Saisel khuo hi inlâr bêk bêk naw sienkhawm Cachar a Hmar khuo a chun khuo upa pâwl tak ni dingin ring a um. A khuo hi Silchar a’nthawk chun 40 Km vêl a hla a ni a, Hmarkhawlien a inthawk chun dârkâr khat le a chenve vêl ke a lâwn a ngai anih. Saisel khuo hi a sâttu hi tu tu’m an nih hriet vawng thei ni tanaw sienkhawm Late Pu Zawla (Ṭhiengi Pu ti a ko hlak) hi chu a ṭhang ngei a hriet a nih. Pu Zawla in a thi hmaa a hril dân chun, a khuo sât kum hi ziek ninaw sienkhawm, a khuoah kum hni vêl an um hnungin indopui pakhatna (First World War) a hung in ṭan ngal ani a tih. A thu hril anga hang sui chun indopui pakhatna chu 1914 a inṭan a ni a, kum 1912 vêl a an um ṭan ti thei a nih. Chun, Saisel khuo hi Hmarkhawlien nêka upa lem a hril a ni hlak bawk.
Saisel khuo hi ‘Saisel Jhum Land Permission’s sûnga um a ni a, hi Saisel ram sûng a hin Chikhur, Hebron, Budon le Muolkawi khuo hai khawm a ram sûnga umin Saisel khuo LAL hin a awp sa vawng a nih. A ram hi 4000 hectare (approx) vêl a lien a ni a, a ram lekha permission hi 1942 lâi vêl a British sawrkarin a lo pêk, India independent zo hnungin 1952 vêl a siemṭhat nâwk a nih. Hi khuo a hin tu chen hin lamlien, electric, tui (water supply) la thlung lo zing a nih. Saisel a hin tienlai chu in 50 vêl chu an lo um hlak a, sienkhawm lamlien mumal umnaw leiin iemanizât chun lo inpêm san ta a, tu hin chu in 20 vêl chauh um na a nih. Bajar le School kâina hai hi dârkâr hni vêl ke a lâwn ngai anih.
Saisel khuo a hin tu chen hin ‘LAL’ (kingship) system a inṭhuoi anla ni a, election ni lovin inthlasâwng a la fe pei anih. LAL hmasatak chu Late Pu Zosandam Khawzawl a ni a, chu zovin a nau pasal hai lai a upa tak Pu Jhahmuok Khawzawl in LAL ni na chu chel in kum hni vel a inthawk khan a naupa Pu Lalsiemmawi Khawzawl in LAL ni na sin hi a lo chel tah. Hi khuo a hin valupa chu an um a village council ruok hi chu an nei ngai nawh.
Hi khuo a hin sakhuo na tieng chu thingbul le lungbul hai lo bie hlak (animism) an ni a, kum 1950 lâi vêl khan Pastor Kambuong le Pastor Tlurpu hai rawngbâwlna a inthawkin tuhin chu Christian an lo ni vawng tah. Tuhin a khuo a hin Presbyterian kohran le EFCI kohran a um.
Saisel khuo hi tienlai a inthawkin an fâk zawng na chu tlanglo (jhum cultivation) a nih. Khawvel hung inher danglam pei in khawsakna a hung intak deu deu a, tu hin chu fâk zawngna dang dang hieng tlanglo, huon, thing le ruo zawr le leilet hi anin nghatna ani deu tak. Khuosak na tieng chu Cachar Hmar khuo a dingin a upa pâwl taka ngai nisienkhawm a pasie le harsa pâwl tak ning an tih. Hieng hin an khuosak na tieng harsa hai sienkhawm inchûkna tieng chu ṭhang an lâk nasa in sawrkar a officer chen kaithei khawm iemanizât zet a khuo en a awm lovin hmu ding an um an tah. Chuonghai chu a hnuoi a hin kimchang lem in hang târlang ei tih. HSLC Pass 09, H.S Pass 04, T.D.C. Pass 04, M.A. Pass 02, Ph. D 01, B. E. 02, M.B.B.S P.G (MD) Student 01, MBBS student 01, ACS Officer 01, Assistant Professor 01, Tax Inspector 01, Engineer (in service) 02, Third Grade Staff 04, L.P. Teacher 02, Staff Nurse 04.
