HEADLINES:
Sawrkar thlungpuiin Manipur-ah National Level Sports University indin dingin hma a lak ṭan
IMPHAL: Th. Chaoba Singh, President, BJP Manipur Pradesh le State BJP General Secretaries, Asnikumar Singh, Bashanta Sharma le Ex-MLA S Keba Singh han zanikhan Nirmal Bhavan, New Delhi hmuna Union
Minister of State for Development of North Eastern Region (DoNER) General V.K. Singh le Union Road Transport, Highway & Shipping hai chu an Office haiah an inhmupui a, Manipur pawimaw le harsatna chi tum tum hai an intlun. Union Minister of State for DoNER (Independent Charge), General V.KI. Singh chun BJP Manipur ṭhuoituhai kuomah, sawrkar thlungpuiin Manipur-ah National Level Sports University indin dinga hma a lak ṭan ta thu, NE biela DoNER le NEC hnuoia Development Works chi tum tum, a bikin Manipur a mihai chu zo fel vat dinga hma lak a ni ding thu le June 28, 2014 in Imphal-a hung inzin a tum thu a lo hril niin BJP, Manipur Pradesh thusuok chun a hril. Hi zo hin BJP Manipur Pradesh ṭhuoitu han Union Minister (Road Transport, Highway & Shiping) Nitin Gadkari an inhmupui nawk a, National Highway-hai siem ṭhat a ṭulzie le Imphal-JiribamRoad ṭhat naw dan, siem ṭhat vat a ṭulzie le Manipur mihai dam le hringna lampui a ni thu an intlun. Nitin Gadkari chun, NDA sawrkarin National Highway-hai a ngaipawimaw thu le an hmatienga Imphal-Jiribam Road siem zo a ni theina dinga hma a hung lak ngei ding thu BJP Manipur ṭhuoituhai chu thu a lo tiem.
Khuo nasa taka an ṭhal hnungin Loneitu hai ta dinga malsawmna van ruotui a hung tla ṭan mek. Hieng laizing hin CCPur khawpui sunga lampui hai chu Nula mumal tak umnaw leiin lampui haia chun vadung angin tui an luong zuoi zuoi a, kea inlawn miriem le motor hai ta dingin harsatna an tlun mek. Ruotui hung tlak le inzawm hin tulai hnai ela Blacktopping thaw tharna lampui hai khawm ‘Fur ruotui tlak hmapo’ dai dinga siem ni awm hrimin lampui hmun tina inkhawkin tui an tling nawk puou puou el tah. Motor khaltu han kea inlawn hai tui chilper inlau tak pum le fimkhur takin motor khal hlak inla nuom a um. Lampui siemtu han quality an maintain hun ding nghakhla a um.
LOCAL NEWS:
Saidan khuoah Farmers Awareness nei
CCPUR: District Agriculture Officer, CCPur inrawinain District Agriculture Department, CCPur chun Rashtriya Krishi Vikash Yojhna Scheme hnuoia zanikhan Saidan khuoah Farmers Awareness Programme an huoihawt. Hi huna hin K. Raju, Agriculture Officer le Kh. Ajil, Plant health clinic, CCPur hai resource person in an ṭhang. Loneituhai chu mani ram le lo haia thlai ching dan le ieng thlai am ching inla a ṭha ding ti hai hrilhriet anni bakah Agriculture Department in Buchi annawleh thlaichi a sem hai ching a hlawk bik zie hai hrilhriet an nih. June 23, 2014 khin District Agri Department chun hiengang Farmers Awareness programme hi Thingkangphai khuoah huoihawt nawk an tih tiin ei thu dawngna chun a hril.
BJP CCPur in Emergency meeting
CCPUR: BJP CCPur District \huoitu hai chun zani zantieng khan Tuibuonga-a BJP Office Pu Chungsei Inah Emergency meeting an nei. Meeting huna hin BJP Office hmang lai mek hmun danga sawn ding, BJP member- a laklut ding hai hrim hrim BJP Mandal fethlenga Primary member enrolment thaw hnunga District BJP member-a laklut chau ding bakah BJP District President, Lhunkhojang Haokip hrietpuina lovin tukhawma party thilah iengkhawm thaw lo dingin an rel. Hi huna hin BJP member dingin mi 2 laklut thar an nih. Tuhin Manipur-a Non-Naga hai lai BJP state Executive- ah mi pathum – Tongminthang, MDC, Sagang; T. Hangkhanpau, Ex-MLA le Tongmang, Sadar Hills hai chau an ṭhang mek a nih. Emergency meeting-a hin District BJP President le General Secretary hai bakah BJP Mandal tina ṭhuoitu hai an ṭhang tawl.
YMA Chiengkon in Blood donation
CCPUR: June 16, 2014 nia YMA Chiengkon Branch in YMA Day an hmang bawzuinain zani 1:00PM khan Chiengkonpang Community Hall-ah Blood Donation camp an huoihawt. Hi huna hin nuhmei 6 le pasal 11, an rengin mi 17 hai chun District Hospital, CCPur-a thisen mamaw hai ta dingin a thlawnin thisen an pek.
Workshop for Study Centre
CCPUR: ZEO, CCPur le ADC, CCPur hnuoia training la nei lo Primary teacherhai ta dingin Rengkai Higher Secondary School le Gandhi Memorial High School haiah June 24, 2014, 9:30M in Workshop for Study Center nei ning a ta, Pi Mannuamching, CEO, ADC, CCPur chu inaugural function-ah Chief Guest ning a tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun E.Chinzamang & party le T. Vungzamuan & party han hla sak an tih. Hmar programme a chun NPT Central Choir han hla sak an tih. Thadou programme a chun New Boljang Church Choir han hla sak an tih. June 23, 2014 nia Paite, Hmar le Thadou programme haiah hla thlang ngaithlak thei ning a tih.
IMPHAL NEWS:
Cabinet meeting nei a nih
IMPHAL: Zani zantieng dar 3 a inthawk khan CM O.Ibobi Singh inrawina hnuoiah Cabinet meeting nei a ni a, 10th Manipur Legislative Assembly 8th Session (Budget Session) nei dan ding, piengphunga ruolbanlo le sin nei lo hai Scholarship chungthu, Mega Tourism Project chungthu le National Games 5th, 31st, 32nd le 33rd haiah Gold Medal la mi 12 hai kuoma sin pek dan ding chungthu hai hriltlangin an rel niin ei thu dawngna chun a hril.
