Imphal, August 14, 2017, Virthli (ONP): Vawisun khan helpawl mi 68 haiin an silai Manipur CM N. Biren Singh hmaah an intung. Hieng helpawl silai intung hai hi Manipur besana indin helpawl hran hran hai anthawk an nih. Silai intungna hun Homecoming Ceremony chu Banquet Hall, 1st Manipur Rifles, Imphal hmuna nei a ni a, hi huna silai intung (surrender) a țhang hai chu KCP- 23, UNLF-17, PREPAK-10, PREPAK (Pro)-7, /RPF-7, KYKL-4 hai an nih. Silai intung helpawl hai lai hin nuhmei 4 an țhang ve.

Silai intungna hi Manipur CM N. Biren Singh chun ama țhuoina hnuoia sawrkar hlawtingna pakhat niin a hril a, hienga helpawl han tharum thawna maksan nuoma zalenna le hmasawnna lampui hraw nuoma an silai hai an intung chu lawmum a ti thu le tharumin ieng ang issue khawm chingfel thei a ni naw thu a hril. Tharum insuo chun thisen suokna chauh an tlun a, ieng ang issue khawm nisien political dialogue a chingfel thei ani thu a hrilsa bawk a nih.

CM N. Biren Singh chun a hmaa helpawl hai ta dinga surrender policy lo um chu a hlawsam letder thu le siemțhat a ngai thu a hril a. Helpawl hai ta dinga Surrender cum Rehabilitation Policy induong thar ani thu, Ministry of Home Affairs, Govt.of India in a pawm (approval) char nghak ani ta thu a hril. CM chun helpawl in surrender hai le an sung le kuo hai venghimna dingin theitawp suo an tiem a, chu el bakah, helpawl dang dang hai khawm an la hung in surrender sa pei a beisei thu a hrilsa bawk.




Helpawl hran hran hai in surrender huna hin Deputy Chief Minister Shri Y. Joykumar Singh, Minister for Health and Family Welfare, Shri L. Jayantakumar Singh, Minister for CAF&PD, Shri K. Shyam, Minister for Education, Shri Th. Radheshyam, Minister for IFCD Shri Letpao Haokip, Minister for Agriculture, Shri V. Hangkhanlian, Chairman of Hill Areas Committee, Shri T.T. Haokip, Parliamentary Secretaries, Dr. Sapam Ranjan, Shri K. Robindro, Chief Secretary Shri R. R. Rashmi, DGP Shri L.M. Khaute, IGAR(South), IG CRPF le civil officer le police officer lien tak tak haiin an uop ve a nih.

Post a Comment

Powered by Blogger.