Hmarkhawlien, June 21, 2016, Virthli (ONP): June 17, 2016 a inthawka tan Hmar Football Club Friendly Match chu vawisun Sarada Charan Playground, Lakhipur, Cachar, Assam hmunah Hmarkhawlien FC le LFK Vairengte hai chun Final inkhelna neiin, Hmarkhawlien FC chun LFK Vairengte hai chu 4-1 a hneban in hrattak nina chu an chang a nih. 1st Prize/Winner hin sumfai Rs. 10000/- le 2nd Prize in Rs. 5000/- a sawm a nih.
Hi Hmar Football Club Friendly Match footbal tournament a hin Manipur-Mizoram-Assam a inthawka Hmar Football Team Bungkhawpui FC (Parbung/Manipur), Hmarkhawpui FC (Hmarkhawlien/Assam), LFK FC (Vairengte/Mizoram) le Muolhoi Youth Club/MYC (Muolhoi, Haflong/Assam) hai an thang a nih. Hmarnai hmun dang danga inkhelmi hai insukhlimna hmanga inunauna tha lem, inhmelhriettuona le football inkhelmi hai dawmsangna (promote) dinga hi tournament hi huoihawt a nih.
