~ Jami Darngawn

Tienlaikhan Thiempu Aronin lsrael mipuihai aiaw’n Maichama chun inthawi dinga a lut dingpha hriek hlutak manto takel a nal hlak a nih. Chu hriek chu mi dang nal/hmang chi a ni nawh. Chu hriek ngei chu rimtui chikuo inpawl a nih. Chu ngei chu Lalpa ngaiah hlu tak anih. Sam 133 : 1-2.

Awle, eini hai khawm Lal ISU zar chauvin Lalpa Pathien hmaah nitin zantin iengtik lai khawm ei inlang thei an tah. Lalpa ropui raw seh. Nitin Lalpa Pathien hmaah hriek hlutak/ hriek rimtui eiin nal hlak am aw ?

Aronin hriek alo hmang hlutak kha tuhin zawng inla khawm ei hmuzo ring a um ta nawh, lo um tahrim khawm nisien, neiphak tawl kher naw mei nih! Pawisaa inchawk ngai lovin nitin a man bova ei nal thei zing chu hi hi a nih. Thlarau ra pakuo 9 hai kha. Kei khawmin ka mamaw emem le ka lo innal zo tawk ngailo Thlarau ra pakuo 9 hai hi vawisun hin a thar takin hang innal thar inla nuom a va um de ! Ei lusipa inthawka ei ke hmawr chenin. Chu ngei chu a nih Lalpa Pathien ngaiah hlutak chu !

Thlarau ra ruok chu -
1. Hmangaina dâm,
2. Hlimna dâm,
3. Inremna dâm,
4. Dawtheina dâm,
5. Ngilneina dâm,
6. Țhatna dâm,
7. Ringumna dâm,
8. Thuhnuoirawlna dâm,
9. Insumtheina dâm ani lem.
Chuongang kal zawngin Dân thupêk hrim a um nawh.
(Galati 5:22-23)

Hriek hlutak Thlarau ra pakuohai hi nitina eiin thuomna ni thei dingin Lalpa’n a thu mal mi sawm pek raw seh.

Post a Comment

Powered by Blogger.