Responsive Ad Slot

The 12th Lt. Col. Rajeev Bakshi Memorial Football Tournament 2018

Sunday, January 21, 2018

/ Published by Simon L Infimate
The 12th Lt. Col. Rajeev Bakshi Memorial  Football Tournament 2018 Closing Ceremony ropui taka hmang. Parbung ‘B’ in Champion Nopui an dawm

Senvawn, January 21, 2018, Virthli (ONP):  Kum 2006, January ni 20  a Parbung khuoa Phairam helpawl hai le inkaptuona a a hringna hlutak inhlantu - Lt. Col. Rajeev Bakshi, 13 Dogra Regiment a hrietzingna dinga kum tina huoihawta um hlak– The 12th Lt. Col. Rajeev Bakshi MemoriaL Football Tournament chu vawisun January 20, 2018 dar 11;00Am khan Senvon playground ah Closing Ceremony ropui takin hmang a nih. Hun hmangna hi Lalremsang, Secy., HYA Senvon Branch in a keihruoia, Upa Lalhlunsang in hunhawng tawngtaina a nei a, HYA Senvon Branch han Hnam Lam chi tum tum inentirna hun an hmang a, Nk. Zothanpui in hla sakin mipui fekhawm hai an awi.

Hi huna hin 33 AR han Lt. Col. Rajeev Bakshi hrietzingna le inzana suk langnain Salutation le Wreath Laying hunser ursun takin an hmang a. Khuollien hai- Pu Darhminglien, Chairman, V/A Senvon, Colonel Pramad Rawat, Commandant, 33 AR, Major Sameer Pratap Singh le Captain Shavan Kumar hai anthawk thu tha tak tak ngaithlak a nih.



Final Match chu Team 13 hai laia thiem tak ve ve-  Senvon ‘A’ le Parbung ‘B’ han an inkhel a, an thiemin mipui mit a tlei hle. Hun pang ngai ah 2-2 niin an inhne tawk hle a, Additional Time minute 5 ve ve pek an ni hnung khawma an lan ang rawp leiin Penalty Kick nei a nih a. Penalty a hin Parbung ‘B’ han Senvon ‘A’ hai 4-2 a hnein The 12th Lt. Col. Rajeev Bakshi Memorial Football Tournament 2018 a a hrat tak nina chang in Trophy le Cash Prize- 15000 + Certificate+ Medal inhlan an ni a. 1st Runner- Up Senvon ‘A’ han Trophy le Cash prize- 10500 + Certificate+ Medal inhlan an ni bawk, Individual Prize ah Best Player- Tv. John Hmangaisang (Parbung ‘B’) Cheng 3000 inhlan a ni a, Best Goal keeper- Tv. Malsawmtluong (Senvon ‘A’) khawm Cheng 2000 inhlan a nih.

Hi hunser hi Hmarbiel sunga  Organisation tum tum a thuoituhai, Hmarbiel mipui le Dogra Regiment han an uop a, Virthli Photographer khawma a va uop ve . Lawmthu hrilna Chairman, Organising Board in hrilna a nei zovin Rev. Lalrohlu P/S, ICI, Senvon Sub Hqtr. in tawngtainain hun a khar.
Don't Miss
© all rights reserved
made with by Simon L Infimate