Blood Bank-cum-Transfusion Unit
IMPHAL: Zanikhan District Hospital, Thoubal-ah Blood Bank-cum-Transfusion Unit Mr T. Ranjit Singh, IAS, DC, Thoubal in a hawng. Hi hunsera hin Dr Shailesh Kumar Chourasia, IAS, Project Director, MACS; Dr S. Sarat Kumar Singh, CMO, DMD,Districh Health Society, Thoubal le Dr Md. Salamatt Ullah, Medical Superintendent, Dist. Hospital, Thoubal hai an ṭhang.
IGNTU an va hlukhum
IMPHAL: Zanikhan Indira Gandhi National Tribal University (IGNTU) Students Union pawlin IGNTU Administrative Block le Director’s Room an va hlukhum a, Electronic hmangruo le office sunga thil um chi tum tum hai an suksiet. June 10, 2014 nia IGNTU Students Union le University Authority han Makhan Village-a MoU an ziek chu vawisun chena sukpuitling a la ninaw leia hi thil hi an va thaw niin Manglen Gangte, President, IGNTU Students Union chun a hril.
Tourist Bus counter hai la khar zing
IMPHAL: Tourist Bus service (night super bus services) operator han June 19, 2014 a inthawk strike an thaw ṭan chu an la sunzawm pei leiin Imphal le India hmarsak biel sates hi inkara Tourist bus service sukchawla um chu zani kha a ni 3-na a nita a, Imphal hmuna Tourist Bus Counter hai khawm zanikhan khar an la nih. June 13, 2014 nia helpawl han Jhakhlabanda hmuna Zed Travels tourist bus driver Thokchom Ingobi (45) an ṭhuoihmang dodalnaa AMNSDWA le AMISBA han an service hi an chawlsan a nih. Driver ṭhuoihmanga um inthlasuok dinga an ngenna hi sukpuitling ni hma po chu NH- 2 Imphal-Dimapur-Guwahati inkar-a service an chawlsan hi an la pei ring a nih.
Myanmar in suoksan dingin
IMPHAL: Haolenphai Village, Moreh Sub-Division, Chandel District, Manipur a chenghai chu Myanmar sawrkarin an in hai chu India ram tienga sawn dingin a hril bakah an ram bakah India ram sung tieng a nekna chu a hung thaw thar a, ram vatin thlai a hung ching ṭan leiin ramri buoina chu tulai hin a hung sosang nawk niin Haolenphai khaw mi han ICHAM le KSO ṭhuoituhai an lo hril.
Hand Grenade hmu a nih
IMPHAL: Zani zing dara 7:50 vel khan Thounaojam Bishambhor s/o Achou of Lamphel Sana Keithel chengna in compound-ah China siem Hand Grenade pakhat hmu a ni a, Manipur Policea Bomb Disposal team in an va lak a, zani zing dar 9:30 vel khan pawitawk lo dingin an sukpuok.
NATIONAL NEWS:
AICC ṭhuoituhai an inhmupui
NEW DELHI: Haryana Chief Minister, Bhupinder Singh Hooda chun zani zingkar khan AICC President Sonia Gandhi an hmupui a, minutes 30 vel inbiekna an nei. June 20, 2014 zan khan Maharashtra Chief Minister, Prithviraj Chavan in Sonia Gandhi Political Secretary, Ahmed Patel an hmupui. Assam Senior Minister, Himanta Biswa Sarma khawm AICC \huoituhai inhmupui tumin New Delhi-ah a cham mek. Congress Party inlalna state a CM-hai chu thlakthleng vat an ni ta dinga hril a nih.
NSCN(IM) cadre 2 ralthuom leh man
ITANAGAR: June 16&17, 2014 ni haia Security Forces han Arunachal Pradesh, Tirap District sunga Khonsa le a se vela dappui an thawnaa chun NSCN(IM) cadres 2 ralthuom leh an man niin Vikramjit Singh, SP, Tirap chun a hril. Mana um NSCN(IM) cadre pahni hai kuta inthawk AK-56 Rifles 2, magazines 2 le silaimu 40 hmuin an man. Chun, June 18, 2014 nia hmun danga dappui an thawnaah Self Loading Rifle (SLR) 1, SLR magazines 2, silaimu 120 le RPG Lathode bombs 12 hmuin an man bawk niin Vikramjit Singh, SP chun a hril.
Party MP ni lovin Mizoram MP
AIZAWL: Mizorama Rajya Sabha seat khat uma inthlangnaathlangtling Ronald Sapa Tlau chun, ngirhmun insang takel chel dinga thlangtling a nina le inzawmin Pathien le an party Congress hai kuoma lawmthu a hril. Party MP ni lovin Mizoram ta dinga MP ni a tum thu a hril bawk. Ronald Sapa Tlau (60) hi votes 34 hmua tling a nih. An khingpui R. Ramkimlova in votes 6 a hmu. Ronald Sapa Tlau hi thiemna tieng MA (Mass Communication), Havard University, USA a ni a, MPCC Chairman, Communication Cell, General Secretary le Chairman, Zoram Electronics Development Corporation (ZENICS) sin chel lai a nih.
MPs 53 in Criminal cases an nei
CHENNAI: 16th Lok Sabha election, 2014 a Lok Sabha member (MP) dinga thlangtling 53 hai chun Criminal cases an nei a, hienghai lai hin Union Minister, Uma Bharti khawm a ṭhang. MPs 53 laia 23 hai chu mi thar, an vawikhat tlingna a nih. Criminal case nei hai lai hin BJP MPs 24, Shiv Sena MP 4, Trinamool Congress MP 4, AIADMK 3, PMK 2 le a dang dang an ṭhang. Criminal case nei MP-hai hi thiemnaw inchangtir an ni chun MP an nina haia inthawk disqualify an ni ding a nih.
