Hmar Inpui Special Assembly hlawtling taka nei zo

CCpur, 6th Nov., 2014: Nov. 6, 2014 (Ningani) dar 11:00 am khan VTI Auditorium, Muolhlum, Rengkai, CCPur hmun ah Hmar Inpui Special Assemby chu Pu Dr. John H. Pulamte in rawina hnuoia tluong taka nei a nih. Hi hun a hin Hmar hnam sunga pawl tum tum hieng HI, HCF, HWA, HYA, HSA, HLS le Region dang danga inthawka HI palai le inhnikna neihai mi 40 lai an fekhawm. Hmar Inpui hin Special Assembly 2013 khan Vawi khat le Tukum 2014 sung  hin Vawi hni tuta mi le hin an neina a nih. Hi hun a an thurel hai lai, Hmar Inpui Constitution siemthat a um chu an pawmin an namdet, Hungtlung ding Feb. 2015 sung ngei HI Gen. Assembly nei dingin tha an ti tlang a, a hmun ding ruok chu an la sukfel nawh. HI Constitution Draft thar a um hi a Lekhabu a sut (Print) chen a mawphurna la dingin Prof. Vanlalnghak Convenor, Hmar Inpui Constitution Drafting Committee; Pu Lalthalien Co-Convenor, Dr. John H. Pulamte Gen. President, HI le Pu David Buhril Gen. Secretary, HI  hai ruot an ni baka Mizoram Hmar Welfare Committee  (MHWC) le Tripura Hmar Welfare Society (THWS) haiin Hmar Inpui (HI) hnuoia um dinga an ngenna hai an pawm thu hai a thang. (LRS Puruolte)