Rengkai Road-ah NABARD, Banks le NGOs hai ṭhangruola huoihawtnain Training programme for leaders of SHGs nei a nih. Training hi Shri Lalhmuoklien, Chairman, Relief & Development Dept. EAC in a hawng. Training a hin Women Self Help Group (WSHG) 10 haia inthawk members 31 an ṭhang a, resource person in NABARD a inthawk K.S. Guite le Mr Simon L. Hrangchal bakah SBI le UBI haia inthawk hung hai an ṭhang.
Khuga Dam tuiah a tla hlum
CCPUR: June 29, 2014(Pathienni) zantieng dar 3vel khan Mr Thanglalmuon Gangte (27) s/o (L) Doukholun of Gouchinkhup Veng, New Lamka chu Khuga Dam-a Circuit House a inthawk hla rak lo, Khuga Dam tuiah an sil lai changsuolin tuia a tla hlum. A ruong hi hi zan dar 8 velin an khuo Phualjang, Kwakta sak phurtlung le zanikhan an khuo thlanmuolah vuiliem a nih. Lamka Rickshaw Puller Association (LRPA) a kum 3 sung Chairman dinga thlang thar, Pathiennia LRPA in Khuga Dam ah Picnic an nei a, zantieng bu an fakkhawp hnunga ama khataa tui an sil huna tuoksiet hi a tuok a nih.
MGNREGS 2014-14 1st phase 5 days release
CCPUR: DRDA, CCPur chun MGNREGS 2014-15 hnuoia First Phase ni 5 sin thawna ding a sanction ta a, SDOs/ BDOs hai kuoma cheque a tlung vawng tah tiin ei thu dawngna chun a hril. MGNREGS 2014-15 ni 5 sin thawna dinga Blocks tina sum sanction dan chu- Vangai Blockah khuo 35, Samulamlan Block-ah khuo 106, Henglep Block-ah khuo 169, Singngat Block-ah khuo 95, Tipaimukh Block-ah khuo 17, Lamka block-ah khuo 58, Sangaikot block-ah khuo 98, Tuibuong block-ah khuo 158, Thanlon block-ah khuo 64 le Saikot block-ah khuo 40 hai an nih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun Zenhang & party in hla sak an ta, Mangneihkim in Bamboo Shoot product ti thupui hmangin thu hril a tih. Hmar programme a chun Lalremsang le Lalbieklien han hla sak an ta, Planting of Sapling for Health ti thupui hmangin Lalṭhalur Infimate in thu hril a tih. Thadou programe a chun Tongmang & party han hla sak an ta, Bee keeping for income generation ti thupui hmangin Letkholal Haokip in thu hril a tih.
IMPHAL NEWS:
CM in Peace Award a sem
IMPHAL: Zanikhan Manipur Film Development Corporation Auditorium, Imphal-ah Hills and Tribal Affairs le Tribal Research Institute hai ṭhangruola huoihawtnain Tribal Peace and Harmony Awards, 2013-14 semna nei a nih. Hi huna hin Dy. CM Gaikhangam le Rajya Sabha MP hlui Rishang Keishing hai khawm an ṭhang. Award dawngtuhai chu, Ms. K. Matia of Rabunamei Village, Senapati, H. Sitlhou of Orphanage Village, Senapati District le Rev. S. Kaikho Hokey of Podunamei Village, Senapati District hai an nih.
Forest Dept. thawktu han nuorna
IMPHAL: Forest Department, Govt.of Manipur hnuoia thawktu han State sawrkar kuoma thil ngen chi tum tum an nei hai nawrnaa June 25, 2014 a inthawk an sinthaw chawlsana nuorna an n ei chu an la sunzawm pei. Thawktu tam lemin thla 18 hlaw an lak thei ta naw niin Manihar Goswami, President, All Manipur Forest Department Employees and Workers Union chun an hril.
