Hmarram: April 23, 2025 (Nilaini) khan abik takin Tipaimukh Road Transport Cooperative Society Ltd. (TRTCS) sunga tuta Tuiṭhaphai-Hmarram motor service mek hai (Active motor service owners) meeting nei a ni a, TRTCS General Body Meeting Dated April 11, 2025 Resolution no.3 in a lo rel tah angin hung tlung ding May 15, 2025 a inthawk rotation wise-a motor hai tlan ta dingin a rel.
Hi thil hi thil thar a ni naw a, kum 2018-2019 lai hai khawm khan lo thaw ni tah niin hripui (Covid-19) leiin suktawp nawk a nih. Tuta anga mani nuom dan dana tlan hi mumal nawna tak umin puotienga inthawka inzinmi hai ta dingin nasatakin harsatna a siem pek hlak a, hnam ang khawma inlang mawi nawna uma a'n lang hlak leiin rotation a tlan hi rawt thar nawk a nih.
Hi thil le inzawma mipui lo hriet dingin hi hai hi TRTCS chun mipui kuomah inhriettirna a siem a, mipui khawmin zui seng dingin a ngen nghal bawk a nih: (1). Motor neitu/driver in passenger zawng ta naw ni a, passenger/inzin ding hai chun counter ah motor ngaivenin ticket la hlak tang an tih. (2). Motor suok hun hi zing dar 7:30 AM le zantieng dar 4:30 PM hai ni tang a tih. (3). Motor hire nuom hai chun counter ah indawn hlak ta ding. Ieng tik lai khawmin counter-in motor a rate indiktak leh pe thei zing a tih. Counter contact no. 9362096724 (4). Hi dan hi May 15, 2025 a inthawk hmang ṭan ning a tih. (5). Driver zurui puma motor khal le passenger hai ta dinga harsatna siem hlak an um a ni chun society ṭhuoituhai kuomah a'n rang thei anga inhreittir hlak ding a nih.
-LRS Puruolte
Rep. Image
