Ka pa leh a tlangpuiin kumthum hnungah ngaidan in ang naw leiin kan in hnek naw chau zie, asanchu, Motor (herpan) khal tluon thei naw lai hun a nei zie lei a nih. Kumthar Manipur intlangpui ei nei ding le inzawm khawm hin vawi iemanizat chu Thlaram thla a in thawk khan kan in tek nawk an ta chu,vawikhat lem chu phone-a,in ring lawk lo deu in thudang dei ka mang le ngaituona a khawm ka pienghlim a in thawk le siktui ka ni hma dei a in thawk a ka lo ngaituo ngai reng reng lo,tiengpang a mihung ti ta phut el, chu zet chun mani pa hai khawm ni haisien phone-a kut rawldawka, hang hnuok leng dei ka nap hiel a……. Iem an ta le chu? Ti a kan dawn chun, kan chanchinbu inzaumtak Hmasawnnathara June thla a I thuziek a khan "Mithar ensin chu a than naw maw" ti I ziek maw ami hung ti chu e…….. Ka lum pup el,ka thu ziek Thupui(VAWISUN HIN TU RAWNG AM A NA EI BAWL DING TLANG EI TIU, ti a, hla ka comment kha a ni si a) le khawm in hmelo Tuti am ti kan dawn leh in ruolin, a hrietsuoltupa ka ruolpa chu, phone pe in kan in biek a,a ma hlak chun a lo chieng ngang el ning a ti, a copy ka kawl thu ka hril chun a ma khawm a, a la kawl thu in a mi chang a, ka awi chie nawh! Internet a inthawk le a copy ka nei ka hang en, tiem nawn khawm chun khawlai sir le tlarinkar a khawm chun, hmu pal ding hi a lo um hlau dal el chu, kan ringhlel letling rum rum hiel a. A thuhrima, politics hi ka pa le kan in beina ram,in lungruol lona ziontlang kan nei umsun a na,vote rawh a ti ka vote ti bak hi chu fiemthu khawm a, ka hril pal ngai nawh tawp, chu pa chu a tha, a tha nawh, ti lem hi chu……… mihriem famkim umlo me chu, mang a ding khawm a, ka dit naw pawl tak a nih. A dang chu a ruottu kut a um le ta raw se.
Khatieng kha chu dit tawk inla, kan thupui a aw……
Thingtlang khuo a cheng le seilien ti tak a, beiseina le suongtuona chun,khawhnawmhruot, pawi-inhnuoi-tlawk,vadunga kaikuong luok,aiman le zana hawl-hawl a bak chu; ngaituo le lungkham dang iengkhawm umlo laihun ,kan van bielpup (Universe) a khawvel dang um ve reng reng lo ding a ngai lei a,kan bul a nunghakte le tleirawlte kan hmu hai chu, changaltui le sabawn hlumlien (Punsawpna) hai in an sam hai sawp’in insil hai sienkhawm an rim in hnik zie,in hnik zie chuuuuu.Kan ta ding chun,tulai rimtui-inhnik (Perfume) "First Love" rim an innam vang vang tho a ni chu ti. Khawvel a an ni nek a hmeltha dang um chuong biek lo hai,kan ta ding chun Miss Vanbielpup(Universe) kha an ni ringawt. Khawvel dang um ding a ngaina le suongtuona kha mang khawm a kan mang phan ngainaw a. Faisa ring keni ang naupang mawl ngaituona a khan a lut sin ngai hrim hrim naw lei le kan khuo bak chu khuo dang um ding a ringna chite khawm kan nei naw lei a nih. Asanchu, kan khuo kha a ropui tak le a nek a changkang kha a um naw miu a!
Anih, hun le nihai an her danglama, khawvel invir ruola insiemrem ve in fur,nipui le favang hai khawm a, an hun an bawpel naw ang bawkin mihriemhai khawm a, hunbi inher pei chu zuiin panglai hun pelin, puitling tieng ei pan ve pei a hung ngai a, mani a hringnun rabi-rap a, kalchawi hun a hung tlung chun, mi phak naw inlauin ei thlan ve chawn chawn hung tulin, a hun bawpel naw hram chu ei tum tlat si ni; a chu ruol ei phakna lampui umsun a ni si a. Thei le thei naw khawm hrillo a,sepui rudo a do ringawt nek chun, mi pangngai ni chun hraw suok le phursuok a ngai hrim a. Asanchu,chu khel a chun nun hlimna,hadamna le chawlna in hawi tak a um si a.
Thlahmur 10,2011 a hung inhersuok chun, ka pieng a hnung,vairampur tak tak a kan zin hmasatak a hung tlung a, ka cho-taluo le ieng rak khawm a ka I ngailo, ka ngainep dan chu hril khawm a phaklo hiel a ka I ngai,vai tak tak manggan sehriet no-a nawka, chenga, chenga (pans rupia) ti lo lo pa chun, kan zun tum,keima ngei a mi hang rau mei rawk a, a du chu hmu naw chieng bal bal, ka tribal kuttum chite inbawk tha teltawl en khawm a, a hnek a na sa;ti hriet ngawi ngawi,ka hei fun a, a tieng pan a zang vet vawt a, ka hei fe phei chu…..a ruolhai leh an hung ngir ta thupel,ka ngir vang vang a, ka pu ka hriet suok thut a ma angtho ni kan ring leiin, hrat tawk takin ka hang tlansie pek tawl zet chu…..an chaw tawl ie, vawilekhat a, an hmu phak naw na ka tlung pek dei!
