Responsive Ad Slot

HSA Imphal JHQ Freshers Meet -cum- Prize Distribution nei a nih

Tuesday, October 3, 2017

/ Published by VIRTHLI
Imphal, October 02, 2017, Virthli (ONP): Zani khan HSA Imphal Joint Headquarter huoihawtna hnuoia Freshers Meet-cum- Prize Distribution hun hmang ani a, session pahni a ṭhe a nih. Session I na Freshers Meet -cum- Award Distribution sûn dâr 11 a hmang ani a, hi hun hi Tv. Lalbelsang Infimate le Nk. Alicia Zoremsiem in an keihruoi a, Tv. Malsawmthang Ralsun, President HSA Imphal JHQ in lâwmlûtna thucha ngaithlâk anih. Sûn hun ah Pi S. Lalparmawi, Dy. Registrar IGNTU-RCM, Pu Stephen R. Buhril, Asst. Intelligence Officer, Ministry of Home Affairs, Govt of India le Nk. Margareth Tryte, Finance Secretary, HSA Gen. Hq hai Chief Guest, Guest of Honour le Chief Host a ṭhang in anni ainthawk thuhriltawi ngaithlâk ani bawk.

Rev. Hrangchunghnung,PS EFCI Imphal Presbytery in Freshers hai infuina le ṭawngṭai pêkna le thuhril tawi hun a hmang bawk.


Pensioners pali (4) hai kuomah thangsuopuon insil tir na le memento inhlânna nei ani a, mi pahni(2) hai kuomah Humanitarian Award, Imphal a Hmar mi in a enkawl school hai kuomah memento le Hmar nau inkhêlna tieng a National Level a inkhêl phâk hai kuomah memento inhlân ani bawk.
Hun karlak a hai Band le Artist hai ainthawk hla ngaithlâk ani bawk.

Session II na ah Musical Night -cum- Prize Distribution zân dar 6 ah nei ani a hi hun hi Tv Lallianmawia Singson le Nk. Hallelui Tlangte haiin an keihruoi a, Tv. Martin Shakum, Vice President,HSA Imphal JHQ ainthawk ngaithlâk ani. Upa Laldawnlien Varte, President HYA, Pu Joseph R. Hmar, Adviser HSA Gen. Hq hai Chief Guest le Chief Host a ṭhang in anni ainthawk le JHQ advisers hai ainthawk thuhril tawi ngaithlâk ani bawk. Musical night ani ang hrim in Artist hai ainthawk ngaithlâk ani a, Imphal Hmar Sports Organising Committee haiin Imphal Hmar Sports 2017 lawmman semna le lawmthu hrilna an nei bawk. Hi program hi Nk. Christina Shakum, Runner Up, Manipur Idol le Nk. Cindy Inbuon hai chu Guest Artist niin anni ainthawk le Local Artists le Band haia inthawk hla ngaithlâk ani. Session II vawikhat inzo ah DJ Night cum Concert nei ani a, mipui hai dit khawp lo rak in an trin ani. Program hmang a um Session pahni hai hi khawtlang ṭhuoitu HYA, HAA le Val Upa hai khawma an uop bawk a nih.

Hi program a khuollien hai thuhril hai laia mipui in á¹­ha an ti bêk bêk chu hi hi ani. "Unau hnamdang hai hin program hmangpui dingin an mi fiel hlaka a, nu le pa khawm an tam thei hle. Eini Hmar chu program ei nei phât nu le pa program hung uop hmu ding an vâng hi ana a nih."  
Don't Miss
© all rights reserved
made with by Simon L Infimate