Lungthulien, Sept.06, 2017, Virthli (ONP): Ramhmangei Hrangchal(K-32) s/o Hasin Hrangchal,Lungthulien chu Tipaimukh Val-Upa haiin Tipaimukh ah an vuokhlum.An vuokhlum nasan hi chieng tak a hriet a la ni hri nawh. A thina chunchanga hin Lungthulien a Laibung(sur inpui) le Tipaimukh Val-Upa haiin inbiekna an neia. An inbiekna angin 6:45pm khan Postmortem thaw dingin Parbung CHC ah a ruong sie a nih.Sienkhawm Parbung Police Station ah Police an um remchang naw leiin Postmortem hi thaw thei a ni ding le ding naw chieng taka hrietna ei la nei nawh. A ruong hi Lungthulien nunghak tlangvalhaiin zanhar pui an tih.

Ramhmangei hi Tipaimukh Val-Upa hai ngaidam inhni dinga Lungthulien a an fe hin a thi ti hriet chau a nia. Hi lei hin Lungthulien tlangval ruol chu an lung a awi naw hle niin chanchin ei dawng. A nuhmei bak a nau nuhmei 2 le naupasal 2 a maksan bawk. Lusun sungkuohai ei tuorpui takzet.

Post a Comment

Powered by Blogger.