Jnanpith Award dawngtu dingin Kedarnath
NEW DELHI: Kum 2013 a Jnanpith Award dawngtu dingin Hindi Poet hmingthang Kedarnath Singh (80) thlang a nih. A Poem hai laia an lar zuolhai chu, “Abhi bilkul abhi” le “ Yahan se dekho” ti hai an nih. Hi Awrd a hin sumfai Rs. 11 lakh le Citation a ṭhangsa.
Vuongna sungah lungphu chawlin a thi
DIBRUGARH: June 18, 2014 khan Mr Shantilal Jain (75) le a nuhmei, Premlata, Cancer natna invawi, Delhi a doctor pana fe hai chu SpiceJet vuongnaa chuongin an umna Dibrugarh, Assam an hung pan a. Vuongnaa an chuong lai hin Premlata hi lungphu chawlin a thi a, a pasal Shantilal Jain chun hrietthiem harsa le tuor intak a ti el bakah a lung a \hawng nasa taluo leiin a hung damnaw pha a, Max Hospital panpui nghal a ni a, sienkhawm minutes tawite hnungah a thi ve nghal. Shantilal Jain hi HS Road a Mahabir Textiles neitu a nih.
Union Minister Nirmala in nomination a file
HYDERABAD: Union Minister Nirmala Sitharam chun zanikhan Andhra Pradesh-a Rajya Sabha seat khata thla thara inthlangna hung um dingah nomination paper a file. Nomination a file huna hin Andhra Pradesh CM N. Chandrababu Naidu khawmin a va ṭawiawm. Sitharam hi Union Minister of State for Commerce and Industry (Independent charge) chel lai mek a ni a, khingtu um loa tlinga puong a hung ni ngei ring a nih. MP ni lai mek N. Janardhan Reddy of Congress thi leia Rajya Sabha seat hi hung ruok a nih.
Kum 5 sungin Sakeibaknei 250 thi
AHMEDABAD: Kum 5 liemta sung khan Gir Wildlife Sanctuary, Gujarat ah Sakeibaknei 250 an thi a hril a nih. Kum 2010 Census dungzui chun hi Sanctuaray a hin Sakeibaknei 411 an um a hril a nih.
Nupa tuok khat sat hlum an nih
SILIGURI: June 17, 2014 zanril lai khan Budhwar area, Darjeeling district, Kalimpong Sub-Division, West Bengal a cheng nupa tuokkhat chu tu ti hrietlo, hmai intuom han an chengna insungah an va sat hlum a, an naunu kum 12 mi chu a vawitieng mit an kheldawk pek a, tuhin Bengal Medical College Hospital-ah enkawl a nih. Chun, an naunu kum 4 mi chu him le damin an in a inthawk a tlansuok hman. Nupa tuok hai hi Tibet mi, Christian a inlet an ni a, pasal hming hi Dominik Bhutia a ni a, Cable operator a ṭhang a nih. Hi thil tlung le inzawm hin pasal pakhat hrentang a nih tiin Akhilesh Chaturvedi, SP, Darjeeling chun a hril.
Bangladesh ramah helpawl camps 45
AGARTALA: B.D. Sharma, Special Director General, BSF chun BSF le Border Guards Bangladesh (BGB) hai inkara inlaichinna ṭha hle sienkhawm Bangladesh ram sungah India hmarsak helpawlhai, a bikin NSCN, NLFT le ATTF hai camps 45 lai zet a la um tiin Salbagan, Tripura hmuna Chanchinbumihai an pawlpuina huna a hril.
ISRO in PSLV-C23 a kapsuok ding
CHENNAI: Indian Space Research Organisation (ISRO) chun June 30, 2014, 9:49AM khin Satish Dhawan Space Centre, Sriharikota a inthawk Foreign Satellites 5 phurtu Polar Satellite Launch Vehicle-PSLV-C23 chu kapsuok a tih. Foreign satellites 5 a phur dinghai chu German, Canada, Singapore le French hai sattelites an ni ding a nih.
SL Ngamantu 12 Coast Guard han an man
CHENNAI: Indian Coast Guard hai chun zanikhan Bay of Bengal-a India ram sung tuipuia Nga an hung man tia intumna leiin Sri Lanka Ngamantu 12 hai chu an lawng pahni Dushantha le Maragala hai le an Nga man Kg. 300 vel ding leh an man. Sri Lanka Ngamantu hai hi Chennai Harbour Police kuta an inhlan.
Car design thar siemsuok
JAMSHEDPUR: SRM University, Chennai student, Jamshedpur a cheng Sachin le a team han Car design thar an siemsuok a, an hmingah “Eon” an inbuk. Hi car hin km. 150-200 tlannaah thautui litre khat pei chau a fak ding niin Sachin le a team hai chun an hril.
Sushma Swaraj Bangladesh-ah an zin ding
NEW DELHI: External Affairs Minister Sushma Swaraj chu June 25-27, 2014 inkar sung khin Bangladesh-ah inzin a tih tiin zanita official thusuok chun a hril. Bangladesh Foreign Minister Abul Hassan Mahmood Ali fielna anga Ms Swaraj hi Bangladesh-a inzin tum a ni a, Bangladesh a cham sungin Bangladesh Foreign minister inhmupuiin an ram pahni hai inlaichinna chungthu hriltlang an ta, Bangladesh President Abdul Hamid le PM Sheikh Hasina hai khawm inhmupui bawk a tih. External Affairs Minister a chel hnunga ama khata ramdang an zin vawikhatna ding a nih.
Bomb puokah Somalia Journalist a thi
MOGADISHU: Zanikhan Somalia rama Mogadishu khawpuia ama car a inthawk bomb puok leiin Somalia Journalist Yusuf Ahmed Abukar (27) a thi. Abukar hi nikum-a UN-sponsored Somalia Media Awards lo dawng ta a nih. Bomb hi ama car-a kam ni ngei dinga ring a nih tiin Xinhua news report chun a hril. Abukar hi Mogadishu- a Mustaqbal radio le Ergo radio haia thawk lai mek a nih.
