Taithu, Sept. 16, 2017 (Virthli ONP): Pherzawl Dist. sung, CCPur Zero Point a'nthawka 216 KM a um Taithu khuo, NH-02 i hrawna hmun khat lai, a khuo mi ha'n Station an ti hlakna kawlhnai lai chu Dr. John Pulamte le rawihai hmalaknain tulai hnai el a JCB hmanga nawr le siem a ni thu dawng a nih. Dr. John hin politician le midang thenkhat angin hming suklang a nuom ve naw a, sienkhawm mipui tadinga a thahnemngaina ei hriet leiin ei hung suklang a nih. July thla bula Taithu le Lungthulien-Sipuikawn inkar siemthatna ding khawm khan JCB darkar 70 chuong a thaw ve a nih. Khang hun haia khawm khan a mimal hmingthatna hnawt lo a sinthaw a nih ti a khawhnunga hriet a ni bawk. Mani theina ki senga hma latu hai inpak an umin, lawm an um tak zet.
