DIAMOND JUBILEE CHIBAI

A hmasa’n Meghalaya Hmar mipuihai po po, HSA Joint Headquarters, Shillong le Diamond Jubilee Celebration Organizing Committee, (HSA, Joint Headquarters, Shillong) ṭhuoituhai Hmar Inpui, Meghalaya Region hmingin Jubilee chibai.

Pathien ṭhuoina zarin HSA, Joint Headquarters, Shillong a kum sâwmruk tlingna DIAMOND JUBILEE chen tlung thei dinga ei hang um el ta hi lâwmum ei ti hle a, hieng chen chen mi ṭhuoitu ei Pathien chu inpâkin um sien, hi chen tlung thei dinga ṭhuoitu fel-tak tak ei nei lei hin Hmar Inpui, Meghalaya Region chun lawmum a ti hle bawk a nih.

Harsatna tamtak kara khawm ni sien ṭhuoitu feltak takhai lo tlâwmngaina le mipuihai khawma inthuruoltaka ei ṭhuoituhai ei lo thlawpna leia vawisun hi tlung thei ei ni leiin ṭhuoitu  hmasahai kuoma le tuta ṭhuoitu ni mekhai kuomah Hmar Inpui, Meghalaya Region chun lâwmthu a hril a, hma tieng peia khawm nasa nawk zuola ṭhang hung la ding le mipuihai khawma ei thei ang anga lo thlawp sunzawm pei dingin ngenna ei siem nghal a nih. 

Diamond Jubilee tlung theia ei hang um hi lawm a um hle a, chuel chu niloin Meghalaya sunga Organization upa pawl laia pakhat ei hang nina hi a ropuina le lawm a um zuolna a ni leiin Hmar Hnam ta dinga inchiktlak a tling a ni leiin hi hun pawimawtak hmang ding hin ei urengin ṭhangtlâng seng tum ei tiua, mi hnam kara um ei ni leiin mi tuelkhawma hnam hmingsiet thei khawp le buoina siemloa hnam danghai entawn tlaka hi lawmna hunser hi hmang dinga insingsa dingin Meghalaya Hmar mipuihai ei infiel a nih.

HSA, Joint Headquarters, Shillong Diamond Jubilee hmangtu dinghai po poin inthuruolna, inlaichinna le inhmangaina a thartaka neia hi hunser pawimawtak hi hlim le lâwm tlângtaka hmang seng dingin ditsakna vochuom Hmar Inpui, Meghalaya Region chun an hlan cheu.

Hmar hnam dam sien, HSA khawm pârvul pei raw seh.

                                                                                                                                                       

(Pu LalpawllienTuolor)
President                            

(Dr. Crossthang Sanate)
Gen. Secretary

Hmar Inpui, Meghalaya Region.


Post a Comment

Powered by Blogger.