Responsive Ad Slot

Ramhmangai thina le inzawma thurel le that a nina san puong

Thursday, September 7, 2017

/ Published by VIRTHLI
Lungthulien, September 7, 2017, Virthli (ONP): Mr. Ramhmangai Hrangchal (K-32) s/o Hasin Hrangchal Lungthulien,a thina le inzawmin vawisun Sur Inpui Lungthulien le Tipaimukh Val-Upa hai chu Lungthulien ah inbiekna nei a ni a. Tipaimukh Val-Upa hai chun puondum le vawk sûmnga thatin an râl. Tuolthattu Tipaimukh Val-Upa hai chun luongman Sur Inpui-in a bituk zat (Rs 5 Lakhs) an pek theinaw leiin Bond Sign thaw-in hun bituk sung 18/09/2017 7:00pm chen kei sei pek an nih.

Tuolthattu Tipaimukh Val-Upa hai hin Rs 5 lakhs dinga Rs 80000/- an hung chawi thei hram a. Sum bituk zât Rs 5 lakhs an intlin thei naw leiin Sur Inpui tieng hin an hun bituk kei sei pekin Rs 80000/- khawm chu an inchawi kir tir bawk.

Vuokhlum a nina san Tipaimukh Val-Upahai inpuongna : Ramhmangai le a ruolhai hi thingât puta an fena a an inselbuoia. Khuo an hung tlung hnungin Ramhmangai chun an sel buoipuipa chu vuok tumin a ramsuokna thuomhnaw khawm inthleng hman lovin khawlaidunga a mansapui le Cycle chain chawiin a hnawt thlur ta a. A hnawtpa chu khawtlang sinthawna lai ina a tlan lut a. Chawrsawnga an chawmthlâk san ta leiin Ramhmangai chun lan hmu nawk ei tih tiin a kir san ta a nih. Tuol mansa le suok a ni leiin Cycle Chain le a mansaa chemtum naw iengkhawm hriemhrai dang a chawi naw thu Tipaimukh Val-Upahai chun an hril.Zan inthim hnung chun Ramhmangai a tlung in Pu Ngurhming ina chun Tipaimukh mi ṭhenkhatin Val-Upa haiin an biek nuom che tiin a nuom naw sa a va kei luiin an ṭhuoi suok ta a. A zing ni 6 Sept.2017 chun a thi thu Lungthulien khawtlanga ngaidam inhni pumin Tipaimukh Val-Upahai chun an hang intlun ta a nih. Parbung CHC ah Postmortem thaw a ni hnung chun a ru le chang bawng rem rum a nunrawng taka sawisak a ni thu mit ngeia hmu a ni ta pei bawk.

Ramhmangai Tipaimukh Val-Upa haiin an vuokhlumna le inzawm hin khuo le khuo kar boruok sosang thei zawnga chanchin belchieng dawllo thedar lo dingin mitin ei inngen tak meu. Ṭawng khat hmang,hnam khat lai hin suksuol le thaw hram chu a um thei. Inbiekna ei nei thei hi lawm a um. Khuo le veng inlakhranna um naw sien Hmar a hin dam ei tiu.

Don't Miss
© all rights reserved
made with by Simon L Infimate