INHRIETTIRNA
Subject: Hrietpui dinga ngenna
Hmar Students’ Association General Headquarters hmingin ditsakna chibai ka buk che, Dt. 28-07-2012 khan Hmar Students’ Association CEC Vawi 38 na chu Silchar ah nei ani a. Hi taka kan thurel dungzuiin kan Joint Hqrs. pakhat, Aizawl Joint Hqrs. thuoitu thenkhat chun kan Constitution (Dan) bawsie in Mizoram HSA inti in, kum bul tieng anthawk khan pawl an indin a. Hi hi HSA Constitution Article 6 (ii) kal ani leiin Aizawl Joint Headquarters chu dissolved a nih. Hi pawl Mizoram HSA inti hai hin, Hmar Students’ Association Logo, Constitution leh HSA nihna an hmang hi kan remti naw a. HSA Aizawl Joint Hqrs. in property a neih ang anghai- minute book, file, seal, letter head le adanghai chu Pu Lalrawngbawla Hrangchal, Public Relation Secretary, Gen. Headquarter kuoma August 20, 2012 hma ngeia pekir dingin inhriettir an ni bawk.
Hmar Students’ Association hai hi khawlai State bik thuhnuoia khom ei um naw a, Registered Office chu Rengkai ah a um, chun kan thuoitu hai hi vote hmanga thlang an ni a, State bik amani a inthlierna ei nei ngai nawh.Thuoitu ni dingin tuelkhawm HSA dan tha le indik a ti chun thlang thei an nih, tuta ei President leh General Secretary hai ngei khom hi Aizawla um an nih, Vice President Churachandpur a um niin Assistant Secretary leh Finance Secretary hai chu Shillonga um an ni nawk. HSA General Hqrs. thuoitu hai hi hmun dang dang, state dang dang a um niin tukhom puotieng mi ti thei kan um nawh.
Mizoram a hin Joint Headquarters Pathum a um a. Aizawl, Sinlung Hills leh Kolasib hai an nih. Tuhin Aizawl Joint Headquarters chu tiemchin um lovin thiek a ni a, thu nawk um hma po chu a hnuoia mi hai kutah HSA Aizawl Joint Headquarters chu sie a nih.
Convener: Lalremsanga Biate
Members:
1. Upa. Rohminglien
2. Lalramtana
3. Lalkhumsang
4. Andy Ngurkhum Pudaite
5. Zoremsiama
6. Upa Rochanhlu
7. Samuel Buhril.
Ram le Hnam tadinga inthahnemngaipui,
(Lalrawngbawla Hrangchal)
Secretary, Public Relation
Hmar Students’ Association
General Headquarters
