~ Lydia L Changsan
Thil hrilthiem tak le ziekthiem tak nilang chu tawplovin Hmasawnnathar Chanchinbu buotsaitu hai hi inpak mawl mawl hlak ka tih. Hieng ang thiltha thawna lungril petu le damna le hriselna le ngaituona, iengkim relbawlpetu Pathien hi an chawimawi zuol bik rieu chu tie. Umnan a zirnaw leiin tuktin a lekha ziek tiem phak ve naw lang khawm khawvel changkangnan internet hmang a tiem thei ding a ami phal hi ka lawm tak zet zet a nih. Magazine thla tin a suok hman enkawl mumal theilovin hlamzuiin eiin thi tir el hlak a, amiruokchu, nitin a Hmar ṭawng a tiem thei ding News Paper ei nei el hi chu a hlu veng veng ngei el. Hmar hai ta ding chun ei Lunghlu nei pakhat ve ani ka ti ani kei chu. Dam vawng vawng sien, inṭhang duok duok bawk sienla, malsawmna tamtak dawng a phu angin Siemtu’n a let sang tamtakin malsawmnan vur in thuoi pei sien ti ka ditsakna vochuom kan hlan nghal bawk a nih. Hma a sawn peina ding hin ei thei ang tawk tawkin thaw tlang seng inla nuom a um takzet.
