Responsive Ad Slot

A vawikhatna dingin Pherzawl khuo in Electric meivar an hmu

Wednesday, August 2, 2017

/ Published by VIRTHLI
Chanchin ei dawngdan chun zanita (August 1, 2017) inthawk khan khawvel insiengtira inthawka electric meivar la tlung ngainawna hmun Pherzawl District Headquarters, Pherzawl khuo chun electric meivar an lo hmu ve tah.


Kum 3 lai liem ta khan Pherzawl 33/11 KV Power Sub-Station hi CM hlui Ibobi in a lo hawng ta kha a nia, hi power sub-station hi kum 2015 khan bawl zo a nia chu meivar pe suok lova kha chen lo um a nih.

Zanita inthawk khan in thenkhat haia a var tan a, MSPDCL staff hai chun theitawp suoin electric hrui mimal in a haia keilutna sin an thaw meka, BPL sungkuo hai chu meter box hai chen a thlawnin an pek a nih. Pherzawl khuo a hin in 250 vel a uma, electric meivar an hmukim vat beisei a nih.
Don't Miss
© all rights reserved
made with by Simon L Infimate