Thlaram 12,2011 a hung in hersuok nawk a,Guwahati pan dingin ka sangpa min anko duot luot a Vaipa an ti, vai tak tak chu ni chie lo; leh zantieng dar 6:30 p.m in kan cheng vena khawpui a inthawk in kan inzin suok nawk a, pieng hnung a, churachandpur, Imphal e.t.c neka ropui lem khuodang la hmu ngailo kanni leiin kan hlimin, kan ha varthiemin an lang deu zing a.Kan lampui hrawna chu suomhmang an hrang hlak leiin kan herpanthununtu chun, a tukverhai khar tha ding a,a mi hril lei chun, dei ka ti tan lei ningei a ti,kan herpan sung lum vei leh kan thin pek tawl a, anachu tukhawm a an mi hriet chuong naw leiin, kan thin chu kan fe hla deu chun a re nawk nghal a. Ka lawmzie chu, phairam an leiin phaikhawsik kan vawi ka sawn hman hiel kha a na! Kan tlan pei hnung chun, zan a lo sawt deu ta lei ni ngei a ti, kan lo in innghil tawl a; zing 8:oo a.m a chun tlangram boruok, zo thlifim ngei chu a hung hrang hieu hieu a, chun Maghalaya ram khuo pakhat Ladrymbai ka pieng a inthawk a, ka hmuphutna le a ram leilung ka sir phutna’n kan herpan a inthawk chun ka pentlak a, Neil Amstrong in tla leilung a sir nek chun kan lar naw ding ti hrezing lang khawm, phur takin kan chawm tlak ta a. Ka hang nghakuol vel chu meihawl,pawng therthur hin hmuntin a an buom teu tawl a, kherseu thing a in thawk a; an raw dawk a ni hi ka ti lungril; zo chun midanghai ang chun thingpui dawr (Restaurant) a chun kanlut ve a, ka vaithuoi (ka sangpa) chu thingpuile bei la dingin ka hril a, mi an tam ve bawk,an thaw dan hre se se lo chun, mi kar a chun antar, antar in, ka phingtam inkhel ta hnung deu thaw a chun thingpui nohni chu a hung lak suok ve ta hram a.Kan dawn zo chun aman kan va pek chu! Lekhate (Coupon) an mi lo pek, hril danding in hre ta lo chu, A……Daw chai, Chai daw, kan ta lekhate kan pekkir ringawt a, invet chu mi ti mei an ta chu, lekhate la hmasa lo a an thingpui lak pek hmasatak kanni ka ring deu (World record anel chu maw?)
Kan tlan nawk pei a,darker thum hnung vel a chun, ruollepai le; sanghai lo khawsakna Shillong kan tlung ta ngei a, in hawi kan ti tlang ie. Nithum kan cham sung sa ngawt kan hme; alanhnikphien nawk nghal! Chu ka pieng a in thawk a sa bu ang a ka ring vawikhatna nin ka hriet nghe nghe, bu mumal infa hliek lo chu. Chun, thingpuisen(Sipaihai dawn ang) aman a tlawm hle a chu; kan dawn hmel ka hriet thak nawh, kalo inruihai but ta lei aman ding. Nithum hnung Tarik 15 chun, Shillong-a kan ruolpa leh ka sangpa (vaipa), kan pathum chun, Joshua sumo chun, zantieng 4:30 p.m in kan tum ram tak Guwahati pan chun kan tlan ta a, kan chuongpuihai in,anmilo hawphur deu ning a tih as, as an lo tih, kan chuongpek tho a, kei ni rawi hlak kan nalin kan fai veng vawng el bak a; kan smart nat zat lei khan an mi ti ngam naw chau ning a tih. Kan fesan le kan thaw tum an min dawnna, keini hlak chu nuhmei tawng theitak nek a tawngthei, kan nina nek a in hril thei, thiemnaltak byheart sa ang a, nam tlapin kan hang in hril hnung zet chun,anmi pathien bik naw chauin kan in hriet, chu hnung a zet chu an hawi ta ie, ka sir a mi hai mei mei chu ka hneng sawk sawk el an ta. Zantieng hmelthat hunvel a chun Guwahati kan tlung a, chutak a in thawk chun, a ni, kan ruolpa (Elmuonthang Sawngate) a hming hril dal in la,a lo um sawt ta met lei chun vai tawng tlawma zawng hri ta naw nim kan ti chu, keini nekin a lo la thiem naw chu ni in!Keini khawm chun kan hrietsa hai po po kan theinghil pha a. Alan thim chuong naw leiin,lampui a chun kan fe pei a, a tawp a chun, leilak liena, lien, sei- a- sei a lo um ta! Lampui chunga a lo in khang zur a, a ropui ka va ti char char a tak a ka hmu phutna a na, asir ve ve ah chun lampui a um,a hnuoi a chun a dang, herpan chitinreng deuthaw an tlan;an lan hram sup sup nawk nghal a. Chuleichun, kan buoi ta tak zek a, zan hlak chu an thim tan ta bawk,kan ngir a,kan mel kuol kan mel kuol zo chun,kan hung tanna tieng bawk kan kir nawk a,chu tak a in thawk three-wheeler in Chandmari Milanpur Rs.150 sengin kan pan ta a. Vawikhat peing man a, rellampui khawm la sir ngailo chu, rellam ka hang sir pap leh, ka ruolhan isir hma khan a pawk a,isir char khan a chang an ta,patienpa saihlum sekawi ang deu ni ka ring. Zan an thim deu ta a chu, ka tupa David in ami lo hung hmuok a,vawikhat khawm lan hmunaw kan na chu, ka hmu cheu, khan umro, ami hung ta, avamak de imi hriet a ka ta? A hnung a ka ngaituo chun,kan hawihai nasa em lei ni ka ring. Insilzo fai veng vawng hnung chun, bu kan fak khawp chu, sa bawk kan hme lei in kan khawp ni ngei a ti, kan imun ami zim a,officer angin zapdei (fan) hnuoi a kan zala,an hawi tap tap.
