Silchar, October 16, 2017, Virhli (ONP): Liemtah October 14, 2017 khan Hmar Students' Association (HSA) 23rd Executive chu Hotel Kanishka, Narsingtola, Silchar hmuna nei a nih. HSA thuoitu State/ Joint Headquarters dang dang anthawkin an fekhawma, HSA Assembly Speaker Pu Lalthlamuana Hmar keihruoina hnuoia rorelna an nei.


Hi huna hin HSA 56th General Assembly chu 2018 February thlaa Ankhasuo khuoa nei ding, Manipur a HSA in Education Survey a thaw mek le inzawma JHQ hai report le a tul dungzuia Chief Minister le Education Minister hai kuoma Representation pek ding thu, Hmar khuo hming hnam dang hminga um hai chungthu, Inchuklai Nun Magazine website ang zawnga suk hring, Assam (Barak Valley) a Hmar MIL Inchuktirtu le inchukna chung thu hai le ro dang dang iemanizat an rel a nih. 

Post a Comment

Powered by Blogger.