Ankhasuo, November 25, 2017, Virthli (ONP): Liemtah November 22, 2017 khan Ankhasuo hmuna Hmar Phairuom le Vangaitlang a Lal hai le thuoitu dang dang hai chu fe khawm in Pu Lalhmingthang le a rawi hai chu thiemnaw an inchang. A hnuoia hi an rorel chu a nih.

HMAR PHAIRUOM LE VANGAI TLANG VILLAGE LEADER’S CONSULTATION MEETING

Date : 22nd November 2017
Place : Ankhasuo MGNREGS training hall
Time : 1:00 pm

Hi ni hin Hmar Phairuom le Vangai tlanga Lal hai le thuoitu dang dang hai, ahun le hmun ziek langa um a hin fe khawm ani a. hieng ahnuoia thu hai hi ngaituo le rel anih.

Liem tah Date: 12 September 2017 huna Hmarphairuom le Vangai a thuoitu dang dang hai Ankhasuo MGNREGS hall a inkhawmna nei huna Resolution No. 1 dungzuiin Tuiruongdung a fak le dawn zawngna a mipuiin harsatna tamtak eituok hai leiia, Tax latu hai kuoma ngenna siemin abiktakin Pu. Lalhmingthang Sanate khawm inbiekpuina neipui ani a. Hi huna inbiekna hai tuchen hin ei ngenna, mipui harsatna sukiengna dingin dawnletna hmu ala ni naw leiin, Tarik 22nd November 2017, hin Ankhasuo hmunah Hmarphairuom le Vangai thuoitu hai, hi chungchang thu bawka inkhawmna ko nawk anih.

Resolution:
1. Mipui harsatna sukkieng dinga ngen ani hnung khawma, Pu. Lalhmingthang le a rawi hai Hnam sipai anga insala mipui hai suk harsa zinga sumdawngtu hai kuomah tax anal lak zing leiin, Hmarphairuom le Vangai mipui hai chun thiemnaw ei inchangtir hle a, Hnam santu ah pawm tlaka kan ngai nawh.
Chun, Gang anga mipui harsatna siemtu hai hi sukbo ni ngei hai sien tha kan tih.



Convenor    
  (LALTLANTHANG)                
       President            
    Hmar Students’ Association                
     Vangai Joint Headquarter                              

Recording Secretary
(TH DAYAMOY)
 General Secretary
Hmar Students’ Association
Vangai Joint Headquarter


Post a Comment

Powered by Blogger.