~ Lalneithang & Sawma Lungṭau
Imphal, August 12, 2021, Virthli (ONP): Tarik, 9/08/21 zâna Parbung khuoa Covid hri invawi Pu Chaltonlien Ambulance inchâwkin a phurnaw leia chier-inhruoihai lo hriet dingin thil um dan hang hril veng kan tih. Tv.Lalsanglur, Parbung khuo natna khirtak nei, Imphala doctor panpui a ṭula. Covid le inzawma thâwṭul le hriet ṭulhai a um leiin PHC Senvon ah doctor lê staff hai hmu dinga Pu Chaltonlien in a mi tirna kan va thâw zo hnungin Parbung kan hung pana. Parbung ah riek ta loin Lalsanglur hi Ambulance zân khawvar zaka khalin August ni 5 in zîng khawvar hlimin churachandpur, Rengkai kan tlungpuia. Lalsanglur chu Imphal ah August ni 7 ah investigation thâw zui a nih.
Medical staff ṭhenkhat le Medical thil CHC Parbunga hmang ding zu thak a tul leiin August ni 9(Thawṭanni)in Parbung tieng Ambulance hi fêpui a ni nawka. Parbung tlung phâk loin Bukpi khuo phâk hma'n Lam chim lientak a um leiin kir a ṭula. Amiruokchu Senvawn khaw mi damnaw doctor pan ṭul Pi Khawpuimawi w/o Lalenglien motor a inpesawngin Kan hung phur tunga. Rengkai, Churachandpur zîngkar 2.00 am. in kan tlung pui a. Iemanichen kan châwl hâdam hnungin zîng bufak khawpin Imphal kan panpui nâwka. Rengkaia kan chawl sunghi ni awm a nih hrilsie nuom, misuol tuin amani thlalak a lo post dar hman a nih.
Ambulance hi a ṭulna a hmang a ni zinga, Parbung khuo mi Pu Kaia an In a inthawka CHC chen kan phur hman naw hi pawi kan ti a. Amiruokchu, Unaupa Sangte in a Bike hmanga a lo phur hi a thaw lawm um kan ti khawp el.
Pu Chalton hi Medical Department phurtu a ni nawh. Ambulance motor lê Medical department mamâw CHC Parbungin a nei naw chu a Department le phurtu Sawrkar intum ding a ni lem nâw mani ?? Pu Chaltonlien in Ambulance a mipui hai ngaituona leia an châwk chu a lo hmang ṭangkai thei ei lo um a ni chun lawm um hle a ngai nêka an châwk hma a inthawka lo dem le hrilsiet lo tum ngat ngat el chu ṭhat nuom lo hrim hrim an tîhai ang chu a ni el nâw mani. A hrim hrim thû ah Pu Chalton hin Ambulance 10 inchaw sienlakhawm Tipaimukh mipui mamaw popo phuhruk hne chuong bawk naw nih. Ama sawiselna dingin thuneina ei nei bawk nawh. Sawisel tumtu chun inchaw vê el raw seh !!
- - - - - - - - - - -
*Vara, Parbung*
Ka u Lalsanglur Songate, natna khirtak a nei leia kan beidawng ta leia Imphala Doctor panpui dinga Pu Chaltonlien Ambulance in sun-zan hril loin a mi phur peka.
Tûhin Imphalah doctor kan pan thei hi kan lâwm tak meu meu a nih. Ka U phurna a kan hmang leia Parbung khuoa damnaw Pu Kaia a phur ve nâw leia Media a thu insuo lê Pu Chalton chen dem a hlâw pha hi kei ni lei a ni a, pawi ka ti tak zet a nih.
*Khawpuimawi,Senvon:*
Bukpi khuo khêla hnuoi chîm leia fê ngaina um ta lo, Pu Chaltonlien Ambulance in zan khawvara mi phura doctor pan thei dinga Imphal chen a mi phur tlung hi ka lâwm thu lungril takin ka hril a nih. Kei a mi phur leia mi tam tak inlo insêl lê Pu Chalton in lo hrilsiet thu ka hrieta, pawi ka ti taluo. Kei a lei a nih, milo hre thiem hrâm ro.