Imphal-Moreh Road-ah darkar 48 bandh
IMPHAL: Kh. Maring alias Heithungsei Khaling of Nungourok le Kanemram Village inkar, Chandel District a NH-102 (Imphal- Moreh Rod) a June 26, 2014 zan dar 11:30 vela a thisaa hmu a nina thua JAC indina um chun zanita inthawk khan Imphal-Moreh Roadah darkar 48 sung bandh an thaw ṭan.
Imphal-ah bomb tehlem
IMPHAL: Zani zing dar 5 vel khan HaobamMarak Irom Leikai a Aviram Mongjam, Deputy Director, Manipur AIDS Control Society (MACS) in gate bulah bomb ang deu hmu a ni a, Mnipur Police-a bomb squad team chu hi hmuna hin an va fe a, bomb tehlem a nih ti an va finfie. Finfie a ni hmain hi lai biela cheng hai chu an ṭithawng hman hle a nih.
TB natna invawi mi 1795
IMPHAL: Revised National Tuberculosis (TB) Control Programme (RNTBCP), Manipur record dungzuiin Manipur- ah TB Treatment Centres le Hospitals haiah TB natna invawi 1795 enkawl mek le kum 3 liemta khan Manipurah TB natna leiin mi 224 an thi niin a hril.
Governor in lawmman a sem
IMPHAL: Zanikhan Manipur Mountaineering and Trekking Association(MMTA) huoihawtnain Lamdan, CCPur District, Manipur a Manipur Mountainering Institute Complex- ah Mountaineering & Adventure Camp-ah Governor V.K. Duggal chu khuollienin a ṭhang a, lawmman dawng dinga thlanghai kuoma lawmman a sem. Hi huna hin thingkak phun a ni bawk.
NATIONAL NEWS:
Pathien thuhriltu vuok a nih
SHILLONG: June 28, 2014 zan khan Pathien thuhriltu, Kevin John Lazarus chu Meghalaya State a Mawlia- Mawtadbaki stand bul, Shillong ah tu ti hrietlo han an vuok. Lazarus hi Biekin inkhawm ṭin a in tieng pana a fe laia vuok a nih. Kevin John Lazarus hi Chennai a um, Kristien thuhriltu, Lake View Theological College, Chenai a M.Div. inchuklai, Summer Ministry-a Meghalaya State a hung inzin a nih. Police chun mi vawtuhai hi an la hriet naw a, FIR chu zieklut a ni tah tiin Vivek Syiem, SP (City), Shillong chun a hril.
Remna Ni a vawi 28-na
AIZAWL: Zanikhan Mizoramah Remna Ni a vawi 28-na hmang a nih. MNF chun kum 1966 khan India rama inthawka inlakhran a, Independent ngen ṭanin helna siemin ramhnuoia lutin India sawrkar an do a. Nisienlakhawm MNF le India sawrkar chu June, 1986 khan Peace Accord an lo ziek ta a, Peace Accord zieka um a kum 28 tlingna ni hi Mizoram chun Remna Ni-a a hmang a nih.
PSLV C23 hlawtling taka kapsuok
SRIHARIKOTA: ISRO chun zani zingkar dar 9:25 khan Satish Dhawan Space Centre, Sriharikota a inthawk PSLV C23 rocket chu hlawtling takin a kapsuok. Hi Rocket hin foreign satellites 5, Germany, France, Canada le Singapore hai ta khawm a phursa. Hienghai lai hin German Satellites 2 le Singapore , Canada le France Sattelite pakhat seng a ṭhang. PM Narendra Modi khawm hi huna hin a hmuna umin rocket kapsuok lai hi a en. PM chun, rocket hlawtling taka kapsuok a nina thuah scientist-hai a lawmpui thu a hril.
Nuhmei suolluitua intum man
AIZAWL: June 27, 2014 nia sun re laia Ratu khuo, Mizorama ruolbanlo nuhmei pakhat suolluitua intum Lalmalsawma chu Police han an man. Ruolbanlo nuhmei hi doctors han hospital-ah an enfel a, suollui a ni ngei ti an hrietsuok.
