Responsive Ad Slot

Belchiengna: Freddie Songate @Freddie Graphics

Saturday, November 18, 2017

/ Published by VIRTHLI
KNOW FREDDIE SONGATE @FREDDIE GRAPHICS
(Tulaia Che Guevara Hmar Version etc leia hrietlar)

Multi Talented, Hmar Tlangval Freddie Songate hi lo hei belchieng ei tih. Ama hi (a piengna pa khawm) Multi Talented tho, famtah VL Songate, Musician inlar ve tak el naupa a nih a, a pa khawm a talent hai leia mihai hrietlar le ngaisang a lo ni hlak. Music chau nilo kut themthiem, ziekmi, hlami a ni ve a, an band JB Band vanglai khan ama (Freddie pa) hla phuok le a thlûk siem ngei chun Manipur pumpuia inruolsiekna Beat Contest ah India rama khawm Band inlar ve tak tak The Cannibals thangin, anni hai lai a pakhatna an lo lak phak ve ngat a nih. Hmar hla hlui tam tak audio album le radio/TV etc a gospel, modern, etc music hai hi Freddie pa kutsuok/a rem pek an lo nih. Rock Band inlar Dark Crusader le a dang dang a khawm musician pawimaw tak a lo ni hlak bawk.



BIODATA
Name: Freddie Songate
Father's Name: (L) VL Songate Mother's Name: Vanlalta
Sibling: Lucy Lalthakim
Address: Shillong Hills, Rengkai, Churachandpur
Present Address: Kalina, Santacruz East , Mumbai Qualification:
1. B.A (Geography), Ahmednagar College, University of Pune.
2. Diploma in Graphic Designing, Arena Animation, Bandra East, Mumbai.
3. Interior Designing, (Progress) Arena Animation, Bandra East, Mumbai.
Occupation: Freelancing in Graphic Designing, Tattoo Artist, Stone Engraving
Hobby: Playing Football
DoB: 01-03-1991



* Tuta thaw tak?
Freddie: Tutak hin Interior Designing, Rendering le lighting Arena Animation, Bandra East, Mumbai a ka thaw mek.

* Graphic Designing tieng hi iengtik khan am i thaw tan?
Freddie: Graphic Designing hi 2008 Class XII ka exam zo khan ka lo inhnik tan ve a, sienkhawm financial problem lei le mi zuk rawn el ding ka hriet naw leiin ka thaw thei naw a, chun 2014 khan Guwahati Arena Animation le MAAC institutions hai ka lo zu belchieng ve a, Guwahati a ngei fein sienkhawm ka duthu a sam naw leiin 2015 August thla khan Mumbai Bandra a Arena Animation a fein ka lo thaw tan ve a nih.

* Tu'n am a kawk hmu che?
Freddie: Graphic Designing tak hih ka'n hnikna a lo sawt ve ta reng reng lei khan a mi kawkhmutu tak zuk ti ding khawm an um nawh. Sienkhawm inchûk ding anga kan singsa ve ta lei khan ka Senior, ka ruolpa Immanuel L Zote @Manu Zote Saihmang tuta KYP (Know Your Purpose) T-Shirt Brand neitupa hi ka rawn ve a nih.

* Customer khawlai mi am i nei a?
Freddie: Customer hi chu ka'n chûk tan lai a'nthawk khan ka nei ve zeu zeu hlak a, Mumbai, Delhi, Manipur le Assam a hai ka nei ve nuol. (Tuta ka customer hai hih Graphic tieng pang a mi deu an nih.)

* Ieng ieng am i thaw thei/thiem a?
Freddie: Pathien a'nthawk a thil thiem ka dawng lieu lieu a nih a-
1. Musical Instrument Guitar le Keyboard (damna khawp)
2. Tattoo chuk
3. Painting (Digital Painting le Wall Painting)
4. Graphic Designing
5. Stone Engraving (Lungker)
6. Interior Designing
7. Furniture Works

* I Kutsuok hai ieng ieng am?
Freddie: Tuchen a hin chuh-
1. Logo Design
2. T-Shirt Design
3. Tattoo
4. Wall Painting
5. Furniture Designing
6. Lungdaw (Memorial Stone)
7. Graphic Design ti bak chuh a dang taluo ka la thaw nawh.

* Nang i hmingin Brand/Label i nei am?
Freddie: Aw ka nei ve ngei. Ka Brand hming a dingin Freddie Graphics tiin 2016 khan ka lo hmang tan a nih.

* I Brand hin ieng thil am i siem dawk tah?
Freddie: Ka Brand hin T-Shirt pahni ka print ve tah
1. Che Guevara Hmar Version (Black and White)
2. Typography Bible Verse JOSHUA 1:9 (Black and White)

* Hmatieng pei ah iem i thiltum?
Freddie: Pathien zara damtaka ka'n chûk zo chun Interior Designing hi ka fepui tak dingin ka sie a nih.

* Ngai pawimaw zawng:
Freddie: Ka mimal a ka ngai pawimaw ve pakhat chu naupang a thenkhat chu an nu le pa haiin Government Service hai exam dingin an mawr/hril hlak a. Ka'n cha nuom tak chuh nu le pa hai hin mani nauhai ieng ang am an thil in hnik zawng ti kha hre tum phawt inla a thain ka hriet, asanchu lekha ei in tiem tir char char khan anni ta dinga Sawrkar sin hi Pathien in a ruot a ni si naw chun a puitling thei naw ding a nih. Mi popo in Sawrkar sin dit seng ei tih, sienkhawm Pathien-in mi popo ta dingin a ruot kher nawh. (Sawrkar sin chu a dittu laia pakhat ve ka nih). Kei ka'n chûkna field/line ang a hin inchûk kher ding ka tina an nawh, ei nauhai iem an in hnik zawng ti kha hriet hmasa tum phawt ei tiu ka tina a nih. Line dang dang a tam taluo khawvel a hin Fashion Designing, Tailoring, Cruising, Mechanics, Games and Sports, Journalist, etc. Iengpo khawm thaw ding lo ni inla khawm taimakna le tumruna hai hi a pawimaw tak a nih.

* A kut suok ngainatu, thuchieng hrie nuom le ama contact nuom hai tadi'n +91-9833541382 ah biekpaw thei ning a tih. A thiemna a'n rilin suong a um hle a nih. A nal i ti tam tak chu ama kut suok ning a tih ti ding khawp a thiem a nih!

- Virthli Online News Portal
"Ushering Change"
Don't Miss
© all rights reserved
made with by Simon L Infimate