Responsive Ad Slot

HSA Pune le Bangalore Branch in Fresher's Meet an hmang

Sunday, August 13, 2017

/ Published by VIRTHLI
Pune/Bangalore, August, 13, 2017, Virthli (ONP): Hmar Students' Association (HSA) Pune le Bangalore Branch hai chun zanikhan Freshers' Meet hlawtling takin an hmang.

Pune Branch chun CMS Hall, UBS hmunah 15th Freshers' Social Meet, 2017 chu an hmanga, hmelthar/freshers inzieklut mi 36 hai chu an lawmlut a nih. Inchukna tienga hlawtlingna chang lawmpuina certificate mi 8 hai kuoma inhlan an nih. Freshers hai le hlawtlingna chang hai hi Rev. Kh. Thangdailo, Officiating Pastor, HCFP in Pathien kuoma tawngtai pekna a nei. Hi huna hin HSA Pune Branch kum 2017-2018 sunga thuoitu ding a hnuoia hai hi thlangtling an nih.

President: Pu Immanuel Hrangchal
Secretary: Tv. Peter Lalhrietsang Infimate

Committee Members:
1. Nk. Clearance Mawite
2. Bonet Pangamte
3. Zairemthang Songate
4. Lalthaful
5. Johnson Lungtau
6. Ramchanmawi
7. Faith Hranngul
8. HD Ramtharlawm

Ruoi the in hlimtlang takin hun an hmang zo an nih.

HSA Bangalore Branch khawmin zanikhan 15th Freshers' Social Meet, 2017 chu Lakshmi Party Hall, Kammanahalli, Bengaluru hmuna an hmang. Hi huna hin Khuollien in Rev. Dr. Hrangthankhuma Fanai hmang a nih. Bangalore Branch kum 2017-18 sunga țhuoitu ding thlangna nei ani a, a hnuoia hai hi thlangtling a nih;

President: Tv. Zolienkhum Joute,
General Secretary: Tv. Lalzarlien Sanate,

Office Bearers:
Tv. Calvin Vankal,
Tv. Michael R Pakhuongte,
Tv. Siema Zate,
Tv. Jehova Lalsuongum,
Tv. Joshua F Tuollai,
Nk. Zolienmawi,
Nk. Lynda Khawbung.

Hi huna hin Bangalore a Hmarnau chenghai chu an fekhawm tha hlea, hlasakthiem tak tak haiin mipui an inawi hne hle bawk a nih. Infuina thucha le insukhlimna hai khawm nei a nia, chun hi huna hin Mr. Fresher's dingin Tv. Calvin Vankal le Miss Fresher's dingin Nk. Sardisha hai thlang anni bawk a nih. Vawksa hmepawk, chartang hme le hme chidang dang hai ngei leh ruoi inhnik takin kiltlang ani zoin prokram hi hlawtling taka hmang zo a nih.


Don't Miss
© all rights reserved
made with by Simon L Infimate