Pheikawk siemtu naupa IIT-JEE exam-ah
PATNA: Bihar state pheikawk siem le nawttu naupa Sudhir chu ta ṭuma IIT-JEE exam a khan a hlawtling. Sudhir chun B.Tech ka zo pha leh Civil Servies examah ṭhang ka ta, IAS Officer la hung ning ka ta, mi rethei le rimsihai dawmsangna dingin sin ka la thaw ding a nih tiin a hril. Sudhir pa hi mi han an hmusit hle hlak a, chu lungsen chun Naxalite lut el a lo tum tawp hlak a, sienkhawm a nu le pa han an khap hlak leia lut lo, hlawtlingna lawmum takel hung chang a nih. India ram pumpuiah a 3900-na a nih.
VAWISUN THUPUI
Aw ka hrâtna, nangma inpâkna hla sak ka tih. Pathien chu ka kulbîng insâng, ka chunga ngilnei Pathien chu a ni sih a. - Sâm 59:17
EDITORIAL
Thlarau rahai
Ei Bible a Galati 5:22&23 a chun, Thalrau ra ruok chu hmangaina dam, hlimna dam, inremna dam, dawtheina dam, ngilneina dam, ṭhatna dam, ringumna dam, thuhnuoirawlna dam, insumtheina dam a ni lem tiin a mi hril a. Thlarau rahai hi an ṭha bek bek a, pei le ban ding hrim hrim hlek khat khawm a um nawh. Hi baka hin tharauva um a ṭhatna khawm Galati 5:16&17 a chun hiengang hin a mi hril: Thlarauva um ro; chuongchun tisa chakna chu in zawm naw ding an nawm. Tisa hin thlarau dona tieng an hawk hlak, thlarau khawmin tisa dona tieng an hawk bawk si hlak a, thilthaw in tum hai chu in thaw thei nawna dingin chuonghai chu an kal si a, tiin a mi hril a nih. Zohnathlakhai lai chun Kristien hi zaah za ei ni ta a. Piengthar ṭha ei ni chun thlarau ra hi ei nei seng ding ni awm tak a ni a. Amiruokchu, kristien a tamlem hai lai hin thlarau ra hi a um der naw niin an lang. Hril lo ding ei hril leiin buoina khawm a suok hlak. Hril ding ṭul chau hril inla, hril ṭul lo hi chu hril ngai lo dinga ei insumthei a ṭul a nih. Ei thu hriet taphawt hi hril sawng pei a ṭul nawh. Ei lo hril a ni khawmin, hmangaina lungril nei le puta hril nisienla, ei hril suol naw deu ring a um. Hmu ding um taphawt hmu ei chak hlak. Nisienlakhawm ei hmu ṭhenkhat hi chu ei hmu lo dinga ṭha a ni thei. Ei thil hmu le hriet haiah ei fimkhur a ṭul hle. Thil hungtlung taphawt hi hriet ei chak a. Sienkhawm ei thu hriet tum tak hi chu ei hriet lo dinga ṭha a um. Ṭawng, hmu le hriet haiah fimkhur inchuk inla, insumtheina nei tum ei tiu.
Mi pakhatin Zawng lim a ziek a, pakhat chun a hmur a hup a, pakhat chun a mit a hup a, pakhat dang chun a nakawr a hup. Hi milim ziektu hin inchuktir nuom tam tak a nei a nih. An chuktir nuomhai chu, ṭawngah fimkhur ding, ei thil hmuah fimkhur ding le ei thil hrietah ei fimkhur ding a nih tihai hi a nih. Hienghai hi insumtheina an nih. Insumtheina hlak chu thlarau ra hai laia ṭhangsa ve a ni si a. Mi insumtheihai chu mipuitling le mi inzaum an ni hlak.
Zohnathlakhai hi fak le dawn kawngah insumthei lo takel ei nih ti inla ei hril suol taluo ring a um nawh. Fak ding hmu taphawt fa el thei a tam lem ning ei tih. Ei taksa le ei hriselna ta dinga ṭha ding le ṭha lo ding ngaituona chang khawm ei hriet naw tawl a ni awm ie. Ei taksa le hriselna ta dinga ṭha lo a nih ti ei hrietchieng em em el hai khawm ei fakin ei dawn nuom pei el. Chuleiin, fak le dawnah ei insum a ṭul a nih. Kristien ṭha le piengthar ei ni si chun fak le dawn, hawp le hmuom haiah ei insumthei ngei ding a nih. Vawksa hi ei Bible chun sa thienghlim lova a ngai, fak lo dinga a ti a nih. Nisienlakhawm ei sa dut tak a ni si! Insum chu harsa ei titlang a ni hi! Kristienhai lai hin Seventh Day Kohran mihai hin, fak le dawn, hawp le hmuom haiah insumtheina an inchuktir nasa a, entawntlak an nina lai tak a nih.
Zu dawn ching le Drugs thaw ching ei tam ang bawkin a thipui khawm ei tam tah. Kohran tinin a hmingin an khap deu seng a. Nisienlakhawm, Kohran mihai lai zu dawn mi an tam hle. Kohranin dan ei nei hi hmang ṭha inla, Kohran mi zu dawn an tlawm deu am maw? Sawrkarin Zu khapna dan a siem a, sienkhawm a hlawsam. Mi tinin Zu le Drugs ṭhat nawzie ei hriet seng. Zu le Drugs thaw nawna ding chungthu hi chu mimal ditthlangnaa innghat a nih.
Ei Bible in a mi hril le a min chuktir thlarau rahai hi a va hang ṭha thei ngei de aw! Kristienhai chau ta ding ni lovin mitin ta dinga ṭha em em el an nih. Khawvelin a mamaw em em hai lai thlarau rahai, hmangaina, insumtheina, hlimna, inremna, dawtheina, ṭhatna, ringumna, le thuhnuoirawlna hai hi a ṭhangkim vawng a nih. Thlarau rahai hi ei nunah hmang seng inla chu indemtuona, inhrilsiettuona, inremnawna, intheidana, inhmelmakna le suol chitin reng hai hi an bo hmak el ding a nih. Amiruokchu, sakhuo dang biehai nekin kristienhai lai hin inhmangaina hi re tieng panin ei tlasam deu deu el niin an lang.
