Patpuihmun, August 15, 2017 (VR): Indian Independence Day Celebration vawi 71-na chu Patpuihmun khuoah Shri G. K. Daigong, SDO Vangai Range chu khuolliena hmangin ropui takin hmang a nih. Shri G K. Daigong, SDO in India hnampuon keipharna neiin, D R. Țhuoma Govt High School le PMS student haiin inzana chibai bûkin, Cultural Dance hai an nei bawk. Shri G K. Daigong, SDO khuollien chun thuhrilna neiin, inthuruol a pawimaw zie hai a hrila , inthuruol taka sinthaw tlâng dingin mipui hai fielna a nei.
Patpuihmun PMS School, D R. Țhuoma Govt High School, Ankhasuo Youth Club, Khangbor Youth Club, Upper Kharkhuplien Yout Club hai kuoma Sport material hai inhlânna a neia, (1) Pu. Thansang, Chief of Sartuinek, (2) Pu. Lalvulmawi, Chief of Patpuihmun, (3) Pu. L. Enga, Chief of Moinador, (4) Pu. Lalthlanthang Lungtau Chief Khangbawr (âiaw), (5) Pu. Ramhmangai, Chief of Ankhasuo (âiaw)hai kuoma Lalpuon a pêk bawk. Khuollien hi, HYA Jiri-Vangai Joint Headquarter le HSA Vangai Joint Headquarter țhuoitu ha'n an hung țawiâwm.
Patpuihmun Independence Day lawmna huna hin Vangai tlânga V/A hai le mi fiel bîkhai an țhangsa bawk. Pu. L. Enga, Chief of Moinador khawmin thuhrilna a neia, Vangai BDO chu SDO-a hlângkai a ni thu le inthuruol le ințhangpui intuo a pawimaw zie a hrilsa bawk. Pu. Lalvulmawi, Chief of Patpuihmun khawmin, thuhrilna le lawmthu hrilna a nei bawk.
Programme zo hnungin Vangai V/A haiin SDO inpawlpuina neiin, Vaingai harsatna thuhai an intlun
Ngampabung khuoa khawm JB School le Jr High School inkawpin Independence vawi 71-na Khawtlâng mipui in ropui takin an hmang.
Thingkalh khuoa khawm, ICI JB School huoihawtna hnuoia Independence Day Celebration programme hmang a nih.
Kangreng khuo a khawm, CES, le Jr High School buotsaina hnuoia ropui taka hmang a nih.
