CCPUR, September 27, 2017, Virthli (ONP): Sept. 27, 2017 zantieng dar 3 PM khan Hmar Youth Association (HYA), Gen. Hqrs. Office, Rengkai, CCPur ah HYA GHQ Executive Meeting nei a ni a. Hi huna hin Resolutions 5 an passed a, chu hai laia chun hungtlung ding Nov. 1-4, 2017 sunga HYA General Conference le Election nei dan ding thu hai a thangsa. A hmun ding ruokchu la sukfel a ni naw a, hun sawtnawte ah sukfel dingin thutlukna an siem a, hi General Conference huna hin infiemna le inruolsiekna chi tum tum khawm nei tha an ti tlang bawk. Hi le inzawm hin an hmatieng HYA Jt. Hqrs. le Branch tum tum hai khawm meeting neipui vat a ni ding thu Upa Laldawnlien Varte, Gen. President, HYA GHQ chun a hril. Hi le inchawk buoi theia programme tukhawma siem lo dingin ngenna a siem a, kohran le hnam sunga pawl tum tum hai programme lo nei tasa hai hi meeting huna hin dilsut taka ngaiven a ni hnunga Gen. Conference hun ding hi sukthluk chau a ni thu a hril bawk. Hi hun hawng tawitaina Upa Laldawnlien Varte, Gen. President, HYA GHQ le hun khar tawngtaina Rev. Ruolhlei Pakhuongte in an nei a nih.


Post a Comment

Powered by Blogger.