Sawrkar thlungpuiin Manipur-ah National Level Sports University indin dingin hma a lak ṭan
IMPHAL: Th. Chaoba Singh, President, BJP Manipur Pradesh le State BJP General Secretaries, Asnikumar Singh, Bashanta Sharma le Ex-MLA S Keba Singh han zanikhan Nirmal Bhavan, New Delhi hmuna Union
Minister of State for Development of North Eastern Region (DoNER) General V.K. Singh le Union Road Transport, Highway & Shipping hai chu an Office haiah an inhmupui a, Manipur pawimaw le harsatna chi tum tum hai an intlun. Union Minister of State for DoNER (Independent Charge), General V.KI. Singh chun BJP Manipur ṭhuoituhai kuomah, sawrkar thlungpuiin Manipur-ah National Level Sports University indin dinga hma a lak ṭan ta thu, NE biela DoNER le NEC hnuoia Development Works chi tum tum, a bikin Manipur a mihai chu zo fel vat dinga hma lak a ni ding thu le June 28, 2014 in Imphal-a hung inzin a tum thu a lo hril niin BJP, Manipur Pradesh thusuok chun a hril. Hi zo hin BJP Manipur Pradesh ṭhuoitu han Union Minister (Road Transport, Highway & Shiping) Nitin Gadkari an inhmupui nawk a, National Highway-hai siem ṭhat a ṭulzie le Imphal-JiribamRoad ṭhat naw dan, siem ṭhat vat a ṭulzie le Manipur mihai dam le hringna lampui a ni thu an intlun. Nitin Gadkari chun, NDA sawrkarin National Highway-hai a ngaipawimaw thu le an hmatienga Imphal-Jiribam Road siem zo a ni theina dinga hma a hung lak ngei ding thu BJP Manipur ṭhuoituhai chu thu a lo tiem.
Khuo nasa taka an ṭhal hnungin Loneitu hai ta dinga malsawmna van ruotui a hung tla ṭan mek. Hieng laizing hin CCPur khawpui sunga lampui hai chu Nula mumal tak umnaw leiin lampui haia chun vadung angin tui an luong zuoi zuoi a, kea inlawn miriem le motor hai ta dingin harsatna an tlun mek. Ruotui hung tlak le inzawm hin tulai hnai ela Blacktopping thaw tharna lampui hai khawm ‘Fur ruotui tlak hmapo’ dai dinga siem ni awm hrimin lampui hmun tina inkhawkin tui an tling nawk puou puou el tah. Motor khaltu han kea inlawn hai tui chilper inlau tak pum le fimkhur takin motor khal hlak inla nuom a um. Lampui siemtu han quality an maintain hun ding nghakhla a um.
LOCAL NEWS:
Saidan khuoah Farmers Awareness nei
CCPUR: District Agriculture Officer, CCPur inrawinain District Agriculture Department, CCPur chun Rashtriya Krishi Vikash Yojhna Scheme hnuoia zanikhan Saidan khuoah Farmers Awareness Programme an huoihawt. Hi huna hin K. Raju, Agriculture Officer le Kh. Ajil, Plant health clinic, CCPur hai resource person in an ṭhang. Loneituhai chu mani ram le lo haia thlai ching dan le ieng thlai am ching inla a ṭha ding ti hai hrilhriet anni bakah Agriculture Department in Buchi annawleh thlaichi a sem hai ching a hlawk bik zie hai hrilhriet an nih. June 23, 2014 khin District Agri Department chun hiengang Farmers Awareness programme hi Thingkangphai khuoah huoihawt nawk an tih tiin ei thu dawngna chun a hril.
BJP CCPur in Emergency meeting
CCPUR: BJP CCPur District \huoitu hai chun zani zantieng khan Tuibuonga-a BJP Office Pu Chungsei Inah Emergency meeting an nei. Meeting huna hin BJP Office hmang lai mek hmun danga sawn ding, BJP member- a laklut ding hai hrim hrim BJP Mandal fethlenga Primary member enrolment thaw hnunga District BJP member-a laklut chau ding bakah BJP District President, Lhunkhojang Haokip hrietpuina lovin tukhawma party thilah iengkhawm thaw lo dingin an rel. Hi huna hin BJP member dingin mi 2 laklut thar an nih. Tuhin Manipur-a Non-Naga hai lai BJP state Executive- ah mi pathum – Tongminthang, MDC, Sagang; T. Hangkhanpau, Ex-MLA le Tongmang, Sadar Hills hai chau an ṭhang mek a nih. Emergency meeting-a hin District BJP President le General Secretary hai bakah BJP Mandal tina ṭhuoitu hai an ṭhang tawl.
YMA Chiengkon in Blood donation
CCPUR: June 16, 2014 nia YMA Chiengkon Branch in YMA Day an hmang bawzuinain zani 1:00PM khan Chiengkonpang Community Hall-ah Blood Donation camp an huoihawt. Hi huna hin nuhmei 6 le pasal 11, an rengin mi 17 hai chun District Hospital, CCPur-a thisen mamaw hai ta dingin a thlawnin thisen an pek.
Workshop for Study Centre
CCPUR: ZEO, CCPur le ADC, CCPur hnuoia training la nei lo Primary teacherhai ta dingin Rengkai Higher Secondary School le Gandhi Memorial High School haiah June 24, 2014, 9:30M in Workshop for Study Center nei ning a ta, Pi Mannuamching, CEO, ADC, CCPur chu inaugural function-ah Chief Guest ning a tih.
AIR, CCPur stn. Prog.
CCPUR: Vawisuna AIR, CCPur station-a Paite programme a chun E.Chinzamang & party le T. Vungzamuan & party han hla sak an tih. Hmar programme a chun NPT Central Choir han hla sak an tih. Thadou programme a chun New Boljang Church Choir han hla sak an tih. June 23, 2014 nia Paite, Hmar le Thadou programme haiah hla thlang ngaithlak thei ning a tih.
