CCPUR, Dec. 1, 2017, Virthli (ONP): Inremna lampui dapa HPC(D) le Mizoram sawrkar inbiekna femek le inzawmin HPC(D) tienghaiin an phak chin le hmabaka Hmar mipui hrilhrietna le thurawn lakkhawmna an nei chu an la sunzawm zing a. Hun liemtah khan Hmar Inpui le a hnuoia Affiliated Member le Hmar Kohran thuoituhai leh hun vel iemanizat an hmang hnungin Demand Area (Mizoram) khuo pawimaw zuol haiah Vantlang Inkhawm an nei pui ta bawk.


Chu prokram sunzawm peinain Parbung-ah Hmar biela VA member tin le inhnikna neihai inkhawm nei pui nawk an tih. Hi hunser hmang ding hin HPC(D) Working Chairman, Pu LT Hmar le Council Member, Pu Lalsanhim hai bakah tuta tuma inbieknaa a bulthut remtu le palai hlun Dr. John Pulamte hai chu vawituk inhmatak khan Tuithaphai suoksanin Hmarram (Pherzawl District) an pan. Parbung programme zo hin anni laia mi thenkhat chu Mizoram tieng kai peiin Aizawl-ah a hmaa lo duonglawk, Sinlung Hills Council Bill (draft) le MoS (draft) chungchanga Hmar hnam thuoitu thurawn le siemthat ngai tlawmte te umhai Mizoram sawrkar palaihai lo pe lawkin le Aizawl khawpuia mi pawimaw thenkhat inhmupui an tih. Tawngtaina a hai lo san ei tiu.

Post a Comment

Powered by Blogger.