MUOLHOI, November 24, 2017, Virthli (ONP): November 24-25, 2017 sung khan CH Khawthlang Memorial Hall, Muolhoi-ah Hmar Students Association NC Hills & Karbi Anglong Joint Headquarters haiin 20th Conference cum Meritorious Award Ceremony an hmang. Hi huna hin NC Hills Districts le Karbi Anglong a unit tum tum haia inthawk palai 300 vel an fekhawm a, unit tin haiin report an pek seng.


2017-19 sunga HSA NCH&KA JHQ thuoitu ding hai thlangna nei a na, hieng a hnuoia hai hi thlang tling an nih:
President- Tv. John Mark Pena
Vice- President-  Tv. Liensanglawr Zate
Gen.Secy- Tv. James Selate
Asst.Secy-  Tv .Semion  L. Thiek
Finance Secy - Tv. Joseph Ralsun
Treasurer -  Nk. Ruthi Thiek
Deparmental Secretaries:
Education - Nk. Precila Buongpui
Info.& Publicity- Tv. Isak Faihriem
Social & culture-  Tv. Lalrohlun Pena
Public Relation - Tv. Hmingchunghnung Khawzawl
Games & Sports - Tv. David Tuollai
Statistic Secretary-  Tv. Lalramdin Tuolor

Inkhawmpui huna hin award tum tum inhlanna nei a na, Lt. VL Lianjaua Tuolor Memorial Award chu HSA member HSLC Examination, 2017 huna mark hmu insangtak pek a na, KS Pulamte Merit Award chu HSA member HSLC Examination, 2017 huna MIL Hmar a mark hmu insangtak pek niin, board exam a thaw tha bik HSA members HSLC-ah mi 12, HSSLC (Sc)-ah mi 7, HSSLC (Arts)-ah mi 4, TDC-ah mi 5 le MA-ah mi 3 hai Meritorious awards pek an ni bawk. Meritorious award dawngtuhai hin board exam-ah 75% neka insang an hmu seng a nih. Hieng hai baka hin Ph.D degree zo thar HSA members 3, Dr. Shilo L Parate, Dr. Rody V Faihriem le Dr. Teresa L Khawzawl hai chawimawina in Achievement Award inhlan an ni bawk. Meritorious Award hin Citation le sumfai Rs. 1000/- a sawma, Achievement Award dawng hai po chu thangsuopuon inhlan an nih.

HSA Conference huna hin Pu LK Thiek, Dist Adult Edu Officer, Dima Hasao Dist le Pu Manthang Parate, BDO, Harangajao ITDP Block  haiin khuollien niin programme an uop a. HSA General Headquarters palai, Hmar Inpui (Hmar Supreme House) President, Hmar Women Association (HWA) members hmar hnam sunga pawl hran hrana thuoitu hai chu Special Invitees le Special Guests in an thang a, programme karlakah HSA Choir haiin mipui fekhawm hai rimawi-in an inawi zing bawk.

Post a Comment

Powered by Blogger.