IMPHAL NEWS:
Cabinet meeting nei a nih
IMPHAL: Zani zantieng dar 3 a inthawk khan CM O.Ibobi Singh inrawina hnuoiah Cabinet meeting nei a ni a, 10th Manipur Legislative Assembly 8th Session (Budget Session) nei dan ding, piengphunga ruolbanlo le sin nei lo hai Scholarship chungthu, Mega Tourism Project chungthu le National Games 5th, 31st, 32nd le 33rd haiah Gold Medal la mi 12 hai kuoma sin pek dan ding chungthu hai hriltlangin an rel niin ei thu dawngna chun a hril.
Blood Bank-cum-Transfusion Unit
IMPHAL: Zanikhan District Hospital, Thoubal-ah Blood Bank-cum-Transfusion Unit Mr T. Ranjit Singh, IAS, DC, Thoubal in a hawng. Hi hunsera hin Dr Shailesh Kumar Chourasia, IAS, Project Director, MACS; Dr S. Sarat Kumar Singh, CMO, DMD,Districh Health Society, Thoubal le Dr Md. Salamatt Ullah, Medical Superintendent, Dist. Hospital, Thoubal hai an ṭhang.
IGNTU an va hlukhum
IMPHAL: Zanikhan Indira Gandhi National Tribal University (IGNTU) Students Union pawlin IGNTU Administrative Block le Director’s Room an va hlukhum a, Electronic hmangruo le office sunga thil um chi tum tum hai an suksiet. June 10, 2014 nia IGNTU Students Union le University Authority han Makhan Village-a MoU an ziek chu vawisun chena sukpuitling a la ninaw leia hi thil hi an va thaw niin Manglen Gangte, President, IGNTU Students Union chun a hril.
Tourist Bus counter hai la khar zing
IMPHAL: Tourist Bus service (night super bus services) operator han June 19, 2014 a inthawk strike an thaw ṭan chu an la sunzawm pei leiin Imphal le India hmarsak biel sates hi inkara Tourist bus service sukchawla um chu zani kha a ni 3-na a nita a, Imphal hmuna Tourist Bus Counter hai khawm zanikhan khar an la nih. June 13, 2014 nia helpawl han Jhakhlabanda hmuna Zed Travels tourist bus driver Thokchom Ingobi (45) an ṭhuoihmang dodalnaa AMNSDWA le AMISBA han an service hi an chawlsan a nih. Driver ṭhuoihmanga um inthlasuok dinga an ngenna hi sukpuitling ni hma po chu NH- 2 Imphal-Dimapur-Guwahati inkar-a service an chawlsan hi an la pei ring a nih.
Myanmar in suoksan dingin
IMPHAL: Haolenphai Village, Moreh Sub-Division, Chandel District, Manipur a chenghai chu Myanmar sawrkarin an in hai chu India ram tienga sawn dingin a hril bakah an ram bakah India ram sung tieng a nekna chu a hung thaw thar a, ram vatin thlai a hung ching ṭan leiin ramri buoina chu tulai hin a hung sosang nawk niin Haolenphai khaw mi han ICHAM le KSO ṭhuoituhai an lo hril.
Hand Grenade hmu a nih
IMPHAL: Zani zing dara 7:50 vel khan Thounaojam Bishambhor s/o Achou of Lamphel Sana Keithel chengna in compound-ah China siem Hand Grenade pakhat hmu a ni a, Manipur Policea Bomb Disposal team in an va lak a, zani zing dar 9:30 vel khan pawitawk lo dingin an sukpuok.
NATIONAL NEWS:
AICC ṭhuoituhai an inhmupui
NEW DELHI: Haryana Chief Minister, Bhupinder Singh Hooda chun zani zingkar khan AICC President Sonia Gandhi an hmupui a, minutes 30 vel inbiekna an nei. June 20, 2014 zan khan Maharashtra Chief Minister, Prithviraj Chavan in Sonia Gandhi Political Secretary, Ahmed Patel an hmupui. Assam Senior Minister, Himanta Biswa Sarma khawm AICC \huoituhai inhmupui tumin New Delhi-ah a cham mek. Congress Party inlalna state a CM-hai chu thlakthleng vat an ni ta dinga hril a nih.
NSCN(IM) cadre 2 ralthuom leh man
ITANAGAR: June 16&17, 2014 ni haia Security Forces han Arunachal Pradesh, Tirap District sunga Khonsa le a se vela dappui an thawnaa chun NSCN(IM) cadres 2 ralthuom leh an man niin Vikramjit Singh, SP, Tirap chun a hril. Mana um NSCN(IM) cadre pahni hai kuta inthawk AK-56 Rifles 2, magazines 2 le silaimu 40 hmuin an man. Chun, June 18, 2014 nia hmun danga dappui an thawnaah Self Loading Rifle (SLR) 1, SLR magazines 2, silaimu 120 le RPG Lathode bombs 12 hmuin an man bawk niin Vikramjit Singh, SP chun a hril.
Party MP ni lovin Mizoram MP
AIZAWL: Mizorama Rajya Sabha seat khat uma inthlangnaathlangtling Ronald Sapa Tlau chun, ngirhmun insang takel chel dinga thlangtling a nina le inzawmin Pathien le an party Congress hai kuoma lawmthu a hril. Party MP ni lovin Mizoram ta dinga MP ni a tum thu a hril bawk. Ronald Sapa Tlau (60) hi votes 34 hmua tling a nih. An khingpui R. Ramkimlova in votes 6 a hmu. Ronald Sapa Tlau hi thiemna tieng MA (Mass Communication), Havard University, USA a ni a, MPCC Chairman, Communication Cell, General Secretary le Chairman, Zoram Electronics Development Corporation (ZENICS) sin chel lai a nih.
MPs 53 in Criminal cases an nei
CHENNAI: 16th Lok Sabha election, 2014 a Lok Sabha member (MP) dinga thlangtling 53 hai chun Criminal cases an nei a, hienghai lai hin Union Minister, Uma Bharti khawm a ṭhang. MPs 53 laia 23 hai chu mi thar, an vawikhat tlingna a nih. Criminal case nei hai lai hin BJP MPs 24, Shiv Sena MP 4, Trinamool Congress MP 4, AIADMK 3, PMK 2 le a dang dang an ṭhang. Criminal case nei MP-hai hi thiemnaw inchangtir an ni chun MP an nina haia inthawk disqualify an ni ding a nih.
