Responsive Ad Slot

HSA GHQ in Nk. Lalremsiami Hmar lawmpuina an hlan

Monday, July 29, 2019

/ Posted by Simon L Infimate
Kolasib, July 29, 2019, Virthli (ONP): Vawisun khan HSA General Headquarters chun Hmar nunghak khawvel hriet a inkhel thiem Lalremsiami Hmar chu an chnengna In, Kolasib College Veng ah lawmpuina thuziekmawi an hlan.

Thuziekmawi hi HSA GHQ aiawin Pu L.Rothanglien Khawbung, President in an hlan a, Nk. Lalremsiami Hmar aiin anu in a lo dawngsawng a nih. Nk. Lalremsiami Hmar hi India aiawin Hockey a Asian Games Championship 2018, 3rd Youth Olympics ah Silver Medal a lakpui bakah Federation Internationale de Hockey (Women's Series 2019) ah India Team chu Gold Medal a lo lakpui tah bawk a nih.


Tuhin Nk. Lalremsiami hi Japan rama tournament a thang dingin Bangalore hmuna India Team training camp ah a um mek a nih. .

HSA President hi Kolasib Unit thuoitu hai bakah Pu Samuel Darsuolal, DCIO, SIB, Pu Alato DCIO SIB le Pu Laltuosang Buongpui haiin an tawiawm. Thilpek inhlanna le thingpui dawn zo in Pu Rothanglien Khawbung in Pathien kuoma tawngtaina in hun a khar.
Don't Miss
© all rights reserved
made with by Simon L Infimate