Guwahati,VirthliNews,07/09/2017 : Hi Album hi Guwahati Hmar Christian Fellowship (GHCF) in 9th le 10th September ni a Silver Jubilee ropuitaka hmang ding le inzawmin Silver Jubilee Choir alo indin ana, hi le inzawmin Choir members han an thei ang tawka hmalain, hi Album “A MI THUOI PEI” ti  hi an buotsai a nih.

Choir Director Rev. Dr. H.M Songate ana, Recording hi Orange Studio, Guwahati, Assam in an thaw a, Mixing-mastering and Recordist hi Valtea (Studio A16), Aizawl, Mizoram in thawtir ani bawk a nih. Video and Post-Production hi Excavation Studios, Haflong, Assam ithaw a nih. Choir Director a inthawka thucha chu hi hi a ni “ Silver Jubilee le inzawma Album buotsai hi mi tuelkhawmin hi Music Album hi rawngbawlna a ngaia lo la ding le ngaithlatu hai taphawt Pathien thlarau malsawmna a thar taka an dawng ngei theina dingin hi music hi tawngtaina le inhlan ani a, chuongang taka ngai thlatu hai popo Pathien malsawmna an chang seng thei na dingin Lalpan a tharin malsawm raw se cheu” ti a nih. Album Release hun ding hi September ni 9 ning ata, A hmun Guwahati Medical College Auditorium, Bhangagarh, Guwahati, Assam ani ding a nih.








Post a Comment

Powered by Blogger.