CCPUR, October 07, 2017, Virthli ONP): RPCNEI Project Children's Home, Saikot, CCPur ah Rev. (Dr.) Daniel Kim Director, Living Water Ministry, Seoul, S. Korea in 20 Lakhs vang senga ei ram ah abiktakin naupang le thalai ha'n an mamaw em em nia a hriet leia a sponsor- building, lekhabu chi tum tum competitive exams a sawr thei ding thangsain lekhabu lakh tel man, free internet, computer, naupang inhnelna (toy) le infrastructure pawimaw dang dang umna, Children's Home Library ti hming chawiin hawngin a um zing tah a, thlatin visitor khawm zatel um tah-in Pathienni tilo nitin dar 9am - 5pm hi hmun hi pan thei le a thlawn (free) a hmang hlawk thei zing a ni ta thu hi hmun enkawltu le Librarian Mr. Ronnie LC Hmar chun a hril. Library Hall a hin meeting khawm nei thei, capacity 80 vel chair le table khawm a umsa vawng a ni thu, a thlawn a hmang thei a niin a hril a. A hril peina a chun eini lai khawm lekhabu thawlawm nuom hai tadi'n lekhabu thawlawm thei a la ni ding thu le chu dinga kawt lientak hawng vat a ni ta ding thu, hi leh inzawma contact person chu Rev. (Dr.) V. Lalnghakthang Gen. Secy., RPCNEI, Rev. Ros Infimate Manager, Childrens' Home, Saikot le Mission Secy., RPCNEI le Librarian Ronnie LC Hmar an ni ding thu hai a hril bawk.
Hi library hmun hi tuta hma deu May 16, 2017 a 14th Manipur State Level Hmar Martyrs' Trophy Football Final le Hmar Martyrs' Day a Chief Guest, khawvel hriet a Boxer inlar Pi MC Mary Kom in bu a fakna hmun kha a nih.
Hi library hmun hi tuta hma deu May 16, 2017 a 14th Manipur State Level Hmar Martyrs' Trophy Football Final le Hmar Martyrs' Day a Chief Guest, khawvel hriet a Boxer inlar Pi MC Mary Kom in bu a fakna hmun kha a nih.
