Sakawrdai, 8 Nov, 2017, Virthli (ONP): Vawisun ni 8 November, 2017 khan Hmar People’s Convention (Democratic) le Mizoram sawrkar inbiekna fe mekah Hmar Inpui, General Headquarters huoithawiin, Sakawrdai, Sinlung Hills, Mizoramah HPC(D) le Mizoram Sorkar inremna ding Memorandum of Settlement (MOS) draft le Sinlung Hills Council (SHC) Bill draft chungchangah consultative meeting nei a nia, Hmar Inpui thuoitu, HPC(D) thuoitu, HPC(D) palai, SHDC member hai bakah mipui thahnem tak an thang.
H inrawnkhawmna programme hi Hmar Inpui, General Headquarters President Pu Joseph Lalrothang in kaihruoiin, HPC (D) Working Chairman Pu Lalthanglien Hmar @ LT Hmar chun mipui fekhawmhai kuomah HPC(D) le Mizoram inbiek tan danhai le vawisun chena an phak chin le hmasawnna hai report a peka, HPC(D) palai spokesperson Upa Lalthalien in Brief Note on MoS(Draft) ti thupui hmangin MoS draft le SHC bill draft a thilum hai chipchier takin hrilfiena a nei bawk.
Hi huna hin MoS draft le SHC Bill draft hai chu mipui fekhawmhaiin fumfe taka hriltlangna an neia, a tlangpuiin draft hai chu tha an ti thu, ei thu dawngna chun a hril.
Draft hai chu chipchier taka hriltlang a ni hnungin pei ngai le bel (siemthat) ngai nia an hriethai chu siemthain, chuonghai chu HPC(D) palai ha’n inbiek nawk hunah Mizoram sawrkar palaihai kuomah an intlung dinging thuthlukna an siem a nih, ti’n ei thulakna chun a hril bawk.
Hi inrawnkhawmna programme a hin a chunga ei tarlang thuoituhai bakah SHDC Chairman Pu Hmingchunghnung le HPC(D) demand area sunga khuo 19 anthawkin Village Council thuoituhai le NGO tum tum thuoituhai an thang bawk a nih.
Hmar Inpui, General Headquarters Vice President J. Lalchhanhima in lawmthuhrilna neiin hun khar a nih.
H inrawnkhawmna programme hi Hmar Inpui, General Headquarters President Pu Joseph Lalrothang in kaihruoiin, HPC (D) Working Chairman Pu Lalthanglien Hmar @ LT Hmar chun mipui fekhawmhai kuomah HPC(D) le Mizoram inbiek tan danhai le vawisun chena an phak chin le hmasawnna hai report a peka, HPC(D) palai spokesperson Upa Lalthalien in Brief Note on MoS(Draft) ti thupui hmangin MoS draft le SHC bill draft a thilum hai chipchier takin hrilfiena a nei bawk.
Hi huna hin MoS draft le SHC Bill draft hai chu mipui fekhawmhaiin fumfe taka hriltlangna an neia, a tlangpuiin draft hai chu tha an ti thu, ei thu dawngna chun a hril.
Draft hai chu chipchier taka hriltlang a ni hnungin pei ngai le bel (siemthat) ngai nia an hriethai chu siemthain, chuonghai chu HPC(D) palai ha’n inbiek nawk hunah Mizoram sawrkar palaihai kuomah an intlung dinging thuthlukna an siem a nih, ti’n ei thulakna chun a hril bawk.
Hi inrawnkhawmna programme a hin a chunga ei tarlang thuoituhai bakah SHDC Chairman Pu Hmingchunghnung le HPC(D) demand area sunga khuo 19 anthawkin Village Council thuoituhai le NGO tum tum thuoituhai an thang bawk a nih.
Hmar Inpui, General Headquarters Vice President J. Lalchhanhima in lawmthuhrilna neiin hun khar a nih.
