CCPUR, August 3, 2017, Virthli (ONP): Aug. 3, 2017 khan HYA Hmarveng Branch chun Thokang a inthawka natna um thei laka in vengna dinga hmangruo pawimaw Fogging Machine Imphal ah inchawin zantieng dar 5 PM velin Pastor Ralsunthang Ralsun in hi Fogging Machine hi Pathien kuoma tawngtaia inhlanna a nei zoin an khawsung ah fogging an thaw nghal. Hi fogging a hmang dinga pawimaw pyrethrin chu Dr. Jire L. Pudaite in a hung ngaituo a nih. Hi Fogging Machine hi tulai hnaia indiknaw taka suspend aum mek Dr. Jire L Pudaite a thlahuolna HYA Hmarveng Branch in an nei huna Dr. Jire le HYA member hai hin nei an hung rawtdawk, mi thahnemngai haiin sum tuokkhawma an inchawk nghal a nih. Sawrkar kut a innghat el lo a hiengang a hma an lakna hi inpak an umin, entawn tlak tak an nih. HYA Hmarveng Branch hin khawtlang mamaw bur-le-bel bakah Musical Keyboard chen khawm an nei a nih.

Post a Comment

Powered by Blogger.