Mizoram CM in KNO le inbiekna sunzawm dingin
AIZAWL: Mizoram Chief Minister Lalthanhawla chun June 28, 2014 khan New Delhi-ah Union Home Minister Rajnath Singh an hmupui a, Manipur a Kuki National Organisation (KNO) le sawrkar inbiekna (Peace Talks) chu sunzawm nawk vat ta dingin a ngen. KNO chu India laka inlakhran tum a ninaw a, an rights a ngen a nih. KNO le Union Home Ministry chun Suspension of Operation (SoO) an ziek ta a, Kuki hai harsatna le thil ngen chingfel le sukpuitling chu thilṭha le thil lawmum ning a tih tiin Lalthanhawla chun a hril. Chun, Selkaltu pawl le Mizoram Bru Displaced Peoples Forum (MBDPF) han kal hai sienkhawm Tripura a inthawk tuchen hin Bru sungkuo 1237 a mi 6,511 Mizoramah lakkir nawk an ni ta tiin Lalthanhawla chun Rajnath Singh a hril.
Assam-ah Nga tam tak an thi
MORIGAON: Assam State sunga Kolong, Kopili le Kiling vadung haia chun Nga tam tak an thi a, tui chungah an inlang nasa hle niin Morigaon District Administration chun a hril. Ngahai hi tur leia thi ni lovin vadung tui thienghlimnaw (water pollution) leia thi ni dinga ring an nih. Vadung tui le ruosur leia tuihawk dang dang luong lut leia (arsening poisoning) a thi ni an ring thu Environmentalists han an hril.
Pa fak leiin mi 3 an damnaw pha
AIZAWL: Mizorama Serchhip District sunga Khawlailung khuoa sungkuo pakhatin June 28, 2014 nia ramhnuoia Pa (Mushroom) Paruomau nia hriein hmein an suong a, an fak leiin Nundangi (53) w/o Pazana le an nauhai pahni, Zorinmawia (30) le Lalnunhlimi (25) hai chu zan huna an hung inluok a, sungṭhanawin a zui nghal leiin Serchhip District Hospital panpui le hi hmuna hin enkawl mek an nih.
West Bengal Governor an ban
NEW DELHI: Zanikhan West Bengal Governor M.K. Narayanan (80) chun an banna lekha President kuoma a peklut. NDA in sawrkarna an chela inthawka Governors 4 an inbanna a nih. UP Governor, B.L. Joshi, Chhattisgarh Governor Sekhar Dutt le Nagaland Governor Ashwani Kumar hai chu a hmain an lo inban ta a nih.
Chennai-a building chimin mi 18 a del hlum
CHENNAI: June 29, 2014 zana Tamil Nadu-a Chennai khawpuia building chimin mi a del hlum chu 18 an tling tah. Mi 23 an hliem a, Sri Ramachandra Medical College and University panpui an nih. NDRF le Police han sansuokna le sawmdawlna sin an thaw. Tamil Nadu CM J. Jayalalitha chun June 29 khan building chimna hmun hi a va sir a, building bawltu in dan a zui naw leia building hi chim niin a hril.
Rel sungah bombs 8 zet hmu
KISHANGANJ: Zanikhan Maldah-New Jalpaiguri passenger Rel, Kishanganj Railway Station, Bihar-a a chawl laiin Rel sungah Government Railway Police han bomb hrat chi 8 zet dapdawkin an man. Bombs 8 hai hi General Compartment a ṭhungna hnuoia dapdawk, Plastic bag a infun a nih tiin Alok Prasad Singh, OC, Kishanganj Govt. Railway Police station chun a hril.
Singapore Foreign Minister a hung inzin
NEW DELHI: Singapore Foreign Minister, K. Shanmugam chu zanikhan New Delhi a hungtlung. Asia khawmuolpuia ram ṭhuoituhai laia India PM hmu dinga hung inzin hmasa tak a nih. Singapore hin Foreign Direct Investment (FDI) hmangin India ramah dollar 5.98 billion zet hmangin a hung sumdawng a nih.