Jnanpith Award dawngtu dingin Kedarnath
NEW DELHI: Kum 2013 a Jnanpith Award dawngtu dingin Hindi Poet hmingthang Kedarnath Singh (80) thlang a nih. A Poem hai laia an lar zuolhai chu, “Abhi bilkul abhi” le “ Yahan se dekho” ti hai an nih. Hi Awrd a hin sumfai Rs. 11 lakh le Citation a ṭhangsa.
Vuongna sungah lungphu chawlin a thi
DIBRUGARH: June 18, 2014 khan Mr Shantilal Jain (75) le a nuhmei, Premlata, Cancer natna invawi, Delhi a doctor pana fe hai chu SpiceJet vuongnaa chuongin an umna Dibrugarh, Assam an hung pan a. Vuongnaa an chuong lai hin Premlata hi lungphu chawlin a thi a, a pasal Shantilal Jain chun hrietthiem harsa le tuor intak a ti el bakah a lung a \hawng nasa taluo leiin a hung damnaw pha a, Max Hospital panpui nghal a ni a, sienkhawm minutes tawite hnungah a thi ve nghal. Shantilal Jain hi HS Road a Mahabir Textiles neitu a nih.
Union Minister Nirmala in nomination a file
HYDERABAD: Union Minister Nirmala Sitharam chun zanikhan Andhra Pradesh-a Rajya Sabha seat khata thla thara inthlangna hung um dingah nomination paper a file. Nomination a file huna hin Andhra Pradesh CM N. Chandrababu Naidu khawmin a va ṭawiawm. Sitharam hi Union Minister of State for Commerce and Industry (Independent charge) chel lai mek a ni a, khingtu um loa tlinga puong a hung ni ngei ring a nih. MP ni lai mek N. Janardhan Reddy of Congress thi leia Rajya Sabha seat hi hung ruok a nih.
Kum 5 sungin Sakeibaknei 250 thi
AHMEDABAD: Kum 5 liemta sung khan Gir Wildlife Sanctuary, Gujarat ah Sakeibaknei 250 an thi a hril a nih. Kum 2010 Census dungzui chun hi Sanctuaray a hin Sakeibaknei 411 an um a hril a nih.
Nupa tuok khat sat hlum an nih
SILIGURI: June 17, 2014 zanril lai khan Budhwar area, Darjeeling district, Kalimpong Sub-Division, West Bengal a cheng nupa tuokkhat chu tu ti hrietlo, hmai intuom han an chengna insungah an va sat hlum a, an naunu kum 12 mi chu a vawitieng mit an kheldawk pek a, tuhin Bengal Medical College Hospital-ah enkawl a nih. Chun, an naunu kum 4 mi chu him le damin an in a inthawk a tlansuok hman. Nupa tuok hai hi Tibet mi, Christian a inlet an ni a, pasal hming hi Dominik Bhutia a ni a, Cable operator a ṭhang a nih. Hi thil tlung le inzawm hin pasal pakhat hrentang a nih tiin Akhilesh Chaturvedi, SP, Darjeeling chun a hril.
Bangladesh ramah helpawl camps 45
AGARTALA: B.D. Sharma, Special Director General, BSF chun BSF le Border Guards Bangladesh (BGB) hai inkara inlaichinna ṭha hle sienkhawm Bangladesh ram sungah India hmarsak helpawlhai, a bikin NSCN, NLFT le ATTF hai camps 45 lai zet a la um tiin Salbagan, Tripura hmuna Chanchinbumihai an pawlpuina huna a hril.
ISRO in PSLV-C23 a kapsuok ding
CHENNAI: Indian Space Research Organisation (ISRO) chun June 30, 2014, 9:49AM khin Satish Dhawan Space Centre, Sriharikota a inthawk Foreign Satellites 5 phurtu Polar Satellite Launch Vehicle-PSLV-C23 chu kapsuok a tih. Foreign satellites 5 a phur dinghai chu German, Canada, Singapore le French hai sattelites an ni ding a nih.
SL Ngamantu 12 Coast Guard han an man
CHENNAI: Indian Coast Guard hai chun zanikhan Bay of Bengal-a India ram sung tuipuia Nga an hung man tia intumna leiin Sri Lanka Ngamantu 12 hai chu an lawng pahni Dushantha le Maragala hai le an Nga man Kg. 300 vel ding leh an man. Sri Lanka Ngamantu hai hi Chennai Harbour Police kuta an inhlan.
Car design thar siemsuok
JAMSHEDPUR: SRM University, Chennai student, Jamshedpur a cheng Sachin le a team han Car design thar an siemsuok a, an hmingah “Eon” an inbuk. Hi car hin km. 150-200 tlannaah thautui litre khat pei chau a fak ding niin Sachin le a team hai chun an hril.
Sushma Swaraj Bangladesh-ah an zin ding
NEW DELHI: External Affairs Minister Sushma Swaraj chu June 25-27, 2014 inkar sung khin Bangladesh-ah inzin a tih tiin zanita official thusuok chun a hril. Bangladesh Foreign Minister Abul Hassan Mahmood Ali fielna anga Ms Swaraj hi Bangladesh-a inzin tum a ni a, Bangladesh a cham sungin Bangladesh Foreign minister inhmupuiin an ram pahni hai inlaichinna chungthu hriltlang an ta, Bangladesh President Abdul Hamid le PM Sheikh Hasina hai khawm inhmupui bawk a tih. External Affairs Minister a chel hnunga ama khata ramdang an zin vawikhatna ding a nih.
Bomb puokah Somalia Journalist a thi
MOGADISHU: Zanikhan Somalia rama Mogadishu khawpuia ama car a inthawk bomb puok leiin Somalia Journalist Yusuf Ahmed Abukar (27) a thi. Abukar hi nikum-a UN-sponsored Somalia Media Awards lo dawng ta a nih. Bomb hi ama car-a kam ni ngei dinga ring a nih tiin Xinhua news report chun a hril. Abukar hi Mogadishu- a Mustaqbal radio le Ergo radio haia thawk lai mek a nih.