Hing ei târlang hai hi khuosûng a um vawng naw hai sienkhawm Saisel khuo registration nei zing an postingna hmun a um an nih. Saisel khuo a hin Hmar LP School pakhat 1973 khan indin ani a, 1975 khan Assam sawrkar chun a provincialised a, tu chen hin student 60 vêl an kâi a, Hmar medium nisienkhawm vâi khawm an kâi ve ani. Hi School hi Pu VL Ruota Hmar in 1975 a inthawk 2013 chen enkawlin alo retired san tah. Saisel khuo hi kum zakhat sui dana chun chuong dei ta sienkhawm centenary lawmna ruok chu hmang a la ni nawh.
Saisel khuo hi ‘Saisel Jhum Land Permission’s sûnga um a ni a, hi Saisel ram sûng a hin Chikhur, Hebron, Budon le Muolkawi khuo hai khawm a ram sûnga umin Saisel khuo LAL hin a awp sa vawng a nih. A ram hi 4000 hectare (approx) vêl a lien a ni a, a ram lekha permission hi 1942 lâi vêl a British sawrkarin a lo pêk, India independent zo hnungin 1952 vêl a siemṭhat nâwk a nih. Hi khuo a hin tu chen hin lamlien, electric, tui (water supply) la thlung lo zing a nih. Saisel a hin tienlai chu in 50 vêl chu an lo um hlak a, sienkhawm lamlien mumal umnaw leiin iemanizât chun lo inpêm san ta a, tu hin chu in 20 vêl chauh um na a nih. Bajar le School kâina hai hi dârkâr hni vêl ke a lâwn ngai anih.
Saisel khuo a hin tu chen hin ‘LAL’ (kingship) system a inṭhuoi anla ni a, election ni lovin inthlasâwng a la fe pei anih. LAL hmasatak chu Late Pu Zosandam Khawzawl a ni a, chu zovin a nau pasal hai lai a upa tak Pu Jhahmuok Khawzawl in LAL ni na chu chel in kum hni vel a inthawk khan a naupa Pu Lalsiemmawi Khawzawl in LAL ni na sin hi a lo chel tah. Hi khuo a hin valupa chu an um a village council ruok hi chu an nei ngai nawh.
Hi khuo a hin sakhuo na tieng chu thingbul le lungbul hai lo bie hlak (animism) an ni a, kum 1950 lâi vêl khan Pastor Kambuong le Pastor Tlurpu hai rawngbâwlna a inthawkin tuhin chu Christian an lo ni vawng tah. Tuhin a khuo a hin Presbyterian kohran le EFCI kohran a um.
Saisel khuo hi tienlai a inthawkin an fâk zawng na chu tlanglo (jhum cultivation) a nih. Khawvel hung inher danglam pei in khawsakna a hung intak deu deu a, tu hin chu fâk zawngna dang dang hieng tlanglo, huon, thing le ruo zawr le leilet hi anin nghatna ani deu tak. Khuosak na tieng chu Cachar Hmar khuo a dingin a upa pâwl taka ngai nisienkhawm a pasie le harsa pâwl tak ning an tih. Hieng hin an khuosak na tieng harsa hai sienkhawm inchûkna tieng chu ṭhang an lâk nasa in sawrkar a officer chen kaithei khawm iemanizât zet a khuo en a awm lovin hmu ding an um an tah. Chuonghai chu a hnuoi a hin kimchang lem in hang târlang ei tih. HSLC Pass 09, H.S Pass 04, T.D.C. Pass 04, M.A. Pass 02, Ph. D 01, B. E. 02, M.B.B.S P.G (MD) Student 01, MBBS student 01, ACS Officer 01, Assistant Professor 01, Tax Inspector 01, Engineer (in service) 02, Third Grade Staff 04, L.P. Teacher 02, Staff Nurse 04.
Hing ei târlang hai hi khuosûng a um vawng naw hai sienkhawm Saisel khuo registration nei zing an postingna hmun a um an nih. Saisel khuo a hin Hmar LP School pakhat 1973 khan indin ani a, 1975 khan Assam sawrkar chun a provincialised a, tu chen hin student 60 vêl an kâi a, Hmar medium nisienkhawm vâi khawm an kâi ve ani. Hi School hi Pu VL Ruota Hmar in 1975 a inthawk 2013 chen enkawlin alo retired san tah. Saisel khuo hi kum zakhat sui dana chun chuong dei ta sienkhawm centenary lawmna ruok chu hmang a la ni nawh.
~InchuklaiNun