Malaria leia thi mi 55 an tling tah
AGARTALA: Tripura state a Districts 5, Dhalai, Gomti, Khowai, North Tripura le South Tripura District haia Malaria natna hri inleng leia mihriem thina tuok chu 55 an tling ta a, hienghai laia 46 hai chu naupang an nih. Mi 55 hai hi June thla sunga thi an nih. Khawsika damnaw mi 70,400 hai thisen test-naa chun mi 12,000 han Malaria natna hri an pai a, Malaria a thi mi 55 hai laia 40 hai chu an chengna in haia thi an nih tiin official thusuok chun a hril. Unofficial thusuok chun mithi hi 85 an tling ta niin a hril.
Naxalites cadre 8 Police kuoma an inpe
RAIPUR: Zanikha n Chhattisgarh- a Kondgaon districtah Naxalites (Maoist) cadres 8 hai chu Police kuoma an inpe. Anni le hin June, 2014 thla sunga Kondagaon district sunga Naxalites cadre inpe 28 anb tling tah.
Vawisun India mi 40 an hungkir ding
NEW DELHI: Iraq ram buoina hmun ni lova intang India mi 40 hai chun vawisun hin Iraq suoksanin India ramtieng hungkir an tih. Chun, buoina suokna hmun, Tikrit a intang Indian Nurses hai chu him le dam takin an um tiin External Affairs Ministry spokesperson, Syed Akbaruddin chun a hril.
SP quarters huongsungah Zu um 1920 man
KOLASIB: June 27, 2014 zantienga Khuongpuilama Kolasib SP Quarters huongsunga Quarters ruok um hai Police han an sukfai huna Zu McDowells Rum um 1920, tuolsung rate ah Rs. 6,72,000 chuong man ding zet hmuin an man. A neitu le a thupruktu Lalthangluna, Upper Republic, Aizawl chu anman a, Zu hi Dolchorra, Assam a inthawka a lak, Aizaawla zawr a tum niin a hril.
China Helicopter Ladakh ah a vuong lut
NEW DELHI: June 29, 2014 khan China Helicopter chu Jammu & Kashmir a Ladakh biel sunga Pangong Tso le Chushul Region huop sunga India boruokah a va vuonglut. Darkar 24 sunga China in India le China inlaichinna sukse dinga a chet a vawihnina a nih. India chun India ram inche khat khawm China ram kuoma pe naw nih tiin BJP ṭhuoitu Mukhtar Abbas Naqvi chun a hril.
Chief Vigilance Inspector le mi 14 man
BANGALORE: June 29, 2014 khan Bangalore khawpuiah Railways chun Assistant Loco Pilot, Telecommunication Grade-III le Technicians Grade-III sin hai lakna dingin Exam a buotsai a, hi exam a questin paper le Answer keys hai a leaked a, hi thil tlung le inzawm hin CBI han Chief Vigilance Inspector, South Western Railways le midang 14 an man. Mana um hai lai hin Advocate pakhat a ṭhangsa.
INTERNATIONAL NEWS:
India le China han Agreements 3 an ziek
BEIJING: India le China hai chun Agreements 3, Commerce, Water Resources le Human Resources Development haia thawtlang dingin an ziek. India aiawin Sujatha Singh, Secretary (External Affairs, India le Ashok Kantha, Indian Ambassador to China han Agreements 3 haia hin suoi an thaw. Hi huna hin India Vice President Md Hamid Ansari le China Vice President, Li Yuanchao hai khawm an ṭhang. Agreement dungzui hin China ramin India ramah Industrial Park hung indin a ta, Brahmaputra vadung tuilien leia hmalak dan ding kawngah China in India mihai training hung pein Hydrological information inpetuo an tih. MoU pathumna chu Lal Bahadur Shastri National Academy of Administration le China Executive Leadership Academy, Pudong han an ziek a, China in Public Official-hai training an hung pek ding a nih.