Pheikawk siemtu naupa IIT-JEE exam-ah
PATNA: Bihar state pheikawk siem le nawttu naupa Sudhir chu ta ṭuma IIT-JEE exam a khan a hlawtling. Sudhir chun B.Tech ka zo pha leh Civil Servies examah ṭhang ka ta, IAS Officer la hung ning ka ta, mi rethei le rimsihai dawmsangna dingin sin ka la thaw ding a nih tiin a hril. Sudhir pa hi mi han an hmusit hle hlak a, chu lungsen chun Naxalite lut el a lo tum tawp hlak a, sienkhawm a nu le pa han an khap hlak leia lut lo, hlawtlingna lawmum takel hung chang a nih. India ram pumpuiah a 3900-na a nih.
VAWISUN THUPUI
Aw ka hrâtna, nangma inpâkna hla sak ka tih. Pathien chu ka kulbîng insâng, ka chunga ngilnei Pathien chu a ni sih a. - Sâm 59:17
EDITORIAL
Thlarau rahai
Ei Bible a Galati 5:22&23 a chun, Thalrau ra ruok chu hmangaina dam, hlimna dam, inremna dam, dawtheina dam, ngilneina dam, ṭhatna dam, ringumna dam, thuhnuoirawlna dam, insumtheina dam a ni lem tiin a mi hril a. Thlarau rahai hi an ṭha bek bek a, pei le ban ding hrim hrim hlek khat khawm a um nawh. Hi baka hin tharauva um a ṭhatna khawm Galati 5:16&17 a chun hiengang hin a mi hril: Thlarauva um ro; chuongchun tisa chakna chu in zawm naw ding an nawm. Tisa hin thlarau dona tieng an hawk hlak, thlarau khawmin tisa dona tieng an hawk bawk si hlak a, thilthaw in tum hai chu in thaw thei nawna dingin chuonghai chu an kal si a, tiin a mi hril a nih. Zohnathlakhai lai chun Kristien hi zaah za ei ni ta a. Piengthar ṭha ei ni chun thlarau ra hi ei nei seng ding ni awm tak a ni a. Amiruokchu, kristien a tamlem hai lai hin thlarau ra hi a um der naw niin an lang. Hril lo ding ei hril leiin buoina khawm a suok hlak. Hril ding ṭul chau hril inla, hril ṭul lo hi chu hril ngai lo dinga ei insumthei a ṭul a nih. Ei thu hriet taphawt hi hril sawng pei a ṭul nawh. Ei lo hril a ni khawmin, hmangaina lungril nei le puta hril nisienla, ei hril suol naw deu ring a um. Hmu ding um taphawt hmu ei chak hlak. Nisienlakhawm ei hmu ṭhenkhat hi chu ei hmu lo dinga ṭha a ni thei. Ei thil hmu le hriet haiah ei fimkhur a ṭul hle. Thil hungtlung taphawt hi hriet ei chak a. Sienkhawm ei thu hriet tum tak hi chu ei hriet lo dinga ṭha a um. Ṭawng, hmu le hriet haiah fimkhur inchuk inla, insumtheina nei tum ei tiu.
Mi pakhatin Zawng lim a ziek a, pakhat chun a hmur a hup a, pakhat chun a mit a hup a, pakhat dang chun a nakawr a hup. Hi milim ziektu hin inchuktir nuom tam tak a nei a nih. An chuktir nuomhai chu, ṭawngah fimkhur ding, ei thil hmuah fimkhur ding le ei thil hrietah ei fimkhur ding a nih tihai hi a nih. Hienghai hi insumtheina an nih. Insumtheina hlak chu thlarau ra hai laia ṭhangsa ve a ni si a. Mi insumtheihai chu mipuitling le mi inzaum an ni hlak.
Zohnathlakhai hi fak le dawn kawngah insumthei lo takel ei nih ti inla ei hril suol taluo ring a um nawh. Fak ding hmu taphawt fa el thei a tam lem ning ei tih. Ei taksa le ei hriselna ta dinga ṭha ding le ṭha lo ding ngaituona chang khawm ei hriet naw tawl a ni awm ie. Ei taksa le hriselna ta dinga ṭha lo a nih ti ei hrietchieng em em el hai khawm ei fakin ei dawn nuom pei el. Chuleiin, fak le dawnah ei insum a ṭul a nih. Kristien ṭha le piengthar ei ni si chun fak le dawn, hawp le hmuom haiah ei insumthei ngei ding a nih. Vawksa hi ei Bible chun sa thienghlim lova a ngai, fak lo dinga a ti a nih. Nisienlakhawm ei sa dut tak a ni si! Insum chu harsa ei titlang a ni hi! Kristienhai lai hin Seventh Day Kohran mihai hin, fak le dawn, hawp le hmuom haiah insumtheina an inchuktir nasa a, entawntlak an nina lai tak a nih.
Zu dawn ching le Drugs thaw ching ei tam ang bawkin a thipui khawm ei tam tah. Kohran tinin a hmingin an khap deu seng a. Nisienlakhawm, Kohran mihai lai zu dawn mi an tam hle. Kohranin dan ei nei hi hmang ṭha inla, Kohran mi zu dawn an tlawm deu am maw? Sawrkarin Zu khapna dan a siem a, sienkhawm a hlawsam. Mi tinin Zu le Drugs ṭhat nawzie ei hriet seng. Zu le Drugs thaw nawna ding chungthu hi chu mimal ditthlangnaa innghat a nih.
Ei Bible in a mi hril le a min chuktir thlarau rahai hi a va hang ṭha thei ngei de aw! Kristienhai chau ta ding ni lovin mitin ta dinga ṭha em em el an nih. Khawvelin a mamaw em em hai lai thlarau rahai, hmangaina, insumtheina, hlimna, inremna, dawtheina, ṭhatna, ringumna, le thuhnuoirawlna hai hi a ṭhangkim vawng a nih. Thlarau rahai hi ei nunah hmang seng inla chu indemtuona, inhrilsiettuona, inremnawna, intheidana, inhmelmakna le suol chitin reng hai hi an bo hmak el ding a nih. Amiruokchu, sakhuo dang biehai nekin kristienhai lai hin inhmangaina hi re tieng panin ei tlasam deu deu el niin an lang.
