CCPUR, August 24, 2017, Virthli (ONP): The Pathway School-in a huoihawt  ‘Symphony of Ideas( An Inter-School Competition)’ chu vawisun Dar 10:00AM  khan The Pathway School, Nehru Marg ah opening ceremony hmang a nih. Hun hawng tawngtaina Rev. Fimthasang-in a nei a, Pi Esther Hrangate, Asst. Headmistress, The Pathway School-in lawmlutna thucha hrilna a nei zoin student haiin lam hmunuom um takel  Fusion dance  inentirna hun an nei. Hi huna hin  competition chi tum tum nei a ni a, Spelling Bee Competition (Junior) a lawmman latu hai chu; 1st- Nembiakdik  St. Paul’s Institute, 2nd – Niangsuanching VK Tawna High, 3rd- Mercy Chingthianpiak, St Paul’s Institute hai an nih. Spelling Bee competition (Senior) a lawmman latuhai chu; 1st -Reina Malsawmtluangi Yuong Learners School, 2nd - Mercy Kimlalhat Young Learners School, 3rd- Mercy Zoremsangi, The Pathway School hai an nih .


Group  Dance Competition (Indian classical fusion dance) a lawmman dawngtuhai chu; 1st- The Pathway School, 2nd- VK Tawna High, 3rd  latu chu  Don Bosco Higher Sec. School le St. Pauls’ Institute hai an nih . Mono-Acting competition nei ani huna lawmman latuhai chu hieng hai hi an nih; 1st – Dougoupau VK Tawna High, 2nd- Suanliansang VK Tawna High, 3rd- M. Bidyalaxmi Young Learners School .

Hi hunser hmangna a hin Churachandpur khawpui sunga inthawk school hran hran an thang a. Student ha’n an thiemthil nei hai le an hrietna hai inhrilintuoa, school tinin le student  ha’n  inlaichinna tha lem an nei theina dinga hieng thil hi huoihawt a ni thu The Pathway School, Headmistress chun a hril.  Vote  of  Thanks Pi Elish M Zate,  Asst. Teacher , The Pathway school-in hrilna hun a hmang a, The Lord’s Prayer hrilna nei a ni zoin a ni khatna  hi khar a nih. Zinga (August 25,2017)  khin sunzawm la ning a ta, items chi tum tum huoihawt ni nawk a tih.

Post a Comment

Powered by Blogger.