N. Korea in Missile a ensin
PYONGYANG: June 29, 2014 kha North Kora chun a Missile pahnina, Scud Missile chu hlawtling takin a ensin. Hi missile hi short-range niin km. 500 a hla kap phak niin South Korean Millitary thusuok chun a hril.
Nigeria rama Biekin kap; mi 30 an thi
BAUCHI: June 29, 2014 khan Nigeria rama helpawl, Boko Horam han Chibok town a Kristien Biekin an va kap a, mi 30 an thi bakah In ṭhahnemtawk tak an raw. Hi hma hin students 200 chuong an lo ṭhuoihmang ta bawk. Protestant Church of Christ, Nigeria, Pentecostal Deeper Life Bible Church, Nigeria le Ekklesiyar Yanuwa hai chu an suksiet hne hle niin dama suokdawk Mallam Yahi chun a hril.
Indian Army Chief China-ah an zin ding
BEIJING: Indian Army Chief General Bikram Singh chu China rama ni 4 sung cham dingin inzin a tih. July 2-5, 2014 inkar sung General Bikram Singh hi Beijing Khpuiah cham a ta, China military hotulienhai le China foreign ministry officials hai leh inbiekna nei an tih. Chun, Chinese Military Academy ah Genral Bikram Singh hin thu hril a tih. India Ramy Chief-hai laia kum 9 liemta sunga China ram inzin a pahnina a nih. Ama hma hin kum 2005 khan Army Chief hlui General N.C. Vij chu China rama a lo hang inzin ta a nih.
IN HRILFIENA
June ni 20, 2014 a Imphal Free Press a an hung insuo,”Nonbailable Warrant’ hmu anga an mi hung intum kha thu bel chieng dawllo a nih ti mitin hriet dingin ka hung tarlang a nih. Corruption a intumna leia vigilance case amanih, kona amanih, warrant amanih reng reng hi tuchen hin khawlai a’nthawk khawmin ka la hmu naw a. Kha chanchinbu-a an min tumna—“dental chair inchawkna” thu lem kha chu ka pension hnung daia Dental College an indin, a chair hai khawm Dental College an in din hnunga an inchawk an leiin ṭhangna hlek te khom ka nei nawha. Chanchinbumi haiin an lo hrietsuol amanih, An suotu haiin an lo insuo suol amanih, annawleh mi sukhmingse tum reng reng haiin mi suk muolpho tuma phuokfawm an hung insuo amanih ning a tih ti hi chanchinbu tiemtu hai popo ka hung inhriettir cheu.
Sd/-Dr.L.Fimate
Dated 28/6/2014
Imphal
INHRIETTIRNA
Tuta inthawk Muolvaiphei khawsung le a sevel a Nunghak- Tlangval thilah le Inruithei thilah mawilo taka um phal an ta nawh ti mitin kuoma inhriettir a nih. Hi thu pawi sa loa la um nawk hai chu an chunga thil iengpo khawm tlung sienla tukhawmin HNAM thil le mimal ah la thei naw ni hai.
By Order
Chairman
Village Welfare Committee
Muolvaiphei.
VAWISUN THUPUI
I biekin inthieng tieng nghain chibai buk ka ti cheh a, I ngilneina le i thutak leiin i hming inpâk ka tih. I thu chu i hming hrim hrim nek chun i chawisang ta sih a. - Sâm 138:2
EDITORIAL:
Mela le Gambling
Mihriem khawsak nuom dan, dit dan, ṭha ti zawng le ṭha naw hi hai a hung danglam pei bakah a hung changkangin hma ei sawn pei a. Amiruokchu, ei nuom dan, ṭha ei ti dan le dit dan hai hi ei kristienna, ei hnam, ei ram le ei mimal khawsak dan hai leh an mil am ti hi chik taka ei ngaituo nuom a um. Chuong a ninaw chun ei mimal nun, ei khawtlang, ei kohran, ei ram le hnam ta dinga sietna min tluntu an ni thei ding a nih ti ei hriet nuom a um. Chun, ei hunawl hmang dan hai khawm hi a ṭha am, a ṭha naw am tihai khawm uluk nawk zuola ei ngaituo thilṭha hung ning a tih. June 20, 2014 a inthawk ta khan Tuibuong Peace Ground hmuna KSO, CCPur le Brothers Enterprises Assam hai huoihawtnain Summer Mela ṭan a ni a, Mela a va ve hi mi an tam thei hle. A bikin Pathienni in mi an tam zuol. Summer Mela a hin thil chi tum tum zawrna dawr, marry goround, Magic Show, Disco Dance, Micky Mouse, Baby Sitting round, Dragon Plane, Hotel, Fast Food le pawisa senga inkhelna chi tum tum (gambling) hai a um a, hi Mela va simtuhai laia mi hiptu tak chu gambling a nih ti inla ei hril suol taluo ring a um nawh.
