CCPur, November 2, 2017, Virthli (ONP): HPC (D) President pawla General Secretary J.C. Hmar chun vawisun Nov. 2, 2017 khan thusuok siemin Hmar hnam sunga inthuruolna le inpumkhatna, hmasawna thalem a hung intlun ngei an beiseina leiin Pu Lalhmingthang Sanate HPC (D) thuoina hnuoia inthawkin ama, Deputy Army Chief Laldemlo le Commander Eliazar Joute @ Vala hai chun zani Nov. 1, 2017 khan HPC (D) Chairman pawl an lo zawm tah thu Hmar mipui hriet dingin an puong.

Chun, Commander Vala hminga Tuiruong dung le Cachar Phairuom a sie (tax) lak hlak hai hrim hrim hi ama hrietpuina a ni nawh ti an thusuok siema chun a tarlang a, hieng anga thaw nawk an lo um a ni chun an chungthu ngaituoin bawzui ngei a ni ding thu an tarlangsa bawk.





Post a Comment

Powered by Blogger.