Aizawl, 4 August, 2017, Virthli (ONP): Vawisun khan Hmar Students' Association (HSA), Sinlung Hills Joint Head Quarters thuoituhai chun Mizoram Art&Culture Minister le Higher& Technical changtu ni bawk Pu R. Romawia chu a office ah inpawlpuina an neia, HSA thuoituhai hin October thlaa Cultural Meet Saipum, Sinlung Hills hmuna an neina dingah Minister hi an fiel anih. HSA thuoituhai hi Minister hin a lo dawngsawng tha hle a, lungril zau le inhawng takin thuoituhai hi a lo inpawlpui anih.

HSA thuoituhai fielna chu Minister hin inzaum a ti hle a, khuolliena thang ngei a nuom thu le thei tawp insuopui a nuom thu hai Minister hin a lo hrila. A hun ding hi a lan fan diei tho leiin ngaituona hai lo hmanga nakie tienga inbiekna final neipui dingin HSA thuoituhai hi a lo ngenin a lo hril anih.


Hi huna hin Tuiriel Dam chungchangah HSA thuoitu ha'n minister hi hohlim puina an neia, affected area a thalaihai in an phutawk sin ghet NEEPCO ah an hmu thei ngeina dinga hma lak pui dinga an ngena chu minister hin theitawp suopui a lo tiema, Chief Minister Pu Lal Thanhawla khawm inhmupui ngei dingin thurawn a lo pek a nih.

Miniters leh inpawltlangna an nei zo hnung hin HSA thuoituhai chun Art&Culture Director inhmupuina an nei nawka, Cultural Meet hlawtling taka hmang ani dan ding le thil tul pawimaw dang danghai hriltlangna an nei zo hnungin chanchin a tul dan anga inhril zawm pei dingin an inthla anih.

Post a Comment

Powered by Blogger.