Imphal, May 25, 2014: Vawituk khan Imphal HYA Ambulance, Pu Thuomluoi of Tinsuong a ruong thak dinga Churachandpur pan chu vangduoithlak takin Bishnupur lai Scooter in lam a hung tan thut chu an baw. Scooter a chuong a khaltu le naupangte a phur chu hliem an tuoka, Imphal tieng panpui nghal an nih. Chanchin ei dawng dan chun Ambulance khawm a radiotor sie in police ha'n an hrentang a, mithu ruong ruok chu motor danga phurin Churachandpur tieng panpui pei a nih.
