Responsive Ad Slot

Pherzawl District Headquarters ah Electric a var ṭan; District Level Republic Day program hriet ding a la um nawh!

Thursday, January 18, 2018

/ Published by Simon L Infimate
Pherzawl, Jan. 18, 2018, Virthli (ONP): Pu Vanlalhlun Hrangchal, Manager, MSPDCL inrawinain January 17, 2018 sun a inthawk khan Pherzawl District Headquarters-ah chun electric suk var ṭanin a um tah niin chanchin ei dawng. Hi lei hin a sawr phak ding le a ri lo hrietu mipui an lawm hle.

Hienglai zing hin Pherzawl District sung tho hmun tamlem electric a la tlung naw chu hril lo, Vangaitlang tieng a chun khuo ṭhenkhat electric hrui kei tlung tasa, sienkhawm thlihrang leia a ban le hrui hai sie, thla khat vel chu electric meivar an hmu le sawr hman ṭawk tuhin kum khat lai hiel ding uksak zawm ta lo a um niin chanchin ei dawng bawk. Vangaitlang tienga mi hril a um hi Jiribam tienga inthawka a main line hung niin harsatna tuoktu lai hin Thingkalh khuo khawm a ṭhangsa a hril a nih. Electric la um lona khuo hai hin SK Oil/Khawnvartui khawm an hmu phak mumal naw a, Solar Light an ring tlangpui nia hril a nih.


Sawrkar tienga thuneitu ha'n Pherzawl District hi ngaiven deu hai sien mipui an nuom hle. Hi District hin baksam a la hau hle a, tuchen ah District mipui hriet di'n Jan. 26 'India Republic Day' khawm District Level a District Headquarters Pherzawl a inser dan ding chiengtaka program induong hmu le hriet ding a la um nawh! DC, CCPur ruok chun Republic Day ding leh inzawm hin work allotment a siemfel diem tah. Pherzawl District ruok chu iengkhawm hriet a la um naw lei hin tulai hnai Jan. 13 khan Pherzawl District sunga Tipaimukh bieltu MLA khawm indawn a nih a, program siemtu ding tak DC in iengkhawm a la hril naw thu hriet a nih.

Pherzwl District hmasawnna ding chun hi Republic Day hun hi hmang hlawk thei a ni ding leiin Pherzawl District Development Committee (PDDC) in hma la thei sien ti chu mipui ditdan a nih a, chun DC hi District enkaitu lutak a nisi leiin Pherzawl District chun DC fel a mamaw hle a nih.
Don't Miss
© all rights reserved
made with by Simon L Infimate