Responsive Ad Slot

Hmar Inpui in hnam tum tum hai pawmtlang thei seng ding hming phuok di'n a dit

Wednesday, January 17, 2018

/ Published by Simon L Infimate
Hmar Inpui in hnam tum tum hai pawmtlang thei seng ding hming phuok di'n a dit; 2018 a hnam kum thupui di'n Thuvarhai 14:34

Tuiá¹­haphai/CCPur, Jan. 17, 2018, Virthli (ONP): Vawisun khan hmam sunga pawl lien tak tak hai inthlungkhawmna Hmar Inpui, Gen. Hqrs (Hmar Supreme House) hnuoia pawl tum tum hai chun VTI Auditorium, Rengkai, Tuiá¹­haphai @CCPur ah Meeting pawimaw tak an nei. Hi hun a hin Indo-UPF/KNO inbiekna report ngaithlakna le hi leh inzawma ngaidan hritlangna nei a nih. Nomenclature le Territorial Council UPF/KNO in an ngen chungchang thu a chun tu hnam bik khawm kawk bik nei loa a sunga cheng unau hnam tum tum hai pawmtlang thei seng ding a hming phuok dingin an dit a, unau hnam tum tum hi Territorial Council i huom ding hnam hai leh hi thu a la inrawntlang Hmar Inpui chu a nuom a nih.

Hi hun a bawk hin Hmar Inpui hnuoia pawl tum tum hai chun an  hmalakna le hmatienga an thiltum hai report pein, ngaithlakna nei a nih a, thu á¹­ul dang dang khawm hriltlang le ngaituotlangna neiin Kum 2018 a hnam pumpui kum thupui di'n Thuvarhai (Proverbs) 14:34 - "Felna hin hnam a chawimawi a, Suolna ruok chu tu ta ding khawma hmusitumna a nih." ti sukthluk a nih bawk.

Hi hun hi Joseph Lalrothang President, Hmar Inpui, Gen. Hqrs in a'nrawi a, Rev. Rohminglien Pakhuongte le Rev. Ros Infimate ha'n hun hawngna le hun kharna Pathien kuoma á¹­awngá¹­aina'n an nei a nih.



Don't Miss
© all rights reserved
made with by Simon L Infimate