HMAR LITERATURE SOCIETY:Inhriettirna Thupuong

HMAR LITERATURE SOCIETY

Inhriettirna Thupuong

July 04, 2011

1.  2011 kuma Liensangvung Award dawngtu chu Khamrosang Buhril a nih ti ei puong a. Ama hi Pu Hmangramlien Buhril  nau,  Imphal Christ Joyti School-a Class X inchùk a nih. Aggregate-in marks 88.66% a hmu phak a. Manipur pumpuiah 17-na a nih. HLS chun a lawmpui èm êm a. Hmatieng peiah hlawtlingna insâng tak a chang pei a ditsak a ni

Chun, hi Award inhlanna hun le hmun ding chu Liensangvung Award Trust remchang hun hunah ni’ng a tih

2.  Hmar Literature Society Executive Committee thurel bawzuiin, June 25, 2011-a HLS Office Bearer inṭhung chun, Hmar ṭawng Workshop nei hun dingin, August 12-15, 2011 inkàr sung a  ruot a. Resource Person dingin S.N.Ngurte, H.Zaneisang le L. Ruoivel Pangamte hai ruot an nih

3. Hi  Workshop-a hin Hmar ṭawng hmang, inhnikna nei taphawthai ṭhangthei an tih.  Participation Certificate khawm buotsai ni’ng a tih. High School, Hr. Sec. School le College haia Hmar Subject Teacher làkna dingah, hi Certificate hin ṭangkaina a la hung nei ngei beisei a ni leiin, Hmar Subject Teacher ni nuomhai ta ding chun, hi Workshop hi, ṭhang ngei ngeina chi a nih

4. Hmar ṭawng chungchàng, Hmar ṭawng Hmang Dàn le a dang dang ei sai ding a ni leiin, hi hun hi hun hlu tak a ni beisei a nih. Programme kimchanglem chu a hun tlung tawmah ei chanchinbu Hmasawnna Thar fethlengin hung insuo la ni’ng a tih

 

Sd/-L.Ruoivel Pangamte

Secretary

Hmar Literature Societ