Hmarkhawlien, Nov 19, 2017 Virthli (ONP): Independent Church Of India, Cachar Presbytery ‘Golden Jubilee Choir’ hai chun vawizan hin ICI Hmarkhawlien Biek-Inah an music video album hmasatak ‘AMA CHU LA BEISEI RAWP KA TIH’ chu tlangzarna nei an tih.

Golden Jubilee Choir Music Video Release Programme hi Upa Lalramlien Ralsun in keihruoi a ta. Nk. Lily Lalparmawi, Nk. Khupneichawng le Nk. Lalhmasawn haiin Special No. inhlanna nei an ta. An hlapawl remna Golden Jubilee Choir haiin nei bawk an tih. Choir ta dinga infuina thucha le short message Rev. Lalsuokhup, P/S Cachar Presbytery anthawk ngaithlakna nei ning a ta. Upa Hareld Brown le Pastor Ramsiemsang hai ‘Short Speech’ peng an ta. Programme chawitu tak ‘AMA CHU LA BEISEI RAWP KA TIH’ ti Album hi Pastor Songrokhum in a tlangzar ding a nih.


Album tlangzarna hun hmang a ni sung hin Choir Chairman Pu Lallawmthang in ‘Memento Inhlana’ hun hmang bawk a ta, Lawmthu le Choir History hrilna hun a hmang zovin Upa Lalkhawlien in hun tawp tawngtaina a nei ding a nih.

Golden Jubilee Choir – ‘AMA CHU LA BEISEI RAWP KA TIH’ ti Gospel Music Video Album-a hin hla 8 a um a. Studio A16 Record le Tea-a Chhakchhuak Video Production hai kutsuok a ni leiin duthusama tha tawk ni dinga ngai a ni a. 58th Presbytery Conference, dated: 17-19th November huna tlangzar dinga ruohmanna siema um chu rokhawlna hran hran leiin tlangzar a ni ta naw a. Zantieng dar 6:30 PM hin album releasing programme hi hmang tan a ni ta ding a nih. Copy khata Rs. 150 a inchawk thei a ni ding a nih.

Post a Comment

Powered by Blogger.