Zingkhuo a hung var chun SSC (Staff Selection Commission) office Rukmininagar pan in kan fe a, ami fepuitu an um lei in, kan buoi ta nawh.Midang khawm anlo um a chu, kan mikhuol chuong nawh. Atlung hmasatak ang el kan ni tho.Office sung a kan lut a, midang hai an smart rak naw lei in kei nalzat a, inthulut ka pei bik naw a, ekin a ka lut a, ka kamis kan tlak a, T-shirt leh ka hung suok chu vaihan an mi en nuom ie, ka puhai office a ni hmel hrelo hai. Kan thaw ding ang ang kan thawzo in, shhillong tieng pan dingin kan hung suok a, chu tak a chun an nawm kan buoi tan chu. Kan ruolpa’n sumo a feng ei tiu, chutaka inthawk chun a ta, khawlai am? Kan ti chun, BARAKHANNA-a in thawk a ti, a hmun kan hriet sie naw lei in, skul naupang hai kha polite tawk tak khan sisters? A hang ti, an nin an hung en,chun BARAKHANNA KA HA HE? a ti,an in nui, an hrietthiem tho ni ngei ati an mi hril a,ana chu Assamese tawng in hrenghal lo. Kan hriet chuong thak nawh. Chulaitak chun kei khan saptawng in bei rawh ka lo ti zing. Chuong a kan buoilai chun, kha………..hma kan naupang lai a kan khuo Parbung a Jeep ahnarkuo an hawl a tlan ang chi kha thanaw deu a hung tlanna,a kawtkhar a chuong an in tar lei ama ni ka ti pa, chun kan fe tumna ngei hmun, chieng mangkheng a hung sam in "KHANNAPARA,KHANNAPARA" in hmaw tawk taka a hung ti zet chu, a chieng kang kang ie. A tawp a kan innui seng a, tukuom a khawm hril awilo kan ta,tuta khawm hi tukuom a khawm ka hril nawh, ka ziek lang a nih. kan tumna hmun kan tlung chun,sumo chu hrillo,officer inzin kir ang elin "ALTO CAR" ngatin amilonghak; kan pathum chun in hawi ti deuin kan zal vel a, lampui seife kan tlan hnung chun an nawm……..Kan zun a suok ta tlat, iengtin am aw…….ti a kan ngaituo zek hnung chun, kan ruolpa vaitawng thiempa bawk khan, an nawm, a ngaidan that zie chu, ami hung hrilruok a, kan vaipa (Joseph Lienhmingthang Nungate) hrietlo in "I DAR ME PANIFUL"ti rawh ami hung ti zo a. Kei zun suok ta bawk chun "O DRIVER,I DAR ME PANIFUL" kata ka kawk ngo chu, a hriet chieng khawpel, hmun in hawi lai kan chawl a, chulai hlak chu mi an tam bawk, kei vawikhat chesuol ta kan leiin kan zun ngam naw a. (kan zun tum lei in vaihan an mi vuok tum kha). Kan herpan khaltu chun, Assamese tawng in hotel-a thingpui dawn inla chun, inzun ro, a ta, a tawng chu a ri bak kan hriet chuong nawh, hotel-a chun kan lutta tho a, chu hotel chu ka lut ta na a chun , kalan BOSS tak, kan du hai ka hang hril a,an tir-kat-pa ka bul a ngir a, ka hril phawt "Yes Boss,Yes Sir" a ti vawng. Riek tak ka chak rum rum el a nih.Ka sanghai pahni hlak a, kan sap hmel hrelo hai sawisakna takin kan hmang e, chu an mi la hang ti vel a, um naw lang motor-a an zun an che ding hmel hrelo hai. A dang chu ni danga leh!
