: November 4, 2017 khan Rev. Chawnga Pudaite Memorial Chapel, Sielmat, CCPur-ah 12th Hmar Youth Association (HYA) GHQ Triennial General Conference-2017 le Election hlawtling taka nei le zo a lo ni tah.
Business Session 11:00 AM a inthawk nei a ni a, hi zo hin HYA Election Commission huoihawt-nain kum 2017-2020 inkar sunga HYA GHQ thuoitu ding hai thlangna nei a ni a. President dingin Upa Laldawnlien Varte bawk thlangtling nawk a nih.
Vice President dingin Mr. Lalsanglien Inbuon: General Secretary dingin Mr. Alan Famhoite, Asst. Gen. Secretary dingin Mr. Lallienkhum Traite, Secy. Finance dingin Mr. Sanhim Sanate; Treasurer dingin Dr Jire L. Pudaite hai thlangtling an ni bakah Secy.Info. dingin Mr. Lalramsiem Zote (uncontest), Secy. Art & Culture dingin Mr. Ruolchungthang (uncontest) le Secy. Games & Sports dingin Mr Robert Thiek (contest) hai thlangtling an ni bawk.
Inthlangna hi Election Commission Hmar Inpui GHQ a inthawk President Pu Joseph Lalrothang; General Secretary Pu Francis Songate, Rev. Dr V. Lalnghakthang, General Secretary. Hmar Christian Leaders Forum; Rev. Rohminglien Pakhuongte, Chairman, HCLF le Dr. Rosiem Pudaite, Chairman, Finance Committee, HI GHQ hai inrawina hnuoia nei a nih.
Zan programme 6:00PM in a hmun pangngai bawkah Conference hmang a ni a, hi huna hin Conductor in Mr Lalhuolhim F. Tusing a thang a, Rev. Ruolhlei Pakhuongte in hun hawng tawngtaina a nei.
Rev. Rohminglien Pakhuongte in thuoitu dinga thlang thar hai Commissioning service a hmang bakah Pu LaIhmuok Famhoite, Founder Gen. Secy. HYA GHQ in "HYA Chanchin le a thiltum- ti paper a present a. Rev. Songrolien Songate in Pathien thucha hrilna neiin Upa Laldawnlien Varte, Gen. President, HYA GHQ in lawmthu hrilna neiin Rev. HB Hluothang in tawngtainain hun a khar.
Conference huna hin May 7, 2004 a Tuitla a ruolhai pahni a sanhimnaa hringna lo chan tah (L) Nk. Grace Ramngaium d/o Lalhmunlien Infimate of Thingchom Village HYA GHQ chun Chawimawina an hlan bawk.
Conference mipui inkhawm huna hin Blessed Choir, ICI KTP Sielmat;EFCI KTP Sielmat han hla an sak bakah guest artiste in Nk. Lalengvar Sinate, Nk. Lawmnakim Hrangate le Joseph M. Pakhuongte hai an thang.
