CCPur, August 2, 2017,Virthli (ONP):Reformed Presbyterian Church-NEI in a huoihawt 3 Days Disaster Relief Management Training & First Responder’s Training chu zani (01/08/2017) khan Children Home, Saikot-ah Pu Shyam Lal Poonia, IAS, DC, Ccpur in hawngna a nei. Training a thang le Khuollien hai lawmlutna hun Rev. Dr. V Lalnghakthang General Secretary RPCNEI in a nei a, RPCNEI in Isu Krista Chanchintha a hril bakah, khawtlang suk hmasawnna dinga inchukna tieng, fahra enkawlna le relief sina hmalakna hai tawi fel deuin hrilna a nei a, Khuollien hai hi VTI Rengkai kutsuok ngei bag nal tak tak inhlan a nih. Shri Syam Lal Poonia chun hieng anga Kohranin hma a lakna thuah District Administration ai in lawmthu a hril a.


Hun sawtnawteah Churachandpur District-Disaster Management Policy- khawm riruong tum a nih a, District sungah training tam lem khawm huoihawt dinga inpuocha ani leiin, RPCNEI in training a pekhai hi Master Trainer a thang dingin ngenna a siem nghal a, Training in zo hunah module hai hi Sawrkar hmang inphal chun mi hung pe ro tiin ngenna a siem bawk. Hi hun a Special Invitee Pu Lalramsang Infimate MCS Addl.DC CCPur in a thuhrilna a chun hieng ang training hi Kohran in hma a lak hi RPC chau a la hriet thu le Tipaimukh SDO a ni hun lai a sinthawna le inzawma harsatna a tuok huna khawm rin lova mi sawmdawltu hai chu RPC thawktuhai in ni leiin ka thei nghil naw cheu a, in pak in umin entawn tlak tak in nih tiin a hril. Hi Training hi August 1-3 chen aw ding a nih a, Training a hin RPCNEI Kohran a thawktu bakah Kohran dang dang a’nthawk le Organisation hran hran a’nthawka thuoituhai an thang a. Hi Training a Resource Person in Emmanuel Hospital Association, Disaster Management Unit, Delhi a mi Mr Penial Malakar, Director le Mr Shem Raomai hmang an nih. EHA hi India ram chau ni lovin Khawvel pum pui a Disaster Management a hmalatu an ni leiin le UN General Assembly chena khawm hi thu khekpuitu anni thu Director Mr. Penial Malakar in hrilna a nei bawk.(input: Laltanvel Hmar )

Post a Comment

Powered by Blogger.