Summer Mela hi a ṭha nawh ei tina a ninaw a, sienkhawm pawisa senga inkhelna chi tum tum a tam taluo deu niin an lang. Mi hiptu tak gambling chi tum tumhaia Churachandpur town le a se vela cheng han nitin a sum ei hmang, inkhelna thienghlim lo, pawisa chawia inkhelna haia tangka sum ei dehawn hi cheng sangtel ni lovin cheng singtel a tling phak ring a um. Gambling thawna dinga sum puk dam an um bakah gambling a pawisa sangtel inhmang leia nupa insel inhal ri khawm hriet ding a um nawk el. Gambling hi ei ta dinga thilṭha nekin thilṭha lo, ei sietna ding le ei chatvaina ding a ni leiin gambling hi chu Mela a hin inṭhangtir naw inla ei ta dingin a ṭha lem ngei ring a um. Ei Kristien nina le khawm an hme nawin an mil naw em em el a nih.
Mela huoihawt nawk a lo ni khawma District Administration in Mela thawna hmuna hin ieng ieng thil am a um a, ieng ieng am thaw a ni a ti hi enfel hmasa hlak hai sienla thilṭha, ei renga ta dinga ei ṭhattlangna ning a tih. Tuta mela fe mek hi chu gambling puk a ni ringawt el an naw mani? Gambling hi sawrkar thil khap, dan khawmin a phal lo a ni a. Amiruokchu, mela thawna hmuna gambling zalen taka thaw a ni el hi chu ngaituona fim tak nei le hmatieng thil ding thlir hla hai chun thilṭhaah an ngai ring a um nawh. Gambling hi khap a ni si chun Mela thawna hmuna khawm khap ding a nih. Gambling um lo khawma Mela hi thaw thei a nih.
Mihriem hin hunawl hmangna ding ei mamaw ve hle a. Hi lei hin ei state sawrkar khawm hin District tinah Museum, Sahuon, Picnic spot, Rest Home, naupang inhnelna ding, inkhelna hmun le a dang danghai hi ṭha tawk tak le mihai hip thei ding khawpin hung siem sienla nuom a um khawp el. Chawlhadamna hmun inhawi le hunawl hmangna ding hmun hi ei mamaw bek bek el a nih. Hun awl hmangna ding hmun ṭha le inhawi ei neinaw leiin naupang le ṭhalai ṭhenkhat chun thilṭhanaw le Drugs dam an thaw pha hiel an naw mani ding aw ti theiin a um.
Gambling hi mihriem hringnun suksetu, retheina le suola mi ṭhuoi lut theitu a ni a, sawrkarin a khap hi thil thaw awm hrim a ni leiin mitinin ei do tlat a ṭul a nih. Gambling a cha, an pawisa nei po po hmangral hai chun an In le lo bakah an nuhmei le an nauhai chen an zawr ngam hlak. Hi thil hin hril tam ngai lovin gambling ṭhat nawzie a hrilfiein a sukchieng em em el a nih. Gambling a hausa an lo um khawmin hun sawt an dai naw a, thil tlo lo takel, inhmangna le channa vawng a nih. Hieng a ni lei hin mitin elin gambling hi ṭhangruola do tak taka ei dotlang a ṭul a nih.
