INHRIETTIRNA LE NGENNA
May 18, 2012
Bungkhawpui Academic Meritorious Award Committee (BAMAC), chun thiemna le inchukna insang hi hmansawnna bulpui ti thupui a neiin, kum 2010-2011 session khan Parbung khawsung mi inchuklai Pawlsawm le Pawlsawm pahni (Cl-X le Cl-XII) final exam a hlawtlingna changhai kuoma Meritorious Award, (tangka sum) le Certificate mawitak tak a lo inhlan taa. BAMAC thupui, ‘thiemna le inchukna insang hi hmasawnna bulpui’ ti hrea mi tlawmngaihai kut rawl na zarin hlawtlingna chang tuhai kuoma chawimawina hai chen khawm ei lovin inhlan thei tawl ania, chuleiin an chungah ei lawm takzet anih.
A tumhni na dingin, kum 2011-2012 session a hlawtlingna changhai kuomah khawm hin Lawmpuina pek nawk ngei nisien ti chu mipui le Committee hai nuom dan a nih. Chuleiin mi tuelkhawm hi program, inchawimawina, hi hlawtling taka hmang nawk ani ngei theina dingin tlawmngai taka kut hung rawl nawk sau sau dinga mitin fiel le ngen ei nih.
Kum 2011 khan inchuklai mi sawmli(40) vel kuomah lawman ei lo inhlan taa, tukum 2012 hin Cl-X le Cl-XII a hlawtlingna changtuhai mi sawmkhat(10) vela pungin an rengin mi 50 anni phak ta anih.
Chawimawina/Lawmman sem danding chu hiengang hi ning a tih:
1) Class X a percentage in sang tak Rs. 5000/- le certificate
2) Class XII ah Subject pathuma Mark hmu insangtak hai Rs. 5000/- , Subject pahni hai Rs.3000/- veve le Certificate ning a tih.
Hi programme puitling taka hmang ani theina dinga, sum le pai thil a, tlawmngaina hung in suoa nuom tuhai ta dingin a hnuoia hmingziek hai kuomah inhriettir thei zing anih:
1) Churachandpur : Mr. Ngursangvung - 09862066403
2) Imphal : Mr. Samuel Lalropar Hmar- 09615945490
3) Silchar : Mr. Sumlamrawn Hmar – 09706330465/09401976723
4) Aizawl : Mr. Darsanglien Khawbung - 09612521404
5) Shillong : Mr. Simon L. Infimate - 09436729100
6) Guwahati : Mr. Simon L. Infimate - 09436729100
7) Parbung : Mr. Lalthathang Keivom - 09615945490
8) Delhi le Vairampur : a. Mr. LalhmingthangSongate- 09871597993
b. Mr. James Pusing - 09899370879
Kut rawl thei hun sung ding hi May 24, 2012 chen ning a tih.
BAMAC chun thiem inzir na le inchuk insangna hi inel na thienghlim ani ti hrezing pumin lekha inchuk tuhai hmasawnna dinga lampui dap le induongna sin khawm a thaw mek bawka, hi le inzawma thurawn tha pe nuom hai chu a lawmlut zing anih. Thurawn pekna ding chu virthli@gmail.com le rpc.prb@gmail.com ning a tih.
Sd- Sd-
Lalthathang Keivom Lallienthang Songate
Finance Secretary Chairman
Bungkhawpui Academic Meritorious Award Committee-Parbung
