CCPur, December 02, 2017, Virthli (ONP): HSA Shillong Diamond Jubilee lawmna ah mipui hnesaw takin an inawi hnungin Sinlung Express band hai chu hungtlung ding December 5, 2017 a Hmar Welfare Society, Guwahati in a huoihawt ding Sikpui Ruoi ah hla ruoi the dingin an lo inpeifel nawk tah. Hi Sikpui Ruoi hmang huna hin a hran tawpin Hla Ruoi the tum a ni a, Sinlung Express hai baka hin local artiste iemanizat haiin rimawi tieng pang ah mipui inawi an tih. Sinlung Express band haia inthawka thu ei dawng dan dungzui chun December 4, 2017 hin Guwahati panin vuong suk an tih.


Sikpui Ruoi hi NEZCC, Shilpgram, Panjabari, Guwahati hmuna hmang dinga riruong siem a nih a, Sikpui Pa chu Pu Lalzuithang Hrangate ning a ta, hi huna hin Hmar Welfare Society, Guwahati, General Election um bawk a tih. Ruoi khawm a tuihnai thei ang patawp a buotsai tum a nih.

Post a Comment

Powered by Blogger.