Saikot, August 21, 2017, Virthli (ONP) : Saikot Sub Division Demand Committee hmalaknain date 21 August, 2017 zing dar 11,  khan Saikot Sub Division Office Staff  hai  tawngtaipekna hunser puithutaka SDO, Saikot ah hmang a nih. Staff hai hi Rev J.F. Lalropuia in tawngtaipekna a nei.

Hi huna Saikot Sub Division biel sunga  Lal, Village Authority, Hnam thuoitu, HWA, HSA, HYA,YMA, Pastor iemanizatin an uop.

A fekhawm hai lai hin Rev. Joseph D. Hmar, Former Vice President, Hmar Inpui le mi dang dangin thuhrilna hun an nei bawk.

Chun, Pi Lalthazam, MCS, SDO, le Pu Solomon L. Fimate, SDC  hai khawmin thuhrilna an nei.

Saikot Sub Division staff hai ṭawngṭai pekna a fekhawm hai chun Pathien zar, SSDC le Mipui inthuruolna leia hlawtling tung pei a ni thu uor takin an hril.

Saikot Sub Division inthang mek lawm ding hin inbuotsaina a fe mek a, chuleiin, biel mipui lawmna hunsera hmang ding pawisa khawn mimal, pawl, Institution, Lal le Authority po po tlawmngaia lo inring seng di'n SSDC chun inzatakin a ngen takzet a nih.

Chun, Certificate- Tribe, Income, Domicile le a dang dang sem ṭan a ni ta a. Tribe Certificate la hmasataktu chu Rev. Joseph D. Hmar, Saikot a nih.

Vawisun chena SSDC hmalakna lo thlawptu po po kuomah SSDC chun lawmthu a hril takzet a nih.

Post a Comment

Powered by Blogger.