~JHC.Infimate1. Ei ṭawnga “in” le “na” hi bengbereptu (postposition) hmatienga bel (prefix) le hnungtienga bel(Sufix) hmangna a tam em em a, “in”(house/sleep) “na”(pain/ear) awn zawnga sentence ei siem/hmang a ni chun ziek ṭhe ding, a ni naw chun ziek kawp ngei ngei ding a nih.
Eg- Ka pa na an buo.Ka nu lu a na.Kan in kan bâwl lai a nih. Vawizan kan in ṭha thei nawh. Lawmna, inpâkna, dingin etc
2. Ei ṭawnga “in” le “a” hi Pronoun aia ei hmang châng a um a chuong huna chun ziek ṭhe ngei ngei ding a ni bawk. A ni naw chun bengbereptu hmangin ziek kawp ding.
Eg.- In in bawl in zo vang ta? In sil a ni? Tui insil fai rawh. A exam a thaw ṭha khawp el.Iem in chûk? Lekha inchûk hi a ṭha a nih.
3. Ei ṭawng, sapṭawng hawrawp phawt ziek kawp el damin ei inchik hlaka chuh hrietbuoi awl dan tak a um ve.Entirna dingin “Lung” chu Noun a ni a, “daw” chu Verb a nih. Noun “Lung” le Verb “daw” inkawp chun Noun bawk “Lungdaw” a siem. Hi lei hin thumal ṭhenkhat Noun+ Verb=Noun bawk siem ang chia ei hmang pha ziek kawp ding,ṭhenawi Noun amanih verb,adverb,adjective amanih damin ei hmang pha ruok chu ziek ṭhe ding a nih.
Eg-I pa lung daw ta rawh. Ka pu lungdaw a tlu.
Tuol that naw rawh,tuolthat chu man ding a nih.
Pathienin mal sawm raw sen che,Pathien malsawmna kan dawng rawn.
Khi ei hril ang khin a thu izira ziek kawp ding le ding naw a tam khawp el,
Eg- Pek: fe+pek=fepek,lak+pek=lakpek etc.
Pui- Fe+pui=fepui, zam+pui=zampui etc.
Zie- That+zie=Thatzie, Lien+zie=Lienzie etc.
Chuong ang pei chun hieng “tir,na,san,tu,in,sa,um,pa,nu,sie,de,lo” tihai hih an khata umzie nei nisi, bengbereptu dang le inkawp chun umzie dang nei theihai vawng an nih.
4. Ei ṭawnga “hai” ti hi dannaranin hming bik nei( proper noun) ah ei ziek kawp ngai nawh. Eg- Shillong hai,Delhi hai, Parbung hai. Rama hai ina kan leng, titinahai kan nei. Ringumnahai,lawmnahai, intheidanahai etc.
5. Ei ṭawnga thumal pakhat, thu uorna leia vawihni lamrik an um hlak a chuonghai chu ziek ṭhe ngei ngei ding a nih. Eg- Double Adverb- em em, bek bek, mei mei, po po etc. Double Adverb- A nal nal, a ṭha ṭha, a mawi mawi, a chin chin etc.Double Verb- thaw thaw, fe fe, la la, pet pet etc.
*Thuhlipna- Hmar Ṭawng ka thiem bik nawh. Facebook/Internet khawvela leng ei ṭhalai tamtak hrietnaw leia ziek suol hmu ding a um hlak a, mit a kham a, thu ṭha khawm tiem a suk hadam ngai nawh.Ka ngaipawimaw thei em leiin a fawrmula ni fawmin ka hung thur khawm mei mei a ni lem.Lekhabu rawn zeu “HMAR GRAMMAR”
