Muolhoi, August 31, 2017, Virthli (ONP): Zani zantieng khan Assam Body Building and Fitness Association (ABBFA) Executive Members pahni Mr. Pankaj Bhattacharjee le Mr. Rishikesh Upadhya hai chun Tak-Anlakna Gym ah Mr Assam 2017 Competition a thang dinghai a vawihnina a dingin kanna an hung nei. Inenlna a thang ding Competitor ding hai hi an in fit tawk hle ta thu an hrila chun Tak Anlakna Gym neitu Pu Zara Zote khawma nasataka ama tieng anthawka competitor hai a theina kawng kawnga alo ṭhangpuina hai hi an inpâk hle thu an hril. Tak-Anlakna Gym a'nthawk Mr. Assam 2017 a țhang ding hai chu Tv. Albert L Pangulate, Tv. Azaria Joute, Tv. Jimmy Joute le Mr. Rahul hai an nih.


Pu Zara Zote hin Gym member 78 bawrvel a nei ta a member hai lai hin State level le National level chen a hai competition a ṭhang dingin alo tir suok ta bawk a nih. Nikum 2016 khan State level a 60kg above category ah a 4th position le 50kg Category above ah 2nd hai an lo lâk ta nghe nghe a, chun National level chena 6th Position khawm an lo lâk phâk ta bawk a nih.

Tuta ṭuma competitors hai hin beiseina insângtak an nei thu Pu Zara khawm hin a hrila, Pu Zara Zote hin a mimal a hi Gym hi a enkawl nisienkhawm competition a ṭhangthei ding awm ṭhenkhat hai hi supplement a thlawnin a pêk bâka fees hai chen khawm inawl (free) in an train tir  hlak a nih.

Post a Comment

Powered by Blogger.